ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କୁ ମିଳିଲା ଜାମିନ

Updated: Tuesday, October 31, 2023, 13:15 [IST]

N Chandrababu Naidu: ଦକ୍ଷତା ବିକାଶ ସ୍କାମ ମାମଲାରେ ମଙ୍ଗଳବାର ଆନ୍ଧ୍ରପ୍ରଦେଶ ହାଇକୋର୍ଟ ପୂର୍ବତନ ମୁଖ୍ୟମନ୍ତ୍ରୀ ତଥା ଟିଡିପି ମୁଖ୍ୟ ଏନ ଚନ୍ଦ୍ରବାବୁ ନାଇଡୁଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି। ଚାରି ସପ୍ତାହ ପାଇଁ ଜାମିନ ପ୍ରଦାନ କରାଯାଇଛି। ଏନେଇ ହାଇକୋର୍ଟର ଓକିଲ ସୁନକାରା କୃଷ୍ଣମୂର୍ଣ୍ଣି ସୂଚନା ଦେଇଛନ୍ତି ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ନାଇଡୁଙ୍କୁ କ୍ରାଇମବ୍ରାଞ୍ଚ ତଦନ୍ତ ବିଭାଗ ଦ୍ୱାରା ସେପ୍ଟେମ୍ବର 9ରେ ବହୁ କୋଟି ଦକ୍ଷତା ବିକାଶ ସ୍କାମ ମାମଲାରେ ଗିରଫ କରାଯାଇଥିଲା ଯାହା ରାଜ୍ୟରେ ରାଜନୈତିକ ଅସ୍ଥିରତା ସୃଷ୍ଟି କରିଥିଲା । ଅନେକ ଟିଡିପି ନେତା ଅଭିଯୋଗ କରିଛନ୍ତି ଯେ ନାଇଡୁଙ୍କ ଗିରଫ କେବଳ ରାଜନୈତିକ ଷଡଯନ୍ତ୍ର। ମିଥ୍ୟା ଅଭିଯୋଗ ଆଧାରରେ ନାଇଡୁଙ୍କୁ ଗିରଫ କରାଯାଇଛି ।

ଆନ୍ଧ୍ରପ୍ରଦେଶ କ୍ରାଇମବ୍ରାଞ୍ଚ ତଦନ୍ତ ବିଭାଗ ଚନ୍ଦ୍ରବାବୁ ନାଇଡୁଙ୍କ ବିରୋଧରେ ଆଉ ଏକ ଦୁର୍ନୀତି ମାମଲା ରୁଜୁ କରିଛି ଯେଉଁଥିରେ ସେ ତାଙ୍କ କାର୍ଯ୍ୟକାଳ ମଧ୍ୟରେ କିଛି ଡିଷ୍ଟିଲରି ଅନୁମତି ଦେଇ ମଦ ସ୍କାମରେ ଲିପ୍ତ ଥିବା ଅଭିଯୋଗ ହୋଇଛି। ଏଥିରେ ସେ ଜଡିତ ଥିବା ଦର୍ଶାଯାଇଛି । ଅକ୍ଟୋବର 28, 2023 ରେ କ୍ରାଇମ ନମ୍ବର 18/2023 ଅନୁଯାୟୀ ସିଆଇଡି ମଙ୍ଗଳାଗିରି ପୋଲିସ ପ୍ରଥମ ସୂଚନା ରିପୋର୍ଟ (ଏଫଆଇଆର) ପଞ୍ଜୀକୃତ କରିଥିଲା। । ଦୁର୍ନୀତି ନିବାରଣ ଆଇନ 1988ର ବିଭିନ୍ନ ବିଭାଗ ଅଧୀନରେ ଏକ ମାମଲା ରୁଜୁ ହୋଇଛି।

Andhra Pradesh High Court grants interim bail to Former Andhra Pradesh CM and TDP chief N Chandrababu Naidu for four weeks, in the skill development case: High Court Advocate Sunkara Krishnamurthy pic.twitter.com/AxXpjLQ8be
— ANI (@ANI) October 31, 2023

ବର୍ତ୍ତମାନ ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଚନ୍ଦ୍ରବାବୁ ନାଇଡୁଙ୍କୁ ନଭେମ୍ବର ୨୪ ତାରିଖ ପର୍ଯ୍ୟନ୍ତ ଜାମିନ ପ୍ରଦାନ କରାଯାଇଛି । ୪ ସପ୍ତାହ ପରେ ତାଙ୍କୁ ଆତ୍ମସମର୍ପଣ କରିବା ପାଇଁ ନିର୍ଦ୍ଦେଶ ଦେଇଛନ୍ତି କୋଟ୍ । ନଭେମ୍ବର ୧୦ ତାରିଖରେ ତାଙ୍କ ମୁଖ୍ୟ ଜାମିନ ଆବେଦନ ଉପରେ ଶୁଣାଣି କରିବେ । ସେହିପରି ତାଙ୍କ ସ୍ୱାସ୍ଥ୍ୟବସ୍ଥା ଠିକ୍ ନାହିଁ । ତାଙ୍କୁ କେବଳ ଡାକ୍ତରଖାନା ଯିବାକୁ ଅନୁମତି ଦିଆଯାଇଛି । ଗଣମାଧ୍ୟମ ଏବଂ ରାଜନୈତିକ କାର୍ଯ୍ୟକଳାପରୁ ଦୂରେଇ ରହିବା ପାଇଁ ତାଙ୍କୁ କୋର୍ଟ ନିର୍ଦ୍ଦେଶ ଦେଇଛନ୍ତି ।