ଦିଲ୍ଲୀରେ AQI ୪୦୦ ପାର, ନିଶ୍ୱାସ ନେବା କଷ୍ଟକର; ସତର୍କ ସୂଚନା ଜାରି

Published: Sunday, November 23, 2025, 9:40 [IST]

ଦିଲ୍ଲୀରେ ଘାତକ ହେଉଛି ବାୟୁ ପ୍ରଦୂଷଣ। ନିଶ୍ଵାସ ନେବାରେ ହେଉଛି କଷ୍ଟକର। ଶନିବାର ଦିନ ଏଠାକାର ବାୟୁ ଆହୁରି ବିଷାକ୍ତ ହୋଇଗଲାଣି। ୧୨ଟି ଅଞ୍ଚଳରେ AQI 400 ପାର । ବଢ଼ୁଥିବା ପ୍ରଦୂଷଣର ପ୍ରତିକ୍ରିୟାରେ ସରକାର ଏକ ପରାମର୍ଶ ଜାରି କରିଛନ୍ତି।

ଏହି ପରାମର୍ଶରେ ଘରୋଇ ପ୍ରତିଷ୍ଠାନ ଗୁଡ଼ିକୁ ୱାର୍କଫର୍ମ କରିବାକୁ ନିର୍ଦ୍ଦେଶ ଦିଆଯାଇଛି। ସରକାର ବାୟୁ ଗୁଣବତ୍ତା ପରିଚାଳନା କମିଶନ (CAQM)ର ନିର୍ଦ୍ଦେଶ ଅନୁଯାୟୀ ରାଜଧାନୀରେ ଥିବା ଘରୋଇ କାର୍ଯ୍ୟାଳୟ ପାଇଁ ଏକ ନୂତନ ପରାମର୍ଶ ଜାରି କରିଛନ୍ତି। ଏହା ଅଧୀନରେ, ଘରୋଇ କାର୍ଯ୍ୟାଳୟ ଗୁଡ଼ିକ ଏବେ ସେମାନଙ୍କର ୫୦% କର୍ମଚାରୀଙ୍କ ସହିତ ସ୍ଥାନରେ କାର୍ଯ୍ୟ କରିବେ। ଯେତେବେଳେ ବାକି କର୍ମଚାରୀମାନେ ଘରେ ରହି କାମ କରିପାରିବେ। ପ୍ରଦୂଷଣ ପରିସ୍ଥିତିକୁ ସନ୍ତୁଳିତ କରିବା ପାଇଁ ଏକ ସତର୍କତାମୂଳକ ପଦକ୍ଷେପ ନିଆଯାଇଛି।

ଉତ୍ତର ପ୍ରଦେଶ ସରକାର ବଡ଼ କାର୍ଯ୍ୟାନୁଷ୍ଠାନ

କ୍ରମାଗତ ଭାବରେ ବଢ଼ୁଥିବା ପ୍ରଦୂଷଣକୁ ଦୃଷ୍ଟିରେ ରଖି, ଉତ୍ତର ପ୍ରଦେଶ ସରକାର ଏକ ବଡ଼ ନିଷ୍ପତ୍ତି ନେଇଛନ୍ତି। ନୋଏଡା ଏବଂ ଗାଜିଆବାଦରେ ଡିଜେଲ ଅଟୋରିକ୍ସାକୁ ତୁରନ୍ତ ନିଷିଦ୍ଧ କରାଯାଇଛି। NCR ଏବଂ ଆଖପାଖ ଅଞ୍ଚଳରେ CAQM ଗ୍ରେପ୍-୩ ନିୟମକୁ ମଧ୍ୟ କଠୋର କରିଛି।

Published On November 23, 2025