ମୁଖ୍ୟମନ୍ତ୍ରୀ ବାସଭବନ ଛାଡିବେ ଅରବିନ୍ଦ କେଜ୍ରିୱାଲ !
Arvind Kejriwal: ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ ସିଏମ୍ ପଦରୁ ଇସ୍ତଫା ଦେବା ପରେ ଆତିଶି ବର୍ତ୍ତମାନ ଜାତୀୟ ରାଜଧାନୀର ନୂତନ ମୁଖ୍ୟମନ୍ତ୍ରୀ । ଏହାକୁ ଦୃଷ୍ଟିରେ ରଖି ପୂର୍ବତନ ସିଏମଙ୍କ ପାଇଁ ଦିଲ୍ଲୀରେ ବାସଭବନ ଖୋଜା ଆରମ୍ଭ ହୋଇଛି । କୁହାଯାଉଛି ଯେ AAP ମୁଖ୍ୟ ଖୁବ୍ ଶୀଘ୍ର ସିଏମ୍ ବାସଭବନ ଖାଲି କରିବେ। ଆମ୍ ଆଦମୀ ପାର୍ଟି ତାଙ୍କୁ ଏକ ଘର ଦେବା ପାଇଁ କେନ୍ଦ୍ର ସରକାରଙ୍କ ନିକଟରେ ଦାବି କରିଥିଲେ, ହେଲେ ଏପର୍ଯ୍ୟନ୍ତ ପୂର୍ବତନ ସିଏମ୍ କେଜ୍ରିୱାଲଙ୍କୁ ଏ ସମ୍ପର୍କରେ କେନ୍ଦ୍ରରୁ କୌଣସି ଉତ୍ତର ମିଳିନାହିଁ ।
ସୂଚନା ଅନୁସାରେ ଦଳର ବିଧାୟକ, କାଉନସିଲର, ପାର୍ଟି କର୍ମଚାରୀ ଏବଂ ସାଧାରଣ ନାଗରିକମାନେ ସେମାନଙ୍କର ସାମାଜିକ-ଅର୍ଥନୈତିକ କିମ୍ବା ରାଜନୈତିକ ପୃଷ୍ଠଭୂମି ନିର୍ବିଶେଷରେ ତାଙ୍କୁ ଘର ଯୋଗାଉଛନ୍ତି। ହେଲେ ତାଙ୍କ ନିକଟକୁ ଆସିଥିବା ଅଧିକାଂଶ ବିକଳ୍ପ ହେଉଛି ନୂଆଦିଲ୍ଲୀ ଅଞ୍ଚଳ ବାହାରେ।
ଅରବିନ୍ଦ କେଜ୍ରିୱାଲ ତାଙ୍କ ନିର୍ବାଚନମଣ୍ଡଳୀ ନୂଆଦିଲ୍ଲୀରେ ରହିବାକୁ ପସନ୍ଦ କରୁଛନ୍ତି। ଯାହାଫଳରେ ସେ ନିଜ ନିର୍ବାଚନମଣ୍ଡଳୀ ସହିତ ଜଡିତ ରହିପାରିବେ । ବର୍ତ୍ତମାନ ସୁଦ୍ଧା ଏହା ସ୍ଥିର ହୋଇନାହିଁ ଯେ ପୂର୍ବତନ ସିଏମ୍ କେଉଁଠାରେ ରହିବେ, କିନ୍ତୁ ଖୁବ୍ ସେ ସରକାରୀ ଘର ଖାଲି କରି ନୂଆ ଘର ନେଇ ପାରନ୍ତି ।
ଏହାପୂର୍ବରୁ, AAP ସାଂସଦ ସଞ୍ଜୟ ସିଂ ସେପ୍ଟେମ୍ବର 18 ରେ କହିଥିଲେ ଯେ AAP ନେତା କେଜ୍ରିୱାଲ କିଛି ସପ୍ତାହ ମଧ୍ୟରେ ସରକାରୀ ବାସଭବନ ଖାଲି କରିବେ। ଅରବିନ୍ଦ କେଜ୍ରିୱାଲଙ୍କୁ ସିଏମ୍ ଭଳି ଅନେକ ସୁବିଧା ମିଳିଛି, କିନ୍ତୁ ସେ ଇସ୍ତଫା ଦେବା ମାତ୍ରେ ସେ କହିଥିଲେ ଯେ ସେ ସମସ୍ତ ସରକାରୀ ସୁବିଧା ଛାଡିବେ।
ସୂଚନାଥାଉ ଯେ, ଅରବିନ୍ଦ କେଜ୍ରିୱାଲ 17 ସେପ୍ଟେମ୍ବରରେ ଦିଲ୍ଲୀର ସିଏମ ପଦରୁ ଇସ୍ତଫା ଦେଇଛନ୍ତି। ଇସ୍ତଫା ଦେବାବେଳେ ସେ କହିଥିଲେ ଯେ କିଛି ଲୋକ ତାଙ୍କ ସଚ୍ଚୋଟତା ଉପରେ ପ୍ରଶ୍ନ କରୁଛନ୍ତି, ତେଣୁ ଦିଲ୍ଲୀର ଲୋକମାନେ ତାଙ୍କୁ ପୁନର୍ବାର ମନୋନୀତ ନକରିବା ପର୍ଯ୍ୟନ୍ତ ସେ ମୁଖ୍ୟମନ୍ତ୍ରୀ ଚେୟାରରେ ବସିବେ ନାହିଁ ।
Click it and Unblock the Notifications
Sign in with Google