ଖୋଲିଲା ବାବା ବଦ୍ରିନାଥଙ୍କ କପାଟ, ପ୍ରଥମ ଦିନରେ ବାବାଙ୍କ ଦର୍ଶନ କଲେ ହଜାର ହଜାର ଭକ୍ତ

ଆଜିଠାରୁ ଭକ୍ତଙ୍କ ପାଇଁ ଖୋଲିଲା ବଦ୍ରିନାଥ ଧାମ । ଏହି ଅବସରରେ ପ୍ରଭୁ ବଦ୍ରି ବିଶାଲଙ୍କ ଦର୍ଶନ କରିବାକୁ ପହଞ୍ଚିଛନ୍ତି ବହୁ ମାତ୍ରାରେ ଶ୍ରଦ୍ଧାଳୁ । ଖୁବ ସୁନ୍ଦର ଭାବେ ବଦ୍ରିନାଥ ଧାମକୁ ଫୁଲରେ ସଜା ଯାଇଛି । ଏହି ଅବସରରେ ମନ୍ଦିର ଉପରେ ଆକାଶରୁ ହେଲିକପ୍ଟର ଯୋଗେ ପୁଷ୍ପବୃଷ୍ଟି କରାଯାଇଥିଲା । ପୂର୍ବ ସ୍ଥିରୀକୃତ କାର୍ଯ୍ୟସୂଚୀ ଅନୁଯାୟୀ, ଦେଶ ଓ ବିଦେଶରୁ ହଜାର ହଜାର ଭକ୍ତଙ୍କ ଉପସ୍ଥିତିରେ କପାଟ ସକାଳ ୬ଟାରେ ଖୋଲାଯାଇଥିଲା।

କପାଟ ଖୋଲିବା ସମୟରେ, ସେଠାରେ ଉପସ୍ଥିତ ହଜାର ହଜାର ଭକ୍ତଙ୍କ ଦ୍ୱାରା ଢୋଲ ଓ ବିଭିନ୍ନ ବାଜାର ଧ୍ୱନିରେ ସମଗ୍ର ପରିବେଶ କମ୍ପିଥିଲା । ଏହି ଅବସରରେ, ମନ୍ଦିରକୁ ପ୍ରାୟ ୧୫ ଟନ୍ ରଙ୍ଗୀନ ଓ ସୁଗନ୍ଧିତ ଫୁଲରେ ମହାନ ଭାବରେ ସଜାଯାଇଥିଲା । ଯାହା ମନ୍ଦିରର ସୌନ୍ଦର୍ଯ୍ୟକୁ ବୃଦ୍ଧି କରିଥିଲା। ବଦ୍ରିନାଥ ଧାମର ଦ୍ୱାର ଖୋଲିବା ସହିତ, ଏହି ବର୍ଷର ଚାରିଧାମ ଯାତ୍ରା ସମ୍ପୂର୍ଣ୍ଣ ଭାବରେ ଆରମ୍ଭ ହୋଇଛି।