ଭଜନଲାଲ ଶର୍ମା ରାଜସ୍ଥାନର ନୂତନ ମୁଖ୍ୟମନ୍ତ୍ରୀ
Bhajanlal Sharma to be the new Chief Minister of Rajasthan: ସାଙ୍ଗନୌର ବିଧାୟକ ଭଜନଲାଲ ଶର୍ମା ହେବେ ରାଜସ୍ଥାନର ନୂତନ ମୁଖ୍ୟମନ୍ତ୍ରୀ । ପ୍ରଥମ ଥର ପାଇଁ ବିଧାୟକ ଭାବେ ନିର୍ବାଚିତ ହୋଇଛନ୍ତି ଭଜନଲାଲ । ବର୍ତ୍ତମାନ ସେ ବିଜେପିର ସଂଗଠନ ସଂପାଦକ ଅଛନ୍ତି । ଭନଜଲାଲ ବ୍ରାହ୍ମଣ ସଂପ୍ରଦାୟରୁ ପ୍ରତିନିଧିତ କରନ୍ତି ।
ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ସାଙ୍ଗାନୌର ବିଧାନସଭା ଆସନରୁ ବିଜୟୀ ହୋଇଛନ୍ତି ଭଜନଲାଲ ଶର୍ମା । ସେ ପ୍ରଥମ ଥର ପାଇଁ ରାଜସ୍ଥାନ ମୁଖ୍ୟମନ୍ତ୍ରୀ ଭାବେ ନିର୍ବାଚିତ ହୋଇଛନ୍ତି । ସେ କଂଗ୍ରେସ ପୁଷ୍ପେନ୍ଦ୍ର ଭରଦ୍ୱାଜଙ୍କୁ ୪୮.୦୮୧ ଖଣ୍ତ ଭୋଟରେ ପରାସ୍ତ କରିଛନ୍ତି ଏବଂ ତାଙ୍କୁ ୧.୪୫.୧୬୨ ଖଣ୍ତ ଭୋଟ୍ ମିଳିଛି । ଭଜନଲାଲ ୪ ଥର ରାଜ୍ୟ ବିଜେପିର ସାଧାରଣ ସଂପାଦକ ଭାବେ ନିର୍ବାଚିତ ହୋଇଛନ୍ତି । ସେ ଆରଏସ୍ଏସ୍ ଓ ଏବିଭିପି ସହିତ ମଧ୍ୟ ଜଡିତ ଅଛନ୍ତି ।
ପର୍ଯ୍ୟବେକ୍ଷକଙ୍କ ତତ୍ତ୍ୱାବଧାନରେ ଅନୁଷ୍ଠିତ ବିଧାନସଭା ପାର୍ଟି ବୈଠକରେ ଭଜନଲାଲ ଶର୍ମାଙ୍କୁ ବିଧାନସଭା ଦଳର ନେତା ଭାବେ ମନୋନୀତ କରିବାକୁ ପ୍ରସ୍ତାବ ଦିଆଯାଇଥିଲା। ଯାହା ସମସ୍ତ ବିଧାୟକଙ୍କ ସହମତିରେ ପାସ କରାଯାଇଥିଲା । ଭରତପୁରର ବାସିନ୍ଦା ଭଜନଲାଲ ଶର୍ମା ଦୀର୍ଘ ଦିନ ଧରି ଦଳରେ କାର୍ଯ୍ୟ କରିଆସୁଛନ୍ତି। ସେ ରାଜ୍ୟ ସାଧାରଣ ସମ୍ପାଦକ ଭାବରେ କାର୍ଯ୍ୟ କରୁଛନ୍ତି। ବିଜେପି ତାଙ୍କୁ ଜୟପୁରର ସାଙ୍ଗାନେର ପରି ସୁରକ୍ଷିତ ଆସନରୁ ପ୍ରଥମ ଥର ପାଇଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲା ଏବଂ ସେ ପ୍ରଥମ ଥର ପାଇଁ ସିଏମ୍ ହୋଇଛନ୍ତି।
ମୁଖ୍ୟମନ୍ତ୍ରୀଙ୍କ ସହ ବିଜେପି ରାଜ୍ୟରେ ଦୁଇଜଣ ଡେପୁଟି ସିଏମ ନିଯୁକ୍ତ କରିଛି। ଦିୟା କୁମାରୀ ଏବଂ ପ୍ରେମଚାନ୍ଦ ବୈରୱାରଙ୍କୁ ଉପ-ମୁଖ୍ୟମନ୍ତ୍ରୀ ଭାବେ ନିଯୁକ୍ତି କରାଯାଇଛି । ସେହିପରି ବିଧାୟକ ବାସୁଦେବ ଦେବନାନୀ ବାଚସ୍ପତି ହେଲେ ବୋଲି ଦଳ ପକ୍ଷରୁ ନିଷ୍ପତ୍ତି ନିଆଯାଇଛି । ବାସୁଦେବ ଦେବନାନୀ ଆଜମେର ନର୍ଥ ଆସନରୁ ନିର୍ବାଚିତ ହୋଇଛନ୍ତି । ସେ ୨୦୦୮ରୁ ଏହି ଆସନରୁ ନିର୍ବାଚନ ଜିତି ଆସୁଛନ୍ତି । ପୂର୍ବର ସେ ରାଜ୍ୟର ଶିକ୍ଷା ମନ୍ତ୍ରୀ ଭାବେ କାର୍ଯ୍ୟ କରିଛନ୍ତି ।
Click it and Unblock the Notifications
Sign in with Google