ତୁର୍କୀରେ ହେବନି ଭାରତୀୟ ଫିଲ୍ମ ସୁଟିଂ!

ଫେଡେରେସନ୍‌ ଅଫ୍‌ ୱେଷ୍ଟର୍ଣ୍ଣ ଇଣ୍ଡିଆ ସିନେ ଏମ୍ଲଇଜ୍‌(ଏଫ୍‌ଡବ୍ଲ୍ୟୁଆଇସିଇ) ଭାରତୀୟ ଫିଲ୍ମ ନିର୍ମାତାମାନଙ୍କୁ ତୁର୍କୀକୁ ବର୍ଜନ କରିବାକୁ ଅପିଲ କରିଛି । ଏଫ୍‌ଡବ୍ଲ୍ୟୁଆଇସିଇର ମୁଖ୍ୟ ପରାମର୍ଶଦାତା ଅଶୋକ ପଣ୍ଡିତ ଏକ ଚିଠି ଲେଖି ସମସ୍ତ ଭାରତୀୟ ଫିଲ୍ମ ନିର୍ମାତାଙ୍କୁ ତୁର୍କୀକୁ ଫିଲ୍ମ ସୁଟିଂ ଲୋକେସନ୍‌ ଭାବେ ନ ବାଛିବାକୁ ଆହ୍ୱାନ କରିଛନ୍ତି । ଏହି ସମୟରେ ସେ ଭାରତର ଜାତୀୟ ସ୍ୱାର୍ଥକୁ ପ୍ରଭାବିତ କରିବା ମାମଲାରେ ପାକିସ୍ତାନ ପ୍ରତି ତୁର୍କୀର ସମର୍ଥନ ସଂପର୍କରେ ଉଦାହରଣ ଦେଇଥିଲେ ।

ଚିଠିରେ ଦୁବେ କହିଛନ୍ତି, ଦେଶ ପ୍ରଥମେ ବୋଲି ଏଫ୍‌ଡବ୍ଲ୍ୟୁଆଇସିଇ ସବୁବେଳେ ଗୁରୁତ୍ୱ ଦେଇ ଆସିଛି । ନିକଟରେ ଘଟିଥିବା ଘଟଣାକ୍ରମ ଓ ତୁର୍କୀ ଦ୍ୱାରା ପାକିସ୍ତାନକୁ ନିରନ୍ତର ସମର୍ଥନ ଦିଆଯିବା ଆମର ଜାତୀୟ ସୁରକ୍ଷା ନେଇ ଉଦ୍‌ବେଗ ସୃଷ୍ଟି କରିଛି । ଏଭଳି କ୍ଷେତ୍ରରେ ତୁର୍କୀକୁ ପ୍ରତ୍ୟକ୍ଷ କିମ୍ବା ପରୋକ୍ଷ ଭାବେ ଲାଭ ମିଳିବାକୁ ଥିବା କୌଣସି ପ୍ରକାର ପ୍ରୋଜେକ୍ଟରେ ଭାରତୀୟ ଫିଲ୍ମ ଉଦ୍ୟୋଗ ବିନିଯୋଗ କରିବା କିମ୍ବା ସହଭାଗୀ ହେବା ଅନୁଚିତ୍‌ ବୋଲି ସେ କହିଛନ୍ତି । 'ଦିଲ୍‌ ଧଡକ୍‌ନେ ଦୋ', 'ଗୁରୁ', 'କୋଡ୍‌ ନେମ: ତ୍ରିରଙ୍ଗା', 'ରେସ୍‌-୨'ଭଳି ଅନେକ ଭାରତୀୟ ଫିଲ୍ମ ତୁର୍କୀରେ ସୁଟିଂ ହୋଇଛି ।