Lok Sabha Election: ଅକ୍ଷୟ କୁମାର, ଯୁବରାଜ ସିଂଙ୍କୁ ଏହି ଆସନରୁ ବିଜେପି ପକ୍ଷରୁ ମିଳିପାରେ ଟିକେଟ୍
Lok Sabha Election: ଲୋକସଭା ନିର୍ବାଚନ ପୂର୍ବରୁ ଏକ ବଡ଼ ଖବରକୁ ନେଇ ଚର୍ଚ୍ଚା । ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଭାରତୀୟ ଜନତା ପାର୍ଟି ଆଗାମୀ ଲୋକସଭା ନିର୍ବାଚନରେ ଅନେକ ସେଲିବ୍ରିଟିଙ୍କୁ ସ୍ଥାନ ଦେଇପାରେ। ଏଥିମଧ୍ୟରୁ ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂଙ୍କୁ ଗୁରୁଦାସପୁରରୁ ପ୍ରାର୍ଥୀ କରାଯାଇପାରେ ।
ସେହିପରି ଅଭିନେତା ଅକ୍ଷୟ କୁମାରଙ୍କୁ ଚଣ୍ଡିଗଡ଼ କିମ୍ବା ଦିଲ୍ଲୀର ଯେକୌଣସି ସ୍ଥାନରୁ ବିଜେପି ପକ୍ଷରୁ ଟିକେଟ୍ ମିଳିପାରେ । ଏଥି ସହିତ ଦକ୍ଷିଣ ଭାରତର ଯେକୌଣସି ଆସନରୁ ବିଜେପି ପୂର୍ବତନ ସାଂସଦ ତଥା ଚଳଚ୍ଚିତ୍ର ଅଭିନେତ୍ରୀ ଜୟା ପ୍ରଦାଙ୍କୁ ମଧ୍ୟ ଏଥର ଟିକେଟ୍ ମିଳିପାରେ ।
ଭାରତୀୟ ଜନତା ପାର୍ଟିର କେନ୍ଦ୍ରୀୟ ନିର୍ବାଚନ କମିଟି ବୈଠକ ଗୁରୁବାର (29 ଫେବୃଆରୀ) ଅନୁଷ୍ଠିତ ହୋଇଯାଇଛି । ଏହି ବୈଠକ ପରେ ଲୋକସଭା ନିର୍ବାଚନ ପାଇଁ ତାଲିକା ପ୍ରକାଶ ପାଇପାରେ ବୋଲି କଳ୍ପନାଜଳ୍ପନା ଲାଗି ରହିଛି । ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ନାମ ଅନ୍ତର୍ଭୁକ୍ତ ରହିଛି । ବର୍ତ୍ତମାନ ଚର୍ଚ୍ଚା ହେଉଛି ଏଥର ଅନେକ ସେଲିବ୍ରିଟିଙ୍କୁ ଟିକେଟ୍ ମିଳିପାରେ । ଗୋଟିଏ କିମ୍ବା ଦୁଇ ଦିନ ମଧ୍ୟରେ ସ୍ପଷ୍ଟ ସୂଚନା ଜାରି କରାଯାଇପାରେ ।
ଏଥି ସହ ଆସନ୍ତା ଦୁଇ ଦିନ ମଧ୍ୟରେ ବିହାର, ପଞ୍ଜାବ ଏବଂ ଆନ୍ଧ୍ରପ୍ରଦେଶରେ ପ୍ରାର୍ଥୀଙ୍କ ନାମ ଯଥାଶୀଘ୍ର ପ୍ରକାଶ ପାଇପାରେ । ପଞ୍ଜାବର ଅକାଳୀ ଦଳ, ଆନ୍ଧ୍ରପ୍ରଦେଶର ଟିଡିପି ଏବଂ ଜେଡିୟୁ, ଏଲଜେପି ଏବଂ ବିହାରରେ ଉପେନ୍ଦ୍ର କୁଶୱାଙ୍କ ପାର୍ଟି ସହିତ ଏକ ଚୁକ୍ତିନାମା କରିବାକୁ ପଡିପାରେ । ମାର୍ଚ୍ଚ 3 ତାରିଖ ସନ୍ଧ୍ୟା ସୁଦ୍ଧା ସମସ୍ତ ସ୍ପଷ୍ଚ ସୂଚନା ଜାରି କରାଯାଇ ପାରେ ।
Click it and Unblock the Notifications
Sign in with Google