ପ୍ରଧାନମନ୍ତ୍ରୀ ନିଜ ପାଇଁ ନୁହେଁ ଅମିତ ଶାହଙ୍କ ପାଇଁ ମାଗୁଛନ୍ତି ଭୋଟ୍: ଅରବିନ୍ଦ କେଜ୍ରିୱାଲ

Updated: Thursday, May 16, 2024, 15:36 [IST]

CM Arvind Kejriwal: ବିରୋଧିଙ୍କ ମେଣ୍ଟରେ ସାମିଲ ଆମ୍ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜ୍ରିୱାଲ ଗୁରୁବାର ଦିନ ନିର୍ବାଚନ ପ୍ରଚାର ପାଇଁ ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ପହଞ୍ଚିଛନ୍ତି । ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ସହ ଅରବିନ୍ଦ କେଜ୍ରିୱାଲ ଏକ ସାମ୍ବାଦିକ ସମ୍ମିଳନୀ କରିଥିଲେ।

ସମାଜବାଦୀ ପାର୍ଟି ଏବଂ କଂଗ୍ରେସକୁ ସମର୍ଥନ ଜଣାଇବା ପାଇଁ କେଜ୍ରିୱାଲ ଲକ୍ଷ୍ନୌରେ ପହଞ୍ଚିଥିଲେ । ଯେଉଁଠି ସେ ବିରୋଧିଙ୍କ ମେଣ୍ଟ ଇଣ୍ଡିଆ ଆଲାଇନ୍ସକୁ ଭୋଟ ଦେବା ପାଇଁ ଲୋକଙ୍କୁ ଅପିଲ କରିଥିଲେ । ଏହା ସହିତ ସେ ୟୁପି ରାଜଧାନୀ ଲକ୍ଷ୍ନୌରେ କେଉଁ ଚାରୋଟି ପ୍ରସଙ୍ଗରେ ଆଲୋଚନା କରିବାକୁ ଆସିଛନ୍ତି ସେ ବିଷୟରେ ମଧ୍ୟ କହିଥିଲେ ।

ଦିଲ୍ଲୀ ସିଏମ ଅରବିନ୍ଦ କେଜ୍ରିୱାଲ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି କହିଛନ୍ତି, "ଆଜି ମୁଁ ଉତ୍ତରପ୍ରଦେଶର ଭୋଟରଙ୍କୁ ଇଣ୍ଡିଆ ଆଲାଇନ୍ସକୁ ଭୋଟ୍ ଦେବାକୁ ଅନୁରୋଧ କରିବାକୁ ଆସିଛି। ସେ କହିଛନ୍ତି, ମୁଁ ଚାରୋଟି ପ୍ରସଙ୍ଗରେ କଥା ହେବାକୁ ଚାହେଁ। ମୋର ପ୍ରଥମ ପ୍ରସଙ୍ଗ ହେଉଛି ଏହି ନିର୍ବାଚନରେ ପ୍ରଧାନମନ୍ତ୍ରୀ ମୋଦୀ ନିଜ ପାଇଁ ଭୋଟ୍ ମାଗୁନାହାଁନ୍ତି ବରଂ ଅମିତ ଶାହଙ୍କ ପାଇଁ ଭୋଟ୍ ମାଗୁଛନ୍ତି। ଦ୍ୱିତୀୟ ପ୍ରସଙ୍ଗ: ଯଦି ବିଜେପି କ୍ଷମତାକୁ ଆସେ ତେବେ 2-3 ମାସ ମଧ୍ୟରେ ସିଏମ ଯୋଗୀ ଆଦିତ୍ୟନାଥଙ୍କୁ ତାଙ୍କ ପଦରୁ ହଟାଇ ଦିଆଯିବ।

ତୃତୀୟତ BJP, ବିଜେପି ସମ୍ବିଧାନରେ ପରିବର୍ତ୍ତନ ଆଣିବାକୁ ଯାଉଛି ଏବଂ ଏସସି, ଏସଟି ସଂରକ୍ଷଣକୁ ହଟାଇ ଦିଆଯିବ। ଚତୁର୍ଥ, ଜୁନ୍ 4ରେ ଇଣ୍ଡିଆ ଆଲାଇନ୍ସ ପାର୍ଟି ମିଳିତ ମଞ୍ଚ କ୍ଷମତାକୁ ଆସିବା ପାଇଁ ଯାଉଛି ।