ସେନା ଗାଡ଼ି ଉପରେ ଖସିଲା ପଥର : ୨ ଅଧିକାରୀ ସହିଦ

ଲଦାଖରେ ଭାରତୀୟ ସେନାର ଗାଡ଼ି ଉପରେ ପଡିଲା ପଥର । ଘଟଣାରେ ଜଣେ ଅଧିକାରୀଙ୍କ ସହିତ ୨ ଜଣ ଯବାନ ସହିଦ ହୋଇଥିବା ବେଳେ ଅନ୍ୟ ୩ ଜଣ ଗୁରୁତର ଆହତ ହୋଇଛନ୍ତି ।

ଖବର ମୁତାବକ, ଲଦାଖର ଦୁରବୁକରେ ଭାରତୀୟ ସେନାର ଏକ ଗାଡ଼ି ଉପରେ ପଥର ଖସିପଡିଥିଲା । ଫଳରେ ଏଥିରେ ଥିବା ଜଣେ ଅଧିକାରୀଙ୍କ ସହିତ ୨ ଜଣ ଯବାନଙ୍କ ଜୀବନ ଚାଲିଯାଇଥିବା ବେଳେ ଅନ୍ୟ ୩ ଜଣ ଗୁରୁତର ରହିଛନ୍ତି । ଘଟଣାଟି ସକାଳ ୧୧.୩୦ ମିନିଟରେ ଘଟିଛି । ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ଲଦାଖରେ ଗତ କିଛିଦିନରେ ପ୍ରବଳ ବର୍ଷା ଲାଗିରହିଛି । ଏହି କାରଣରୁ ସଡ଼କ ଦୁର୍ଘଟଣା ବୃଦ୍ଧି ପାଇଛି ।

ସୂଚନାଯୋଗ୍ୟ, ଆଜି ଜମ୍ମୁ କଶ୍ମୀର ଗାନ୍ଦରବଲ ଜିଲ୍ଲାରେ ସୁରକ୍ଷାକର୍ମୀଙ୍କୁ ନେଇ ଯାଉଥିବା ଏକ ବସ୍ ନଦୀରେ ଖସିପଡିଛି । ଆଇଟିବିପି ଯବାନଙ୍କୁ ନେଇ ଯାଉଥିବା ବସ୍ ପ୍ରବଳ ବର୍ଷା ଯୋଗୁଁ କୁଲ୍ଲନରେ ସିନ୍ଧ ନଦୀରେ ଖସିପଡିଛି । ବସରେ ଥିବା ଯବାନଙ୍କୁ ଉଦ୍ଧାର ପାଇଁ ସର୍ଚ୍ଚ ଅପରେସନ ଜାରି ରହିଛି ।