ହୀରା ବଦଳେଇ ଦେଲା ଜୀବନ, ଲକ୍ଷପତି ହେଲେ ଆଦିବାସୀ ପରିବାର
ଜଙ୍ଗଲରେ ଜାଳେଣୀ କାଠ ଉଠାଇବା ବେଳେ ତାଙ୍କ ନଜରରେ ପଡିଥିଲା ଏକ ଚମକୁଥିବା ମୂଲ୍ୟବାନ ହୀରା । ଆଉ ଏହାପରେ ବଦଳି ଯାଇଛି ଗେନ୍ଦା ବାଇଙ୍କର ଜୀବନ । ସ୍ଥାନୀୟ ଅଞ୍ଚଳରେ ଲକ୍ଷପତି ଓ ସେଲିବ୍ରିଟି ପାଲଟିଛନ୍ତି ଗେନ୍ଦା ଓ ତାଙ୍କ ପରିବାର।
ଭୋପାଳ: ଗରିବ ଦିନ ମଜୁରିଆ ଭାବେ ଦିନ କାଟୁଥିଲେ ମଧ୍ୟପ୍ରଦେଶ ପନ୍ନା ଜିଲ୍ଲାର ପୁରସତ୍ତମପୁର ଗ୍ରାମନିବାସୀ ଗେନ୍ଦା ବାଈ। ଘରେ ରୋଷେଇ ପାଇଁ ଜଙ୍ଗଲରୁ ସେ ଜାଳେଣୀ କାଠ ଉଠାଇ ଆଣନ୍ତି । ଏହା ତାଙ୍କର ନିତିଦିନିଆ କାମ । ହେଲେ ହଠାତ ଦିନେ ଜଙ୍ଗଲରେ ଜାଳେଣୀ କାଠ ଉଠାଇବା ବେଳେ ତାଙ୍କ ନଜରରେ ପଡିଥିଲା ଏକ ଚମକୁଥିବା ମୂଲ୍ୟବାନ ହୀରା । ଆଉ ଏହାପରେ ବଦଳି ଯାଇଛି ଗେନ୍ଦଙ୍କର ଜୀବନଶୈଳୀ। ସ୍ଥାନୀୟ ଅଞ୍ଚଳରେ ଲକ୍ଷପତି ଓ ସେଲିବ୍ରିଟି ପାଲଟିଛନ୍ତି ଗେନ୍ଦା ଓ ତାଙ୍କ ପରିବାର।
ଅନ୍ୟପଟେ ଭଉଣୀର ବିବାହ କରିବା ନେଇ ଚିନ୍ତା କରିଥିବା କହିଛନ୍ତି ରାଜେଶ । ସେଠିକାର ଲୁଗା ଦୋକାନୀ ଠାରୁ ଆରମ୍ଭ କରି ଗହଣା ଦୋକାନୀ ସମସ୍ତେ ଏହି ପରିବାର ପାଇଁ ନୂଆ ଅଫର ଦେବା ସହିତ ତାଙ୍କ ଦୋକାନରୁ ଜିନିଷ କିଣିବା ପାଇଁ ଅନୁରୋଧ କରୁଥିବା ଦେଖା ଯାଇଛି । ସେ ଆହୁରି ମଧ୍ୟ କହିଛନ୍ତି ଯେ, ଆମେ ହୀରା ପାଇବା ପରେ କିଛି ଲୋକ ଜଙ୍ଗଲର ସଠିକ୍ ସ୍ଥାନ ଜାଣିବା ପାଇଁ ତାଙ୍କ ମା'ଙ୍କ ସହ ଯୋଗାଯୋଗ କରୁଥିଲେ । କାରଣ ସେମାନେ ମଧ୍ୟ ସେହି ଅଞ୍ଚଳରେ ଆହୁରି ହୀରା ଖୋଜିବାକୁ ଚାହୁଁଥିଲେ।
ତେବେ ଗେନ୍ଦା ବାଈ ପାଇଥିବା ହୀରାର ମୂଲ୍ୟ 25 ଲକ୍ଷ ଟଙ୍କା ହେବ ବୋଲି ଜଣାପଡିଛି। ବର୍ତ୍ତମାନ ହୀରା ଜମା କରିବା ପରେ ପରିବାରକୁ ଅଗ୍ରୀମ 1 ଲକ୍ଷ ଟଙ୍କା ମିଳିଛି। ପରେ ଟଙ୍କା ମିଳିବା ପରେ ନୂଆ ଘର ତିଆରି କରିବାର ଲକ୍ଷ ରଖିଛନ୍ତି ଏହି ଆଦିବାସୀ ପରିବାର।
Click it and Unblock the Notifications
Sign in with Google