ମଝୀ ନଦୀରେ ବୁଡିଗଲା ଡଙ୍ଗା,୫ ଯାତ୍ରୀ ନିଖୋଜ
ପାଟନା: ରବିବାର ବିହାରରେ ଏକ ବଡ଼ ଦୁର୍ଘଟଣା ଘଟିଛି । ପାଟନା ଜିଲ୍ଲାର ବନ୍ୟା ପ୍ରଭାବିତ ଅଞ୍ଚଳରେ ଉମାନାଥ ଘାଟରେ ୧୭ ଜଣ ଶ୍ରଦ୍ଧାଳୁଙ୍କୁ ନେଇ ଯାଉଥିବା ଏକ ଡଙ୍ଗା ବୁଡ଼ି ଯାଇଛି । ୧୭ ଜଣ ଯାତ୍ରୀଙ୍କୁ ନେଇ ଗଙ୍ଗୀ ନଦୀରେ ଯିବା ସମୟରେ ଭାରସାମ୍ୟ ହରାଇ ଡଙ୍ଗା ଓଲଟି ପଡିଛି ।
ଡଙ୍ଗାରେ ଥିବା ୧୧ ଜଣ ଯାତ୍ରା କୌଣସି ମତେ ପହଁରି ପହଁରି କୂଳରେ ପହଂଚିଛନ୍ତି । ଅନ୍ୟ ୫ ଜଣ ଯାତ୍ରୀ ନିଖୋଜ ଥିବା ସୂଚନା ମିଳୁଛି । ନିଖୋଜଙ୍କ ସନ୍ଧାନ ଜାରି ରହିଛି । ଏସ୍ଡିଆର୍ଏଫ୍ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟରେ ନିୟୋଜିତ ରହିଛନ୍ତି । ଅନ୍ୟପକ୍ଷରେ ପାଟନାର ଏସଏସପି କହିଛନ୍ତି ଯେ ଡଙ୍ଗାରେ ଯାତ୍ରା କରୁଥିବା ଶ୍ରଦ୍ଧାଳୁମାନେ ଗୋଟିଏ ପରିବାରର ୧୭ ସଦସ୍ୟ ।
ସେମାନଙ୍କ ମଧ୍ୟରୁ ୧୨ ଜଣଙ୍କୁ ଉଦ୍ଧାର କରାଯାଇଛି । ଅନ୍ୟ ପାଞ୍ଚଜଣ ସଦସ୍ୟ ନିଖୋଜ ଅଛନ୍ତି । ଦୁର୍ଘଟଣାର ଖବର ପାଇବା ପରେ ନିଖୋଜ ଲୋକଙ୍କ ପରିବାର ମଧ୍ୟରେ ଆତଙ୍କ ଖେଳିଯାଇଛି । ଲୋକମାନେ ନଦୀ କୂଳରେ ଏକାଠି ହୋଇ ନିଜ ପ୍ରିୟପରିଜନଙ୍କୁ ଅପେକ୍ଷା କରିଥିବା ଛାତିଥରା ଦୃଶ୍ୟ ଦେଖିବାକୁ ମିଳିଛି ।
Click it and Unblock the Notifications
Sign in with Google