ଲୋକସଭା ନିର୍ବାଚନ ପାଇଁ ବିଜେପି ଆଣିଲା ନୂଆ ନାରା
ଦିଲ୍ଲୀ:ଲୋକସଭା ନିର୍ବାଚନ ପାଇଁ ବିଜେପି ତାହାର ସ୍ଲୋଗାନ ପ୍ରସ୍ତୁତ କରିଛି । ଆସନ୍ତା ବର୍ଷ ହେବାକୁ ଥିବା ନିର୍ବାଚନ ପାଇଁ ଦଳ ସ୍ଲୋଗାନ ଦେଇଛି, 'ଆମେ ସ୍ୱପ୍ନ ନୁହେଁ, ବାସ୍ତବତା ବୁଣୁଛୁ, ସେଥିପାଇଁ ସମସ୍ତେ ମୋଦୀଙ୍କୁ ବାଛନ୍ତି' । ଲୋକସଭା ନିର୍ବାଚନ ପାଇଁ ପ୍ରସ୍ତୁତି ସମ୍ପର୍କରେ ଶୁକ୍ରବାର (୨୨ ଡିସେମ୍ବର) ରୁ ଦିଲ୍ଲୀରେ ଦୁଇ ଦିନିଆ ବୈଠକ ଆରମ୍ଭ ହେବାକୁ ଯାଉଥିବା ବେଳେ ବିଜେପି ଏହି ସ୍ଲୋଗାନକୁ ବାଛିଛି । ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନାଡାଙ୍କ ସମେତ ଅନେକ ନେତା ଅଂଶଗ୍ରହଣ କରିବେ ।
ଏହି ବୈଠକରେ ବିକାଶ ଭାରତ ସଂକଳ୍ପ ଅଭିଯାନ ସହ ଛତିଶଗଡ, ରାଜସ୍ଥାନ, ମଧ୍ୟପ୍ରଦେଶ, ତେଲେଙ୍ଗାନା ଏବଂ ମିଜୋରାମର ବିଧାନସଭା ନିର୍ବାଚନ ଫଳାଫଳ ଉପରେ ମଧ୍ୟ ଆଲୋଚନା କରାଯାଇପାରେ । ବାସ୍ତବରେ, ହିନ୍ଦୀ ଭାଷାଭାଷୀ ରାଜ୍ୟ ରାଜସ୍ଥାନ, ଛତିଶଗଡ ଏବଂ ମଧ୍ୟପ୍ରଦେଶରେ ବିଜେପି ବଡ଼ ବିଜୟ ହାସଲ କରିଛି । ଯେତେବେଳେ କି ତେଲେଙ୍ଗାନାରେ କଂଗ୍ରେସ କ୍ଷମତା ପାଇଛି ।
ଆସନ୍ତା ବର୍ଷ ହେବାକୁ ଥିବା ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଏହି ନିର୍ବାଚନକୁ ସେମିଫାଇନାଲ ଭାବରେ ଦେଖାଯାଉଥିଲା । ଲୋକସଭା ନିର୍ବାଚନ ତାରିଖ ଘୋଷଣା ହେବା ପୂର୍ବରୁ ବିଜେପି ନିଜର ପ୍ରାର୍ଥୀ ଘୋଷଣା କରିବା ଆରମ୍ଭ କରିବ ବୋଲି ବିଶେଷ ସୁତ୍ରରୁ ସୁଚନା ମିଳିଛି । ଆଉ ପ୍ରଥମ ତାଲିକା ଜାନୁଆରୀ ଶେଷ ସପ୍ତାହରେ ଆସିପାରେ ବୋଲି ମଧ୍ୟ ଶୁଣାଯାଉଛି ।
ବିଜେପି କେଉଁ ନାରା ଦେଇଛି?
ପିଏମ ମୋଦୀଙ୍କ ନେତୃତ୍ୱରେ ଲଗାତାର ଦୁଇଥର ସାଧାରଣ ନିର୍ବାଚନରେ ବିଜେପି ବହୁମତ ହାସଲ କରିଛି । ୨୦୧୪ ମସିହାରେ, ପାର୍ଟି 'ଆଚେ ଦିନ୍ ଆଏନ୍ ୱାଲେ ହେ' ସ୍ଲୋଗାନ ଦେଇଥିଲା । ୨୦୧୯ ରେ ବିଜେପି ସ୍ଲୋଗାନ ଦେଇଥିଲା ଯେ ପୁଣି ଥରେ ମୋଦୀ ସରକାର । ଆଉ ବିଜେପିର ନୂଆ ସ୍ଲୋଗାନ ହେଉଛି ସ୍ୱପ୍ନ ନୁହେଁ ବରଂ ବାସ୍ତବତା, ସେଥିପାଇଁ ତ ସମସ୍ତେ ମୋଦିଙ୍କୁ ବାଛନ୍ତି । ପ୍ରଧାନମନ୍ତ୍ରୀ ମୋଦୀ ଅନେକ ଥର ଦାବି କରିଛନ୍ତି ଯେ ଲୋକମାନେ ତାଙ୍କୁ ପୁନର୍ବାର ନିର୍ବାଚିତ କରିବେ ।
Click it and Unblock the Notifications
Sign in with Google