ମୁମ୍ବାଇ ହିଟ୍ ଆଣ୍ଡ ରନ୍ ମାମଲା: ମୁଖ୍ୟ ଅଭିଯୁକ୍ତକୁ ୭ ଦିନିଆ ହେପାଜତକୁ ନେଲା ପୋଲିସ

ମୁମ୍ବାଇ : ମୁମ୍ବାଇ ବିଏମ୍‌ଡବ୍ଲ୍ୟୁ ହିଟ୍ ଆଣ୍ଡ ରନ୍ ମାମଲାର ମୁଖ୍ୟ ଅଭିଯୁକ୍ତ ମିହିର ଶାହଙ୍କୁ ଜୁଲାଇ ୧୭ ପର୍ଯ୍ୟନ୍ତ ୭ ଦିନିଆ ପୋଲିସ ହେପାଜତରେ ପଠାଯାଇଛି । ପାଖାପାଖ୍ ୭୨ ଘଣ୍ଟା ଧରି ରାଜ୍ୟସାରା ଖୋଜାଖୋଜି ପରେ ମଙ୍ଗଳବାର ଶିବସେନା (ସିନ୍ଦେ) ନେତା ରାଜେଶ ଶାହଙ୍କ ପୁଅ ମିହିରଙ୍କୁ ଗିରଫ କରାଯାଇଥିଲା । ଗତ ୩ ଦିନ ହେବ ସେ ପୋଲିସକୁ ଚକମା ଦେଇ ଆସୁଥିଲେ ମିହିର । ପୋଲିସର ୧୨ଟି ଟିମ୍ ତାଙ୍କୁ ଖୋଜାଖୋଜି କରୁଥିଲା ।

ମିହିରଙ୍କର ଜଣେ ସାଙ୍ଗ ମୋବାଇଲ୍ ଫୋନ୍ ଅନ୍ କରିବା ପରେ ପୋଲିସ ଲୋକେଶନ ବିଷୟରେ ଜାଣିବାକୁ ପାଇଥିଲା ଏବଂ ଏହାପରେ ତାଙ୍କୁ ଗିରଫ କରିବାରେ ସକ୍ଷମ ହୋଇଥିଲା । ଆଜି ପୁଲିସ ତାଙ୍କୁ କୋର୍ଟରେ ହାଜର କରିଥିଲା । କୋର୍ଟରେ ପୁଲିସ କହିଛି ଯେ, ମିହିର ପ୍ରମାଣ ନଷ୍ଟ କରିବାକୁ ଅନେକ ଚେଷ୍ଟା କରିଛନ୍ତି । ଏପରିକି ସେ ଫେରାର୍ ହୋଇଯିବା ପରେ ଦାଢି-ନିଶ କାଟି ଦେଇଥିଲେ, ଯେମିତି ତାଙ୍କୁ କେହି ଚିହ୍ନି ନ ପାରିବେ । ଦୁର୍ଘଟଣା ଘଟାଇବା ପରେ ତାଙ୍କ ବାପା ରାଜେଶ ଶାହ ଏବଂ ଗର୍ଲଫ୍ରେଣ୍ଡକୁ ଏକାଧିକ ଥର କଲ୍ କରିଥିଲେ ।