ପାକିସ୍ତାନୀ ଡ୍ରୋନକୁ ଗୁଳି ମାରି ଖସାଇଲା 'ବିଏସଏଫ୍'

ପଞ୍ଜାବ:ପାକିସ୍ତାନୀ ଡ୍ରୋନକୁ ଗୁଳି ମାରି ଖସାଇଲା 'ବିଏସଏଫ୍'। ଏପରି ଘଟଣା ପଞ୍ଜାବର ଅମୃତସରରେ ଘଟିଛି । ଡ୍ରୋନ ସହ ଏକ ବ୍ୟାଗ୍ ମଧ୍ୟ ଉଦ୍ଧାର କରାଯାଇଛି । ଯେଉଁଥିରେ ନିଶା ଦ୍ରବ୍ୟ ଥାଇପାରେ ବୋଲି ସନ୍ଦେହ କରାଯାଉଛି ।

ଜଣେ ବିଏସଏଫ୍ ଯବାନଙ୍କ ସୂଚନା ଅନୁସାରେ, ଶନିବାର ଦିନ ପାକିସ୍ତାନର ଏକ ଡ୍ରୋନକୁ ଗୁଳି କରି ଖସାଯାଇଛି । ଡ୍ରୋନ୍ ସହ ଏକ ବ୍ୟାଗ ମଧ୍ୟ ଜବତ କରାଯାଇଛି । ଯେଉଁଥିରେ ନିଶା ସମାଗ୍ରୀ ଅଛି ବୋଲି ସନ୍ଦେହ କରାଯାଇଛି । ତେବେ ଗତ ୨ ଦିନ ମଧ୍ୟରେ ପାକିସ୍ତାନରୁ ଆସିଥିବା ଏହା ହେଉଛି ୪ ର୍ଥ ଡ୍ରୋନ୍ ।

ଏନେଇ ବିଏସଏଫ୍ ପଞ୍ଜାବ ଫ୍ରଣ୍ଚିୟର୍ ଟୁଇଟ୍ କରି ସୂଚନା ଦେଇଛି, ଶନିବାର ରାତିରେ ଭାରତ ସୀମା ଭିତରକୁ ପସିଆସିଥିବା ଏକ ପାକିସ୍ତାନୀ ଡ୍ରୋନକୁ ଅମୃତସର ସେକ୍ଟରର ଜାଗ୍ରତ ବିଏସଏଫ୍ ଯବାନ ମାନେ ଗୁଳିକରି ଖସାଇ ଦେଇଛନ୍ତି । ତେବେ ଏହି ଡ୍ରୋନରେ ଥିବା ଏକ ବ୍ୟାଗରେ ନିଶା ଦ୍ରବ୍ୟ ଥିବା ନେଇ ସନ୍ଦେହ କରାଯାଉଛି । ଏହା ପୂର୍ବରୁ ମଧ୍ୟ ୩ଟି ପାକିସ୍ତାନୀ ଡ୍ରୋନକୁ ନଷ୍ଟ କରାଯାଇସାରିଛି । ପ୍ରଥମ ତିନୋଟି ଡ୍ରୋନରୁ ପ୍ରାୟ 2.6 କିଲୋ ହେରୋଇନ୍ ଥିବା 2 ପ୍ୟାକେଟ୍ ଉଦ୍ଧାର କରାଯାଇଥିଲା ।

English summary

BSF shoots down Pakistani drone in Punjab