ସାବଧାନ ! ବିନା ଟିକେଟରେ କରୁଛନ୍ତି ଟ୍ରେନ ଯାତ୍ରା, ହୋଇପାରେ ୬ ମାସ ଜେଲ

Published: Friday, March 6, 2026, 18:42 [IST]

ଭାରତରେ ପ୍ରତିଦିନ ଲକ୍ଷ ଲକ୍ଷ ଲୋକ ଟ୍ରେନରେ ଯାତ୍ରା କରନ୍ତି। ରେଲୱେକୁ ସାଧାରଣ ଲୋକଙ୍କ ପାଇଁ ସବୁଠୁ ବଡ଼ ଟ୍ରାନ୍ସପୋର୍ଟ ନେଟୱର୍କ ଭାବେ ମନେକରାଯାଏ। କିନ୍ତୁ ଅନେକ ଥର କିଛି ଯାତ୍ରୀ ଟ୍ରେନରେ ବିନା ଟିକେଟ୍‌ରେ ଯାତ୍ରା କରିବାକୁ ଚେଷ୍ଟା କରିଥାନ୍ତି, ଯାହା କେବଳ ଏକ ଭୁଲ ନୁହେଁ , ଏହାସହ ଆଇନଗତ ଅପରାଧ ମଧ୍ୟ। ସମ୍ପ୍ରତି ରେଲୱେ , ଯାତ୍ରୀମାନଙ୍କୁ ସଚେତନ କରାଇବା ପାଇଁ ଏକ ପ୍ରମୁଖ ମେସେଜ ସୋସିଆଲ ମିଡ଼ିଆ ପ୍ଲାଟଫର୍ମରେ ଜାରି କରିଛି। ରେଲୱେ ସ୍ପଷ୍ଟ ଭାବେ କହିଛି ଯେ, ବିନା କୌଣସି ବୈଧ ଟିକେଟ୍ କିମ୍ୱା ପାସ୍‌ରେ ଟ୍ରେନ୍‌ରେ ଯାତ୍ରା କରିବା ଆଇନ ବିରୁଦ୍ଧ। ରେଲୱେ ଆକ୍ଟର ଧାରା ୧୩୭ ଅନୁସାରେ ଏମିତି କରୁଥିବା ଲୋକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ହୋଇ ପାରେ। ଏଥିରେ ଜୋରିମନା ଲାଗିବା ସହ ଜେଲ୍ ଦଣ୍ଡ ହୋଇ ପାରେ।

ରେଲୱେ ଅଧିକାରୀଙ୍କ ଅନୁସାରେ, ଅନେକ ଲୋକ ବିନା ଟିକେଟରେ ଯାତ୍ରା କରି ସିଷ୍ଟମର ଭୁଲ୍ ଫାଇଦା ଉଠାଇବାକୁ ଚେଷ୍ଟା କରନ୍ତି। ଯେଉଁଥିରେ ଅନ୍ୟ ଯାତ୍ରୀଙ୍କୁ ମଧ୍ୟ ସମସ୍ୟା ହୋଇ ଥାଏ। ଏଥିପାଇଁ ରେଲୱେ ବାରମ୍ୱାର ସଚେତନତା ଅଭିଯାନ ଚଳାଉଛି, ଯାହାକି ଲୋକେ ନିୟମର ପାଳନ କରନ୍ତୁ ଏବଂ ଆଇନଗତ ଉପାୟରେ ଯାତ୍ରା କରନ୍ତୁ। ରେଲୱେର ସ୍ପଷ୍ଟ ବାର୍ତ୍ତା ଯେ, ଯାତ୍ରା ପୂର୍ବରୁ ଟିକେଟ୍ ନିଶ୍ଚୟ ନିୟନ୍ତୁ ଏବଂ ତାକୁ ନିଜ ପାଖରେ ରଖନ୍ତୁ।

ଟ୍ରେନ୍ ସ୍ପଷ୍ଟ ଭାବେ କହିଛି ଯେ, ଟ୍ରେନ୍‌ରେ ଚଢିବା ପୂର୍ବରୁ ପ୍ରତି ଯାତ୍ରୀଙ୍କ ପାଖରେ ବୈଧ ଟିକେଟ୍ ଥିବା ଜରୁରି। ଯଦି କୌଣସି କୌଣସି ବ୍ୟକ୍ତି ବିନା ଟିକେଟ୍‌ରେ ଯାତ୍ରା କରୁ ଥିବାର ଧରାପଡ଼ନ୍ତି ତ ତାଙ୍କୁ ନିୟମାନୁସାରେ ଦଣ୍ଡ ଦିଆଯାଇ ପାରେ। ଏହି ନିୟମ ଏଥି ପାଇଁ ଗଠନ କରାଯାଇଛି , ଯାହାକି ରେଲୱେ ସିଷ୍ଟମ ଠିକ୍ ଉପାୟରେ ଚାଲି ପାରିବ ଏବଂ ସମସ୍ତ ଯାତ୍ରୀଙ୍କୁ ସମାନ ସୁଯୋଗ ମିଳି ପାରିବ। ଯଦି କିଛି ଲୋକ ବିନା ଟିକେଟ୍ରେ ଯାତ୍ରା କରିବେ ତ ଏଥିରେ ରେଲୱେର ଆର୍ଥିକ କ୍ଷତି ମଧ୍ୟ ହୋଇଥାଏ।

ରେଲୱେ ଯାତ୍ରୀଙ୍କୁ କିଛି ଆବଶ୍ୟକୀୟ ପରାମର୍ଶ ମଧ୍ୟ ଦେଇଛି - ଟ୍ରେନରେ ଚଢିବା ପୂର୍ବରୁ ଟିକେଟ୍ ନିଶ୍ଚୟ ନିଅନ୍ତୁ, ଟିକେଟ୍କୁ ସୁରକ୍ଷିତ ରଖନ୍ତୁ , ଅନଲାଇନ ଟିକେଟ୍ ହେବାରେ ମୋବାଇଲରେ ଟିକେଟ୍ ଦେଖା ଯାଇ ପାରେ, ବିନା ଟିକେଟ୍‌ରେ ଯାତ୍ରା କରିବାରୁ ନିବୃତ୍ତ ରୁହନ୍ତୁ। ଏହି ସହଜ ନିୟମ ଗୁଡ଼ିକର ପାଳନ କରି ଆପଣ କୌଣସି ବି ସମସ୍ୟାରୁ ରକ୍ଷା ପାଇ ପାରନ୍ତି।

Published On March 6, 2026