ଆଉ ଦୁଇ ବର୍ଷ ପରେ ଧ୍ଵଂସ ହେବ ପୃଥିବୀ !
ଦିନକୁ ଦିନ ଜଳବାୟୁ ପରିବର୍ତ୍ତନ ହେବାରେ ଲାଗିଛି । ଯାହାର ଚିନ୍ତା ଏବେ ସାରା ବିଶ୍ୱକୁ ଘାରିଛି । ଜାତିସଂଘର ଜଳବାୟୁ ମୁଖ୍ୟ ସାଇମନ ଷ୍ଟିଏଲ କହିଛନ୍ତି ଯେ ଖରାପ ଜଳବାୟକୁ ପରିବର୍ତ୍ତନ କରିବାକୁ ସରକାର, ବ୍ୟବସାୟୀ ନେତା ଏବଂ ବିକାଶ ବ୍ୟାଙ୍କଗୁଡିକ ନିକଟରେ ମାତ୍ର ୨ ବର୍ଷ ସମୟ ଅଛି। ଲଣ୍ଡନର କ୍ୟାଥମ ହାଉସ ଥିଙ୍କ ଟ୍ୟାଙ୍କରେ ସାଇମନ ଷ୍ଟିଏଲ ସମାବେଶକୁ ସମ୍ବୋଧିତ କରି ଏହା କହିଥିଲେ।
ଏକ ନୂତନ ପିଢିର ଜାତୀୟ ଜଳବାୟୁ ପରିଯୋଜନା ସହିତ ଗ୍ରୀନ ହାଉସ ଗ୍ୟାସ ନିର୍ଗମନକୁ ହ୍ରାସ କରିବାର ଏକ ସୁଯୋଗ ଅଛି। କିନ୍ତୁ ଆମକୁ ଶୀଘ୍ର ଏହି ପ୍ରକଳ୍ପର ଆବଶ୍ୟକତା ରହିଛି ବୋଲି ଷ୍ଟିଏଲ କହିଛନ୍ତି। ସେ ଆହୁରି ମଧ୍ୟ କହିଛନ୍ତି, ବିଶ୍ୱକୁ ବଞ୍ଚାଇବା ପାଇଁ କାହା ନିକଟରେ ଦୁଇ ବର୍ଷ ଅଛି? ଉତ୍ତର ହେଉଛି ପୃଥିବୀରେ ରହୁଥିବା ସମସ୍ତ ଲୋକଙ୍କ ନିକଟରେ।
ସେ କହିଛନ୍ତି ଯେ, ଅଧିକରୁ ଅଧିକ ଲୋକ ସମାଜ ତଥା ରାଜନୀତି କ୍ଷେତ୍ରରେ ଜଳବାୟୁ ଉପରେ କାମ କରିବାକୁ ଚାହୁଁଛନ୍ତି କାରଣ ସେମାନେ ଜଳବାଯୁ ସଙ୍କଟର ପ୍ରଭାବକୁ ସେମାନଙ୍କର ଦୈନନ୍ଦିନ ଜୀବନ ଏବଂ ଘରୋଇ ବଜେଟରେ ଅନୁଭବ କରୁଛନ୍ତି। ଷ୍ଟିଏଲ କହିଛନ୍ତି ଯେ ଜଳବାୟୁ ସଙ୍କଟ ପ୍ରସଙ୍ଗ ଏକ ଜନଗହଳି ପୂର୍ଣ୍ଣ ବିଶ୍ୱ ଏଜେଣ୍ଡାର ଏକ ଅଂଶ ପାଲଟିଛି।
ଯେତେବେଳେ କି ବିକାଶଶୀଳ ଦେଶମାନଙ୍କୁ ସ୍ବଚ୍ଛ ଶକ୍ତି ଯୋଗାଇବା ଏବଂ ଅତ୍ୟଧିକ ପରିବର୍ତ୍ତନଶୀଳ ପାଣିପାଗର ମୁକାବିଲା ପାଇଁ ସେମାନଙ୍କୁ ସାହାଯ୍ୟ କରିବା ପାଇଁ ସମଗ୍ର ବିଶ୍ୱ ଏକତ୍ରିତ ହେବା ଆବଶ୍ୟକ । ସେ ଆହୁରି ମଧ୍ୟ କହିଛନ୍ତି ଯେ ଜଳବାୟୁ ପରିବର୍ତ୍ତନକୁ ଅଣଦେଖା କରିବା ସଙ୍କଟର ସମାଧାନ ନୁହେଁ ଯାହା ପ୍ରତ୍ୟେକ ଜି ୨୦ ଅର୍ଥନୀତିକୁ ନଷ୍ଟ କରିଦେବ। ଏହା ପୂର୍ବରୁ ହିଁ କ୍ଷତି ଘଟାଇବା ଆରମ୍ଭ କରି ଦେଇଛି ।
Click it and Unblock the Notifications
Sign in with Google