ବେଙ୍ଗାଲୁରୁ ବନ୍ଦ: ବେଙ୍ଗାଲୁରୁ ବିମାନବନ୍ଦରରୁ ୪୪ ବିମାନ ବାତିଲ, ବୈଠକ ଡାକିଲେ ସରକାର

ତାମିଲନାଡୁ ସହିତ କାବେରୀ ନଦୀ ଜଳ ବାଣ୍ଟିବାକୁ ବିରୋଧ କରି କର୍ଣ୍ଣାଟକ ଆଜି ବନ୍ଦ ପାଳନ କରିଛି । ୩୦ରୁ ଅଧିକ କୃଷକ ଗୋଷ୍ଠୀ, ବ୍ୟବସାୟ ସଙ୍ଘ୍ ତଥା କନ୍ନଡ ସମର୍ଥକ ସଂଗଠନ ସକାଳ ୬ଟାରୁ ସଂଧ୍ୟା ୬ଟା ପର୍ଯ୍ୟନ୍ତ ୧୨ ଘଣ୍ଟିଆ ଧର୍ମଘଟ ଡାକରା ଦେଇଛନ୍ତି । ବନ୍ଦର ସର୍ବାଧିକ ପ୍ରଭାବ ବେଙ୍ଗାଲୁରୁ ଏବଂ ମାଣ୍ଡୟାରେ ଦେଖାଯାଉଛି ।

ବେଙ୍ଗାଲୁରୁ ବିମାନବନ୍ଦରରୁ ୪୪ ବିମାନ ବାତିଲ ହୋଇଛି

ଏହି ସମୟରେ ବେଙ୍ଗାଲୁରୁ ବିମାନ ବନ୍ଦରରୁ ଅବତରଣ କରୁଥିବା ୪୪ ବିମାନ ଉଡ଼ାଣକୁ ବାତିଲ କରିଦିଆଯାଇଛି । ଏହି କାରଣରୁ ବର୍ତ୍ତମାନ ଯାତ୍ରୀମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ତେବେ ବିମାନବନ୍ଦର ଅଧିକାରୀ କହିଛନ୍ତି ଯେ ପରିଚାଳନା କାରଣରୁ ବିମାନ ଉଡ଼ାଣ ବାତିଲ କରାଯାଇଥିଲା ଏବଂ ଯାତ୍ରୀମାନଙ୍କୁ ଠିକ ସମୟରେ ସୂଚନା ଦିଆଯାଇଥିଲା। ତେବେ କର୍ଣ୍ଣାଟକ ବନ୍ଦ ପ୍ରଭାବ ଯୋଗୁଁ ଅନେକ ଯାତ୍ରୀ ସେମାନଙ୍କ ଟିକେଟ ବାତିଲ କରିଥିବାରୁ ଏହି ବାତିଲ ଘଟିଥିବାର ସୂତ୍ରରୁ ଜଣା ପଡ଼ିଛି ।

କାବେରୀ ପ୍ରସଙ୍ଗରେ ବୈଠକ

କର୍ଣ୍ଣାଟକ ସିଏମ ସିଦ୍ଧରମୟା ଏବଂ ଡେପୁଟି ସିଏମ୍ ଏବଂ ଜଳସେଚନ ମନ୍ତ୍ରୀ ଡି.କେ ଶିବକୁମାର ଆଜି କାବେରୀ ଜଳ ବଣ୍ଟନ ପ୍ରସଙ୍ଗରେ ଏକ ବୈଠକ କରିବେ। ଏହି ବୈଠକରେ ରାଜ୍ୟର ଆଇନ ଶୃଙ୍ଖଳା ପରିସ୍ଥିତି ଉପରେ ମଧ୍ୟ ଆଲୋଚନା କରାଯିବ । ବିରୋଧ ବନ୍ଦ କରିବା ଉପରେ ମଧ୍ୟ ଆଲୋଚନା ହେବ ।

କାବେରୀ ଜଳ ବିବାଦ ମଧ୍ୟରେ କନ୍ନଡ ସଂଗଠନର ଅଗ୍ରଣୀ ସଂଗଠନ କନ୍ନଡ ଓକୁଟା ସେପ୍ଟେମ୍ବର 29 ରେ ସକାଳୁ ସନ୍ଧ୍ୟା ପର୍ଯ୍ୟନ୍ତ ବନ୍ଦ ଡାକରା ଦେଇଛି । ଏଭଳି ପରିସ୍ଥିତିରେ ବେଙ୍ଗାଲୁରୁ ନଗର ପୋଲିସ ଗୁରୁବାର ମଧ୍ୟରାତ୍ରରୁ ଶୁକ୍ରବାର ମଧ୍ୟରାତ୍ର ପର୍ଯ୍ୟନ୍ତ କର୍ଣ୍ଣାଟକର ରାଜଧାନୀରେ ଧାରା 144 କାର୍ଯ୍ୟକାରୀ କରିବାକୁ ଘୋଷଣା କରିଛି ।

ବେଙ୍ଗାଲୁରୁ ନଗର ପୋଲିସ କମିଶନର ବି ଦିନାନନ୍ଦ ଗୁରୁବାର ଏକ ସାମ୍ବାଦିକ ସମ୍ମିଳନୀ କରିଛନ୍ତି । ଯେଉଁଥିରେ ସେ କହିଛନ୍ତି ଯେ କୌଣସି ସଂସ୍ଥା ପୋଲିସ ବିଭାଗ ସହିତ ଯୋଗାଯୋଗ କରିନାହାଁନ୍ତି ଏବଂ ବନ୍ଦ ପାଇଁ ଅନୁମତି ନେଇନାହାଁନ୍ତି । ସେ କହିଛନ୍ତି, "ନିଷେଧାଦେଶ ଆଦେଶ ସେପ୍ଟେମ୍ବର 28 ରାତି 12 ଟା ରୁ ସେପ୍ଟେମ୍ବର 29 ପର୍ଯ୍ୟନ୍ତ ବଳବତ୍ତର ରହିବ । ସହରର କୌଣସି ସ୍ଥାନରେ ବିରୋଧ କରିବା ବେଆଇନ ହୋଇଥିବାରୁ ପୋଲିସ କୌଣସି ବିରୋଧକୁ ଅନୁମତି ଦେବ ନାହିଁ ଏବଂ ବିରୋଧ କରୁଥିବା ବ୍ୟକ୍ତିଙ୍କୁ ଅଟକ ରଖାଯିବ ।

English summary

Bangaluru bandh 44 flight cancel