ହାଇ ଆଲର୍ଟରେ ବେଙ୍ଗାଲୁରୁ: ଟାର୍ଗେଟରେ ୩ଟି ପ୍ରସିଦ୍ଧ ହୋଟେଲ୍
Bangalore Bomb Threat: ବେଙ୍ଗାଲୁରୁରେ, ଗୁରୁବାର ଦିନ ସହରର ତିନୋଟି ବଡ ହୋଟେଲକୁ ବୋମା ବିସ୍ଫୋରଣରେ ଉଡାଇ ଦେବାକୁ ମିଳିଛି ଧମକ । ଏନେଇ ଏକ ଧମକପୂର୍ଣ୍ଣ ଇମେଲ୍ ମିଳିବା ପରେ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା ବଢାଯାଇଛି । ସହରର ତିନୋଟି ନାମି ଦାମି ହୋଟେଲକୁ ବୋମାରେ ଉଡାଇବାର ଧମକ ମିଳିବା ପରେ ପୋଲିସ ସମସ୍ତ ତିନୋଟି ସହରରେ ପହଞ୍ଚି ଯାଞ୍ଚ ଆରମ୍ଭ କରିଛି ।
ଦକ୍ଷିଣ ପୂର୍ବ ବେଙ୍ଗାଲୁରୁର ଡିସିପି କହିଛନ୍ତି ଯେ, ସୂଚନା ପାଇବା ମାତ୍ରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ତିନୋଟି ହୋଟେଲକୁ ବୋମା ନିଷ୍କ୍ରିୟକାରୀ ସ୍କ୍ୱାଡ ସହ ଉକ୍ତ ସ୍ଥାନରେ ପହଞ୍ଚିଛି । ବର୍ତ୍ତମାନ ଦଳ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି। ଆଖପାଖ ଅଞ୍ଚଳରେ ସୁରକ୍ଷା ମଧ୍ୟ ବୃଦ୍ଧି କରାଯାଇଛି। ଏହାର ଗୋଟିଏ ଦିନ ପୂର୍ବରୁ ଦିଲ୍ଲୀ ଗୃହ ମନ୍ତ୍ରଣାଳୟକୁ ମଧ୍ୟ ବୋମା ବିସ୍ଫୋରମରେ ଉଡାଇଦେବାର ଧମକ ଇମେଲ ମିଳିଥିଲା ।
ଏହା ପୂର୍ବରୁ ଏପ୍ରିଲ 2024 ରେ, ଦିଲ୍ଲୀ-ଏନସିଆର, ଜୟପୁର, ଉତ୍ତରପ୍ରଦେଶ ଏବଂ ବେଙ୍ଗାଲୁରୁର ଅନେକ ସ୍କୁଲକୁ ବୋମା ବିସ୍ଫୋରଣରେ ଉଡାଇବା ନେଇ ଧମକପୂର୍ଣ୍ଣ ଇମେଲ୍ ମିଳିଥିଲା । ଯାହା ପରେ ଉକ୍ତ ଅଞ୍ଚଳରେ ଚହଳ ସୃଷ୍ଟି ହୋଇଥିଲା ଏପରିକି ସ୍କୁଲ ଗୁ଼ଡିକ ବନ୍ଦ କରାଯିବାର ନିଷ୍ପତ୍ତି ନିଆଯାଇଥିଲା ଏବଂ ଭୟର ବାତାବରଣ ସୃଷ୍ଟି ହୋଇଥିଲା ।
ପରେ ଏହି ସମସ୍ତ ଧମକ ଗୁଜବ ବୋଲି ପ୍ରମାଣିତ ହୋଇଥିଲା । ତେବେ ଏହି ଧମକ ପରେ ଦିଲ୍ଲୀ ପୋଲିସ ସତର୍କ ମୋଡରେ ଅଛି ଏବଂ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଇଛି । ଦିଲ୍ଲୀ ପୋଲିସ 17 ମଇରେ ଦିଲ୍ଲୀ ହାଇକୋର୍ଟରେ ଏକ ରିପୋର୍ଟ ଦାଖଲ କରିଥିଲା ଯେଉଁଥିରେ ସହରରେ ପାଞ୍ଚଟି ବୋମା ନିଷ୍କ୍ରିୟକାରୀ ସ୍କ୍ୱାଡ ଏବଂ 18 ଟି ବୋମା ଚିହ୍ନଟ ଦଳ ନିୟୋଜିତ କରିବାକୁ କୁହାଯାଇଥିଲା।
Click it and Unblock the Notifications
Sign in with Google