ପ୍ରଥମେ କଲେ ପତ୍ନୀଙ୍କ ହତ୍ୟା, ପରେ ସାରା ରାତି ଶବ ସହ ହେଲେ କଥା...

Bengaluru Murder Case: ପ୍ରଥମେ କଲେ ପତ୍ନୀଙ୍କ ହତ୍ୟା, ପରେ ସାରା ରାତି ତାଙ୍କ ଶବ ସହ ହେଲେ କଥା...। ଏପରି ଘଟଣା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି । ବେଙ୍ଗାଲୁରୁର ଜଣେ 36 ବର୍ଷୀୟ ଇଞ୍ଜିନିୟର ରାକେଶ ରାଜେନ୍ଦ୍ର ଖେଡେକର 26 ମାର୍ଚ୍ଚ ରାତିରେ ନିଜ 32 ବର୍ଷୀୟ ପତ୍ନୀ ଗୌରୀ ଅନିଲ ସାମ୍ବରେକରଙ୍କୁ ଛୁରୀ ଭୁସି ହତ୍ୟା କରିଥିଲେ। ଯାହା ସେ ନିଜେ ସ୍ୱୀକାର ମଧ୍ୟ କରିଛନ୍ତି ।

ଗୁରୁବାର ବିଳମ୍ବିତ ସନ୍ଧ୍ୟାରେ ରାକେଶ ପୁଣେ ନିକଟସ୍ଥ ଶିରୱାଲ ପୋଲିସ ଷ୍ଟେସନରେ ଆତ୍ମସମର୍ପଣ କରିବାର ନିଷ୍ପତ୍ତି ନେଇଥିଲେ ହେଲେ ଏହାର କିଛି ସମୟ ପୂର୍ବରୁ ତାଙ୍କୁ ପୋଲିସ ଗିରଫ କରିଥିଲା । ଗିରଫ ହେବା ପରେ ସେ ନିଜ ପତ୍ନୀଙ୍କ ହତ୍ୟା କରିବା ପଛର ସମସ୍ତ କାହାଣୀ ପୋଲିସ ଆଗରେ କହିଥିଲେ ।

ପୋଲିସ ସାମ୍ନାପେ ସେ ସ୍ୱୀକାର କରିଛନ୍ତି ଯେ 26 ମାର୍ଚ୍ଚ ରାତ୍ରୀଭୋଜନ ପୂର୍ବରୁ ତାଙ୍କର ଏବଂ ତାଙ୍କ ସ୍ତ୍ରୀଙ୍କ ମଧ୍ୟରେ ଚାକିରିକୁ ନେଇ ଝଗଡ଼ା ହୋଇଥିଲା। ରାକେଶ ଗୋଟିଏ ମାସ ପୂର୍ବରୁ ମହାରାଷ୍ଟ୍ରରୁ ବେଙ୍ଗାଲୁରୁ ଆସିଥିଲେ ଏବଂ ହିଟାଚି ସିଷ୍ଟମ୍ସ ଇଣ୍ଡିଆରେ ଘରୁ କାମ କରୁଥିଲେ। ଗୌରୀ ମହାରାଷ୍ଟ୍ରରେ ତାଙ୍କ ଚାକିରି ଛାଡି ବାଙ୍ଗାଲୋର ଚାଲିଆସିଥିଲେ ।

ବାଙ୍ଗାଲୋରରେ ପହଞ୍ଚିବା ପରେ ଗୌରୀଙ୍କୁ କୌଣସି ଚାକିରି ମିଳୁ ନଥିଲା ଯେଉଁଥି ପାଇଁ ରାକେଶଙ୍କୁ ଦୋଷ ଦେଉଥିଲେ । ବାରମ୍ବାର ଚାକିରିକୁ ନେଇ ଉଭୟଙ୍କ ମଧ୍ୟରେ ଝଗଡ଼ା ହେଉଥିଲା । ଗୌରୀ ତାଙ୍କ ବେକାରୀ ପାଇଁ ନିଜ ସ୍ୱାମୀଙ୍କୁ ଦାୟୀ କରିଥିଲେ ଏବଂ ମହାରାଷ୍ଟ୍ର ଫେରିବାକୁ ଜିଦ୍ ଧରିଥିଲେ, ଯାହା ଫଳରେ ପ୍ରାୟତଃ ଯୁକ୍ତିତର୍କ ହେଉଥିଲା।

ଘଟଣା ରାତିରେ ଏହି ପ୍ରସଙ୍ଗକୁ ନେଇ ଝଗଡ଼ା ହୋଇଥିଲା। ରାକେଶ ତାଙ୍କୁ ଏକ ଚାପୁଡ଼ା ମାରୁଥିଲେ । ଜବାବରେ ସେ ରୋଷେଇ ଘରର ଛୁରୀ ଉଠାଇ ତାଙ୍କ ଉପରକୁ ଫିଙ୍ଗି ଦେଇଥିଲେ, ଯାହା ଫଳରେ ତାଙ୍କର ସାମାନ୍ୟ ଆଘାତ ଲାଗିଥିଲା। ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ, ରାକେଶ କ୍ରୋଧରେ ଗୌରୀଙ୍କ ବେକରେ ଅନେକ ଥର ଛୁରୀ ଆକ୍ରମଣ କରିଥିଲେ।

ଗୌରୀ ଆହତ ହେବା ପରେ, ରାକେଶ ତାଙ୍କ ଶରୀର ପାଖରେ ବସି ସାରା ରାତି ତାଙ୍କ ସହିତ କଥା ହୋଇଥିଲେ ଏବଂ ତାଙ୍କୁ ପ୍ରଶ୍ନ କରୁଥିଲେ ସେ କାହିଁକି ଏକେ ଝଗଡ଼ା କରୁଛନ୍ତି । ବେଙ୍ଗାଲୁରୁ ଆସିବା ପାଇଁ ସେ ତାଙ୍କ ଉପରେ କାହିଁକି ରାଗିଛନ୍ତି?" । ପରଦିନ ସକାଳେ, ରାକେଶ ଗୌରୀଙ୍କ ମୃତଦେହକୁ ଏକ ଟ୍ରଲି ସୁଟକେସରେ ଭର୍ତ୍ତି କରି ବାଥରୁମରେ ରଖି ଦେଇଥିଲେ ଏବଂ ପରେ ସେ ଦିନ ପ୍ରାୟ ୧୨:୧୫ ସମୟରେ ଘର ବନ୍ଦ କରି ତାଙ୍କ ହୋଣ୍ଡା ସିଟି କାରରେ ପୁଣେ ଚାଲି ଫେରିଥିଲେ ।