ନିର୍ବାଚନ ପୂର୍ବରୁ ହେଲା ବଡ ଘୋଷଣା, ଏହି ରାଜ୍ୟରେ ୭୫ ଟଙ୍କା ହୋଇଯିବ ପେଟ୍ରୋଲ

ନୂଆଦିଲ୍ଲୀ: ନିର୍ବାଚନ ଲାଗି ବିଗୁଲ ବାଜି ସାରିଛି । ବର୍ତ୍ତମାନ ଦେଶର ସମସ୍ତ ରାଜନୈତିକ ଦଳ ଦ୍ୱାରା ମନିଫେଷ୍ଟୋ ଜାରି କରାଯାଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜେ ଦକ୍ଷିଣ ଭାରତ ଗସ୍ତରେ ନିଜର ସ୍ଥିତିକୁ ମଜବୁତ କରିବାରେ ବ୍ୟସ୍ତ ଅଛନ୍ତି । ଅନ୍ୟପକ୍ଷରେ ତାମିଲନାଡୁର ଦକ୍ଷିଣ ଭାରତର ଶାସକ ଦଳ ତାହାର ମନିଫେଷ୍ଟରେ ଏଭଳି ଘୋଷଣା କରିଛନ୍ତି । ଯାହା କାହାକୁ ଆଶ୍ଚର୍ଯ୍ୟ କରିପାରେ ।

ଡିଏମକେ ପାର୍ଟି ଏହାର ମନିଫେଷ୍ଟୋରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ଏକ ବଡ ଘୋଷଣା କରିଛି । ଡିଏମକେ ଏହାର ମନିଫେଷ୍ଟୋରେ କହିଛି ଯେ ଯଦି ତାଙ୍କ ଦଳ ଅଧିକ ସିଟ୍ ପାଇବ ତା'ହେଲେ ତାମିଲନାଡୁରେ ପେଟ୍ରୋଲ ଏବଂ ଡିଜେଲର ମୂଲ୍ୟ ହ୍ରାସ ପାଇବ ଯାହା କଳ୍ପନା କରାଯାଇ ନ ପାରେ । ଦଳ ଲିଟର ପିଛା ୭୫ ଟଙ୍କାରେ ପେଟ୍ରୋଲ ଓ ଲିଟର ପିଛା ୬୫ ଟଙ୍କା ମୂଲ୍ୟରେ ଡିଜେଲ ଯୋଗାଇଦିଆଯିବ ବୋଲି ପ୍ରତିଶୃତି ଦେଇଛି ।

ଇସ୍ତାହାରରେ ଆହୁରି କୁହାଯାଇଛି ଯେ ତାମିଲନାଡୁରେ ନାଗରିକତ୍ୱ ସଂଶୋଧନ ଅଧିନିୟମ (ସିଏଏ) ଏବଂ ୟୁନିଫର୍ମ ସିଭିଲ୍ କୋଡ୍ (ୟୁସିସି) ଲାଗୁ ହେବ ନାହିଁ । ମୁଖ୍ୟମନ୍ତ୍ରୀଙ୍କ ପରାମର୍ଶ ପରେ ରାଜ୍ୟପାଳଙ୍କ ନିଯୁକ୍ତି କରାଯିବ । ଶ୍ରୀଲଙ୍କା ତାମିଲମାନଙ୍କୁ ଭାରତୀୟ ନାଗରିକତା ଦିଆଯିବ । ପ୍ରତ୍ୟେକ ସରକାରୀ ବିଦ୍ୟାଳୟରେ ଜଳଖିଆ ଯୋଗାଇବା ସହ ପ୍ରତ୍ୟେକ ଝିଅକୁ ମାସିକ ୧୦ ହଜାର ଟଙ୍କା ଦିଆଯିବ ।

ଏଲପିଜି ସିଲିଣ୍ଡରର ମୂଲ୍ୟ ୫୦୦ ଟଙ୍କାରେ ଦିଆଯିବ ବୋଲି ଘୋଷଣା କରିଛି ଡ଼ିଏମକେ । ତାମିଲନାଡୁର ସମସ୍ତ ୩୯ଟି ଆସନରେ ପ୍ରଥମ ପର୍ଯ୍ୟାୟରେ ଭୋଟ୍ ଗ୍ରହଣ କରାଯିବ। ଡିଏମକେ ସହିତ କଂଗ୍ରେସ ସମେତ ଅନ୍ୟାନ୍ୟ ଆଞ୍ଚଳିକ ଦଳ ମଧ୍ୟ ମେଣ୍ଟ କରିଛନ୍ତି । ତାମିଲନାଡୁରେ ଡିଏମକେ ୨୧ ଏବଂ କଂଗ୍ରେସ ୯ଟି ଲୋକସଭା ଆସନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି |

English summary

big announcement on petrol before elections price ଦକ୍ଷିଣ ଭାରତର ଶାସକ ଦଳ ତାହାର ମନିଫେଷ୍ଟରେ ଏଭଳି ଘୋଷଣା କରିଛନ୍ତି । ଯାହା କାହାକୁ ଆଶ୍ଚର୍ଯ୍ୟ କରିପାରେ ।