ବେଗୁସରାଏରୁ କହ୍ନେୟାଙ୍କୁ ମିଳିଲାନି ଟିକେଟ !
ପାଟନା: ମହାମେଣ୍ଟ ଇଣ୍ଡିଆର ସିଟ୍ ବୁଝାମଣାର ଘୋଷଣା ହୋଇନାହିଁ । କିନ୍ତୁ ନିଜ ପକ୍ଷରୁ ସବୁ ଦଳ ପ୍ରାର୍ଥୀ ଘୋଷଣା ଆରମ୍ଭ କରି ଦେଇଛନ୍ତି । ବିହାରରେ ଆରଜେଡି ତା'ର ଚାରି ଜଣ ପ୍ରାର୍ଥୀଙ୍କୁ ମଇଦାନକୁ ଓହ୍ଲାଇଛି । ଏବେ ବାମ ଦଳ ସିପିଆଇ ମଧ୍ୟ ବିହାରରେ ନିଜ ପ୍ରାର୍ଥୀ ଘୋଣା କରିଛି । ସିପିଆଇ ବିହାରର ଏକ ଆସନରେ ନିଜ ପ୍ରାର୍ଥୀଙ୍କ ନାମ ଘୋଷଣା କରିଛି । ଏହା ସହ ଭାରତୀୟ କମ୍ୟୁନିଷ୍ଟ ପାର୍ଟି କଂଗ୍ରେସ ଠାରୁ ଏହି ଆସନ ଛଡାଇ ନେଇଛି । ସିପିଆଇ ଏହି ଆସନ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି ।
ସିପିଆଇ ତରଫରୁ ବେଗୁସରାଏ ଆସନ ପାଇଁ ଦଳର ପୂର୍ବତନ ବିଧାୟକ ଅବଧେଶ କୁମାର ରାୟଙ୍କ ନାମ ଘୋଷଣା କରିଛି । ସିପିଆଇର ରାଷ୍ଟ୍ରୀୟ ମହାସଚିବ ଡି.ରାଜା ଏହି ଘୋଷଣା କରିଛନ୍ତି । ଶୁକ୍ରବାର ଦିନ ପାଟନା ଠାରେ ସାମ୍ବାଦିକ ସମ୍ମିଳନୀ କରି ଦଳ ଏହି ସୂଚନା ଦେଇଛି । ଗତ୨୦୧୯ ନିର୍ବାଚନରେ କହ୍ନେୟା କୁମାର ସିପିଆଇରୁ ବେଗୁସରାଇ ଆସନରୁ ଲଢିଥିଲେ । ବର୍ତ୍ତମାନ ସେ କଂଗ୍ରେସରେ ଯୋଗ ଦେଇଛନ୍ତି । ଏଥର ତାଙ୍କୁ ବେଗୁସରାଇରୁ କଂଗ୍ରେସ ଟିକେଟ ଦେବାର ସମ୍ଭାବନା ଥିଲା, କିନ୍ତୁ ସିପିଆଇ ଘୋଷଣା କରିବା ପରେ ଏହି ଆଶା କ୍ଷୀଣ ହୋଇଯାଇଛି ।
Click it and Unblock the Notifications
Sign in with Google