ଜମ୍ମୁ -କଶ୍ମୀରରେ ଭୟଙ୍କର ହିମସ୍ଖଳ: ୧ ମୃତ, ଅନେକ ନିଖୋଜ
Avalanche In J&K's Gulmarg: ଜମ୍ମୁ -କଶ୍ମୀର ଗୁଲମର୍ଗ ଭୟଙ୍କର ହିମସ୍ଖଳ । ଜଣେ ବିଦେଶୀ ପର୍ଯ୍ୟଟକଙ୍କ ମୃତ୍ୟୁ ହୋଇଥିବା ବେଳେ ଅନେକ ନିଖୋଜ ଅଛନ୍ତି ଏବଂ ୬ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି ।
ସୂଚନା ଅନୁସାରେ, ଜମ୍ମୁ -କଶ୍ମୀର ଗୁଲମର୍ଗର କୋଙ୍ଗଦୁରି ପର୍ବତାଞ୍ଚଳ ନିକଟରେ ଭୟଙ୍କର ହିମସ୍ଖଳନ ହୋଇଛି । ବରଫରେ ସ୍କେଟିଂ କରିବା ପାଇଁ ଯାଇଥିବା ବେଳେ ହଠାତ୍ ହିମସ୍ଖଳନ ହେବାରୁ ଅନେକ ବିଦେଦୀ ପର୍ଯ୍ୟଟକ ଏଥିରେ ଫସି ଯାଇଥିଲେ । ବରଫ ମଧ୍ୟରେ ପୋତି ହୋଇ ଜଣେ ରଷିଆ ପର୍ଯ୍ୟଟକଙ୍କର ମୃତ୍ୟୁ ହୋଇଛି ।
ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ସ୍ଥାନୀୟ ପୋଲିସ ଓ ସେନା ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି । ୬ ଜଣ ପର୍ଯ୍ୟଟକଙ୍କୁ ସୁରକ୍ଷିତ ଉଦ୍ଧାର କରାଯାଇଛି ସମସ୍ତ ଆହତଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ଏବେ ବି ଅନେକ ବିଦେଶୀ ପର୍ଯ୍ଯଟକ ନିଖୋଜ ଥିବା ନେଇ ସୂଚନା ରହିଛି ।
Click it and Unblock the Notifications
Sign in with Google