କେଜ୍ରିୱାଲଙ୍କ ବଡ଼ ଘୋଷଣା: ପଞ୍ଜାବର ସମସ୍ତ ଲୋକସଭା ଆସନରୁ ଏକାକୀ ଲଢିବ AAP
I.N.D.I.A Alliance: ନିର୍ବାଚନ ପୂର୍ବରୁ ଇଣ୍ତିଆ ମେଣ୍ଟକୁ ପୁଣି ଲାଗିଲା ବଡ଼ ଝଟକା । ଆଜି ନିଜ ପଞ୍ଜାବ ଗସ୍ତ ସମୟରେ କେଜ୍ରିୱାଲ ଏକ ବଡ଼ ଘୋଷଣା କରିଛନ୍ତି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଶନିବାର କହିଛନ୍ତି ଯେ, ଆମ୍ ଆଦମୀ ପାର୍ଟି ପଞ୍ଜାବର 13ଟି ଲୋକସଭା ଆସନ ଏବଂ ଚଣ୍ଡିଗଡ଼ର ଗୋଟିଏ ଆସନରେ ନିର୍ବାଚନ ଲଢିବ । ଅର୍ଥାତ୍ ପଞ୍ଜାବର ସମସ୍ତ ଆସନରୁ ଆପ୍ ପ୍ରାର୍ଥୀ ଦେବ ।
ହିନ୍ଦୁସ୍ତାନ ଟାଇମ୍ସ ରିପୋର୍ଟ ଅନୁସାରେ, ଆସନ୍ତା 10-15 ଦିନ ମଧ୍ୟରେ ପଞ୍ଜାବର 14ଟି ଓ ଚଣ୍ତିଗଡ଼ର ଗୋଟିଏ ଲୋକସଭା ଆସନ ପାଇଁ ଦଳ ପ୍ରାର୍ଥୀ ତାଲିକା ଘୋଷଣା କରିବ । କେଜ୍ରିୱାଲ ଆହୁରି କହିଛନ୍ତି, "ଦୁଇ ବର୍ଷ ପୂର୍ବେ, ଆପଣ ମାନେ ଆମକୁ ଆଶୀର୍ବାଦ ଦେଇଥିଲେ । 117 ଆସନରୁ ମଧ୍ୟରୁ 92ଟି ଆସନ ଆମକୁ ମିଳିଛି, ପଞ୍ଜାବେ ଆପ୍ ଇତିହାସ ସୃଷ୍ଟି କରିଛି ।
ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଇଣ୍ଡିଆ ମେଣ୍ଟରେ ଥିବା ଆମ୍ ଆଦମୀ ପାର୍ଟି ଓ କଂଗ୍ରେସ ମଧ୍ୟରେ ପଞ୍ଜାବ ଲୋକସଭା ଆସନ ବାଣ୍ଟିବା ନେଇ ଚର୍ଚ୍ଚା ହୋଇଥିଲା । ହେଲେ ଆଜି ଏହି କଳ୍ପନାଜଳ୍ପନା ଉପରେ ବ୍ରେକ୍ ଲଗାଇଛନ୍ତି କେଜ୍ରିୱାଲ । ବର୍ତ୍ତମାନ ଏହା ସ୍ପଷ୍ଟ ଯେ, ପଞ୍ଜାବରେ କଂଗ୍ରେସ ଏବଂ ଆପ୍ ଅଲଗା ଭାବେ ଲୋକସଭା ନିର୍ବାଚନ ଲଢିବାକୁ ଯାଉଛନ୍ତି ।
ସୂଚନାଥାଉ ଯେ, ପଞ୍ଜାବ ଏବଂ ଦିଲ୍ଲୀରେ ଉଭୟ କଂଗ୍ରେସ ଏବଂ ଆପ୍ ଗତ ମାସରେ ଚଣ୍ଡିଗଡ଼ ମେୟର ନିର୍ବାଚନରେ ଏକାଠି ପ୍ରତିଦ୍ୱନ୍ଦ୍ୱିତା କରିଥିଲେ, ଯାହା ପରେ ଚର୍ଚ୍ଚା ହେଉଥିଲା ଯେ ଆଗାମୀ ଲୋକସଭା ନିର୍ବାଚନା ମଧ୍ୟ ଏହି ଦୁଇ ଦଳ ଏକାଠି ଲଢିବେ ବୋଲି ହେଲେ ଆଜି କେଜ୍ରିୱାଲଙ୍କ ଘୋଷଣା ଏହି ଆଲୋଚନାରେ ପୂର୍ଣ୍ଣଚ୍ଛେଦ ପକାଇଛି ।
Click it and Unblock the Notifications
Sign in with Google