ଜେଲରୁ ମହିଳାଙ୍କ ପାଇଁ ବଡ଼ ଘୋଷଣା, ମହିଳାଙ୍କୁ ମିଳିବ ୧ ହଜାର ଟଙ୍କା

Updated: Monday, April 29, 2024, 16:17 [IST]

Arvind Kejriwal In Jail: ତିହାର ଜେଲରୁ ମହିଳାଙ୍କ ପାଇଁ ବଡ଼ ଘୋଷଣା କଲେ ଅରବିନ୍ଦ କେଜ୍ରିୱାଲ । ଖୁବ୍ ଶୀଘ୍ର ଦୀଲ୍ଲି ମହିଳାଙ୍କୁ ମାସକୁ ମିଳିବ ୧ ହଜାର ଟଙ୍କା । ଏନେଇ ଆପ୍ ନେତ୍ରୀ ଆତିଶୀ ଏକ୍ସରେ ଏକ ପୋଷ୍ଟ ସେୟାର କରି ସୂଚନା ଦେଇଛନ୍ତି ।

ସୂଚନା ଅନୁସାରେ, ଆତିଶୀ ସୋମବାର ଦିନ ତିହାର ଜେଲରେ ଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଭେଟିଛନ୍ତି । ଯେଉଁ ସମୟରେ କେଜ୍ରିୱାଲ ତାଙ୍କୁ ଗ୍ରୀଷ୍ମ ଋତୁରେ ଦିଲ୍ଲୀରେ ପାଣିର ଅଭାବ ଯେପରି ନ ରୁହେ ଏବଂ ସମସ୍ତଙ୍କୁ ଔଷଧ ନିୟମିତ ମିଳିବା ଉଚିତ୍ । ସିଏମ କେଜ୍ରିୱାଲ ଆହୁରି କହିଛନ୍ତି ଯେ, ଶୀଘ୍ର ମହିଳାମାନଙ୍କୁ ମାସକୁ ୧ ହଜାର ଟଙ୍କା ଲେଖାଏଁ ଦିଆଯିବ।

ଆମ୍ ଆଦମୀ ପାର୍ଟି ନେତା ଅତିଶୀ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ପୋଷ୍ଟ ସେୟାର କରି ଲେଖିଛନ୍ତି, ଜେଲର ରହି ମଧ୍ୟ କେଜ୍ରିୱାଲ ନିଜ ପାଇଁ ଚିନ୍ତିତ ନୁହଁନ୍ତି ବରଂ ସେ ୨ କୋଟି ଦିଲ୍ଲୀବାସୀଙ୍କୁ ନେଇ ଚିନ୍ତାରେ ଅଛନ୍ତି । ଆଜି ସେ ଅର୍ଥାତ୍ ଆତିଶୀ ଜେଲ ଗସ୍ତ ସମୟରେ ଦିଲ୍ଲୀର ସରକାରୀ ବିଦ୍ୟାଳୟରେ ପାଠପଢା ବିଷୟରେ ପଚାରି ବୁଝିଥିଲେ କେଜ୍ରିୱାଲ । ଏହାସହ ଗ୍ରୀଷ୍ମଋତୁରେ ଯେପରି ଦିଲ୍ଲୀରେ ପାଣିର ଅଭାବ ନ ରୁହେ ସେ ପ୍ରତି ଧ୍ୟାନ ଦେବାକୁ ନିର୍ଦ୍ଦେଶ ଦେଇଛନ୍ତି ।

ସେ ଆହୁରି ଲେଖିଛନ୍ତି, ଦିଲ୍ଲୀ ମୁଖ୍ୟମନ୍ତ୍ରୀ ତାଙ୍କ ମା, ଭଉଣୀ ଏବଂ ଝିଅମାନଙ୍କ ପାଇଁ ଏକ ବାର୍ତ୍ତା ପଠାଇଛନ୍ତି ଯେ, ସେ ଶୀଘ୍ର ବାହାରକୁ ଆସିବେ ଏବଂ ନିଶ୍ଚିତ ଭାବରେ ଦିଲ୍ଲୀର ମହିଳାମାନଙ୍କୁ ପ୍ରତି ମାସରେ ୧ ହଜାର ଟଙ୍କା ଦେବାର ଦେଇଥିବା ପ୍ରତିଶ୍ରୁତି ପୂରଣ କରିବେ। ଅର୍ଥମନ୍ତ୍ରୀ ଆତିଶୀ ୨୦୨୪-୨୫ ବଜେଟରେ ଦିଲ୍ଲୀର ମହିଳାମାନଙ୍କୁ ମାସକୁ ଏକ ହଜାର ଟଙ୍କା ଦେବା ନେଇ ଘୋଷଣା କରିଥିଲେ।

.@ArvindKejriwal जी को जेल में भी अपनी नहीं बल्कि 2 करोड़ दिल्लीवासियों की चिंता है।

आज जेल में मुलाक़ात के दौरान पूरे समय उन्होंने दिल्ली सरकार के स्कूलों में पढ़ रहे बच्चों की पढ़ाई के बारे में जानकारी ली, गर्मियों में दिल्ली में पानी की कमी न हो उसके इंतज़ाम करने के निर्देश…
— Atishi (@AtishiAAP) April 29, 2024

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ମାର୍ଚ୍ଚ ୨୧ରେ ଏକ୍ସାଇଜ୍ ପଲିସି ମାମଲାରେ ଗିରଫ କରାଯାଇଥିଲା। ମେ ୭ ତାରିଖ ପର୍ଯ୍ୟନ୍ତ ସିଏମଙ୍କୁ ନ୍ୟାୟିକ ହେପାଜତରେ ରଖାଯିବ । ମଙ୍ଗଳବାର ଦିନ ପଞ୍ଜାବର ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଭେଟିବେ। ତେବେ ଜେଲରେ ଏହା ତାଙ୍କର ଦ୍ୱିତୀୟ ବୈଠକ ହେବ।