ବାଂଲାଦେଶ ସୀମା ପାଇଁ BSF ପାଇଲା 5,000 ବଡି କ୍ୟାମେରା, ବାୟୋମେଟ୍ରିକ୍ସ କ୍ୟାପଚରିଂ ଡିଭାଇସ୍

ଭାରତର- ବାଂଲାଦେଶ ସୀମାରେ ବିଏସ୍‌ଏଫ୍ ପାଇଁ ଡବଲ ଚ୍ୟାଲେଞ୍ଜ। ଗତ ବର୍ଷ ୫ ଅଗଷ୍ଟରେ ବାଂଲାଦେଶରେ ଶେଖ୍ ହସିନା ସରକାରଙ୍କ ପତ୍ତନ ପରେ ଏବେ ବଢିଛି ମୁସଲମାନ କଟ୍ଟରପନ୍ଥୀଙ୍କ ଦବଦବା। ଯାହାକି ପାକିସ୍ତାନୀ ଗୁଇନ୍ଦା ଏଜେନ୍ସି ଆଇଏସ୍‌ଆଇ ଦ୍ବାରା ପରିଚାଳିତ। ଏହି କାରଣରୁ ଭାରତର ଚିନ୍ତା ଖୁବ୍ ବଢିଛି। ବଦଳୁଥିବା ସ୍ଥିତିରେ ବିଏସ୍ଏଫର ଚାପ ବଢଛି।

ଏବେ କେବଳ ବେଆଇନ୍ ବାଂଲାଦେଶୀ ଅନୁପ୍ରବେଶକାରୀ ନୁହେଁ ବଂର ଭାରତରେ ତାଙ୍କୁ ସୁରକ୍ଷା ଦେଉଥିବା ଅପରାଧୀଙ୍କର ବି ସାମନା କରିବାକୁ ପଡିଛି। ଏଭଳି ସଙ୍କଟର ମୁକାବିଲା କରିବା ପାଇଁ ସରକାର କିଛି ପଦକ୍ଷେପ ଗ୍ରହଣ କରିଛନ୍ତି। ପିଟିଆଇର ସୂଚନା ଅନୁଯାୟୀ, ଗୃହ ମନ୍ତ୍ରଣାଳୟ ବିଏସଏଫର ସୁରକ୍ଷା ଚ୍ୟାଲେଞ୍ଜକୁ ଦୃଷ୍ଟିରେ ରଖି ସେମାନଙ୍କ ପାଇଁ କିଛି ଉପକରଣ ମଞ୍ଜୁର କରିଛି। ଏଥିରେ ପ୍ରାୟ ୫୦୦୦ ଅତ୍ୟାଧୁନିକ ବଡି କ୍ୟାମେରା ରହିଛି।

ଯାହା ନାଇଟ୍-ଭିଜନ୍ ଡିଭାଇସ୍ ସହିତ ରହିଛି। ଏହା ବ୍ୟତୀତ, ବିଏସଏଫ ପୋଷ୍ଟ ଗୁଡ଼ିକରେ ବାୟୋମେଟ୍ରିକ୍ ଡିଭାଇସ୍ ମଧ୍ୟ ଉପଲବ୍ଧ କରାଯାଉଛି। ସରକାର ବିଏସଏଫକୁ ବୈଷୟିକ ଭାବରେ ମଜବୁତ କରୁଛନ୍ତି ଯାହା ଦ୍ୱାରା ଏହା କେବଳ ସୀମାରେ ପାଟ୍ରୋଲିଂ କରିବ ନାହିଁ ସମସ୍ୟା ସହିତ ଜଡିତ ପ୍ରମାଣ ସଂଗ୍ରହ ମଧ୍ୟ କରିବ। ଭାରତ-ବାଂଲାଦେଶ ସୀମାରେ ବିଏସଏଫ ସୈନିକଙ୍କ ପାଇଁ ଦୁଇଟି ଚ୍ୟାଲେଞ୍ଜ ରହିଛି। ପ୍ରଥମତଃ, ସେମାନେ ବେଆଇନ ଅନୁପ୍ରବେଶକୁ ବନ୍ଦ କରନ୍ତି, ଜାଲ ନୋଟର କଳା ବ୍ୟବସାୟକୁ ରୋକିବା, ନିଶାଦ୍ରବ୍ୟ ଚୋରାଚାଲାଣ ଉପରେ ନଜର ରଖନ୍ତି ଏବଂ ଗୋରୁ ଚାଲାଣ ସହିତ ମାନବ ଚାଲାଣକୁ ବନ୍ଦ କରିବାର ଦାୟିତ୍ୱ ମଧ୍ୟ ନିଅନ୍ତି।

କିନ୍ତୁ, ଏହି କର୍ତ୍ତବ୍ୟ ସମୟରେ, ସେମାନଙ୍କୁ ଦେଶୀ ଏବଂ ବିଦେଶୀ ଉଭୟ ପକ୍ଷର ଅପରାଧୀଙ୍କ ସହିତ ମଧ୍ୟ ମୁକାବିଲା କରିବାକୁ ପଡ଼ିଥାଏ, ଯେଉଁମାନେ ବାଂଲାଦେଶୀ ଅନୁପ୍ରବେଶକାରୀଙ୍କଠାରୁ ଆରମ୍ଭ କରି ସମସ୍ତ ବେଆଇନ କାର୍ଯ୍ୟକଳାପ ଜାରି ରଖିବାକୁ ଚାହାଁନ୍ତି। ଗତ ବର୍ଷ ମଧ୍ୟ ବିଏସଏଫ ଉପରେ ଅନେକ ଅପରାଧିକ ଆକ୍ରମଣ ହୋଇଛି । ଚଳିତ ବର୍ଷର ପ୍ରଥମ ୬ ମାସରେ ଅନେକ ଘଟଣା ସାମ୍ନାକୁ ଆସିଛି। ଚଳିତ ବର୍ଷ ଜୁନ୍ ସୁଦ୍ଧା ୩୫ଟି ଏପରି ମାମଲା ସାମ୍ନାକୁ ଆସିଛି ଯେଉଁଥିରେ ବିଏସଏଫ ସୈନିକଙ୍କ ଉପରେ ଆକ୍ରମଣ ହୋଇଛି। ଗତ ବର୍ଷ ୭୭ଟି ଏପରି ଘଟଣା ନେଇ ଜଣାପଡିଥିଲା।