ଚିତା ସେନା ହେଲିକପ୍ଟର ଦୁର୍ଘଟଣାଗ୍ରସ୍ତ, ପାଇଲଟ ମୃତ

ଅରୁଣାଚଳ ପ୍ରଦେଶର ତୱାଙ୍ଗରେ ଆର୍ମି ଚିତା ହେଲିକପ୍ଟର ଦୁର୍ଘଟଣାଗ୍ରସ୍ତ । ଏହି ଦୁର୍ଘଟଣାରେ ହେଲିକପ୍ଚର ପାଇଲଟଙ୍କର ମୃତ୍ୟୁ ହୋଇଥିବା ଜଣାପଡିଛି ।

ଗୁହାଟୀ: ଅରୁଣାଚଳ ପ୍ରଦେଶର ତୱାଙ୍ଗରେ ଆର୍ମି ଚିତା ହେଲିକପ୍ଟର ଦୁର୍ଘଟଣାଗ୍ରସ୍ତ । ଏହି ଦୁର୍ଘଟଣାରେ ହେଲିକପ୍ଚର ପାଇଲଟଙ୍କର ମୃତ୍ୟୁ ହୋଇଥିବା ଜଣାପଡିଛି । ବିଶେଷ କଥା ହେଉଛି ଗତ ବର୍ଷ ଡିସେମ୍ବରରେ ତାମିଲନାଡୁର କୋଏମ୍ବାଟୁର ଏବଂ ସୁଲୁର ମଧ୍ୟରେ ହେଲିକପ୍ଟର ଦୁର୍ଘଟଣାରେ ତତ୍କାଳୀନ ସିଡିଏସ୍‌ଙ୍କ ବିପିନ ରାୱତଙ୍କ ମୃତ୍ୟୁ ଘଟିଥିଲା । ବର୍ତ୍ତମାନ ଏହି ଦୁର୍ଘଟଣାରେ ପାଇଲଟଙ୍କର ମୃତ୍ୟୁ ଘଟିଛି ।

ସୂଚନା ଥାଉକି, ସକାଳ ପ୍ରାୟ 10ଟାରେ ଏହି ଅଘଟଣ ଘଟିଥିଲା । ସେନା ପକ୍ଷରୁ କୁହାଯାଇଛି ଯେ, ଚିତା ଚପରରେ ଦୁଇଜଣ ପାଇଲଟ୍ ଥିଲେ । ଦୁର୍ଘଟଣା ଘଟିବା ପରେ ଉଭୟଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ଲେଫ୍ଟନାଣ୍ଟ କର୍ଣ୍ଣଲ ସୌରଭ ଯାଦବ ଗୁରୁତର ଭାବେ ଆହତ ହୋଇଥିଲେ । ତେବେ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଛି । ସେନା ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ ବର୍ତ୍ତମାନ ସୁଦ୍ଧା ଦୁର୍ଘଟଣା କାରଣ ଜଣାପଡି ନାହିଁ । ଏବେ ଏହି ଘଟଣାର ଅନୁସନ୍ଧାନ ଜାରି ରହିଛି ।

An Indian Army Cheetah helicopter crashed today near Tawang area in Arunachal Pradesh. One pilot has lost his life in the accident: Army Officials pic.twitter.com/5BErWZzRIH

— ANI (@ANI) October 5, 2022

English summary

An Army chopper crashed near Tawang district in Arunachal pradesh, one pilot died.