ରାହୁଲଙ୍କୁ ଖୋଲା ଚ୍ୟାଲେଞ୍ଜ ଦେଲେ ସ୍ମୃତି, କହିଲେ ସ୍ଥାନ ସମୟ ବାଛନ୍ତୁ ରାହୁଲ, ବିତର୍କ କରିବାକୁ ମୁଁ ପ୍ରସ୍ତୁତ

Published: Tuesday, March 5, 2024, 20:38 [IST]

ନୂଆଦିଲ୍ଲୀ: କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ୟୁପିଏ ଏବଂ ନରେନ୍ଦ୍ର ମୋଦୀ ସରକାରଙ୍କ କାର୍ଯ୍ୟକାଳ ଉପରେ ବିତର୍କ କରିବାକୁ ଖୋଲା ଚ୍ୟାଲେଞ୍ଜ କରିଛନ୍ତି । ସୋମବାର (ମାର୍ଚ୍ଚ ୪) ମହାରାଷ୍ଟ୍ରର ନାଗପୁରରେ ଚାଲିଥିବା ନମୋ ଯୁବ ସମ୍ମିଳନୀରେ ସ୍ମୃତି କହିଛନ୍ତି - କଂଗ୍ରେସର ୟୁପିଏ ଏବଂ ମୋଦୀ ଶାସନର ୧୦ ବର୍ଷ ମଧ୍ୟରେ କ'ଣ ପାର୍ଥକ୍ୟ ରହିଛି ସେନେଇ ଆଲୋଚନା ହେବା ଉଚିତ୍ ।

ସ୍ମୃତି ଖୋଲା ଚ୍ୟାଲେଞ୍ଜ ଦେଇ କହିଛନ୍ତି ଯଦି ଦମ ଅଛି ତେବେ ଏନଡିଏ ଓ ୟୁପିଏ ସରକାର ୧୦ବର୍ଷ ଶାସନ ସମୟ ମଧ୍ୟ କ'ଣ ଫରକ ରହିଛି ତା ଉପରେ ବିର୍ତକ କରି ଦେଖାନ୍ତୁ ରାହୁଲ । ସ୍ଥାନ ସମୟ ବାଛନ୍ତୁ ରାହୁଲ, ବିତର୍କ କରିବାକୁ ସେ ପ୍ରସ୍ତୁତ ଅଛନ୍ତି । 'ଯଦି ମୁଁ ରାହୁଲ ଗାନ୍ଧୀଙ୍କୁ ଏ ବିଷୟରେ ବିତର୍କ କରିବାକୁ କହିବି, ସେ ଆସିବେ ନାହିଁ । ସେ ଜଣେ ସାଧାରଣ ବିଜେପି କର୍ମୀଙ୍କ ବିରୋଧରେ ମଧ୍ୟ ଠିଆ ହୋଇ ପାରିବେ ନାହିଁ । ମୁଁ ଗ୍ୟାରେଣ୍ଟି ଦେଉଛି ଯେ ଯଦି କୌଣସି ବିଜେପି ଯୁବ ମୋର୍ଚ୍ଚା କର୍ମୀ ରାହୁଲ ଗାନ୍ଧୀଙ୍କ ସାମ୍ନାରେ କହିବା ଆରମ୍ଭ କରନ୍ତି, ତେବେ ତାଙ୍କର କହିବାର ଶକ୍ତି ଶେଷ ହୋଇଯିବ ।

ସ୍ମୃତି କହିଛନ୍ତି- 'ଗତ ୧୦ ବର୍ଷ ମଧ୍ୟରେ ପାର୍ଟି ମନିଫେଷ୍ଟରେ ଜନସାଧାରଣଙ୍କୁ ଦେଇଥିବା ତିନୋଟି ମୁଖ୍ୟ ପ୍ରତିଶୃତି ବିଜେପି ପୂରଣ କରିଛି । ଏଥିରେ ଜାମ୍ମୁ କାଶ୍ମୀରରୁ ଧାରା ୩୭୦ ହଟାଇବା, ସଂସଦରେ ମହିଳା ସଂରକ୍ଷଣ ଆଣିବା ଏବଂ ରାମ ମନ୍ଦିର ନିର୍ମାଣ ଅନ୍ତର୍ଭୁକ୍ତ । କେନ୍ଦ୍ର ମନ୍ତ୍ରୀ ଶ୍ରମିକମାନଙ୍କୁ କହିଛନ୍ତି- ମୋଦୀ ପ୍ରତ୍ୟେକ ଗ୍ୟାରେଣ୍ଟି ପୂରଣ କରିଛନ୍ତି । ବର୍ତ୍ତମାନ ଆପଣଙ୍କୁ 'ଏଥର ଏହା ୪୦୦ ଅତିକ୍ରମ କରିବା' ର ଗ୍ୟାରେଣ୍ଟି ନେବାକୁ ପଡିବ ।

୨୦୨୪ ଲୋକସଭା ନିର୍ବାଚନରେ ଉତ୍ତରପ୍ରଦେଶ ଆମେଥିରୁ ପୁଣି ଲଢ଼ୁଛନ୍ତି ସ୍ମୃତି । ସେପଟେ ରାହୁଲ ମଧ୍ୟ ଏଥରକ ସମାନ ଆସନରୁ ପ୍ରତିଦ୍ୱନ୍ଦିତା କରିପାରନ୍ତି । ଗତଥର ପରାଜୟ ପ୍ରତିଶୋଧ ପାଇଁ ରାହୁଲ ମଧ୍ୟ ସମ୍ପୂର୍ଣ୍ଣ ପ୍ରସ୍ତୁତି ସହ ଆମେଥିରୁ ଲଢ଼ିବା ସମ୍ଭାବନା ରହିଛି ।

Published On March 5, 2024