ଏହି ତାରିଖର ହେବେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚ୍ଚାଣ୍ଟଙ୍କ ବିବାହ

Anant Ambani And Radhika Merchant Wedding: ଦେଶର ପ୍ରସିଦ୍ଧ ବ୍ୟବସାୟୀ ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ ଏବଂ ତାଙ୍କ ପ୍ରେମିକା ରାଧିକା ମର୍ଚ୍ଚାଣ୍ଟ ଖୁବ୍ ଶୀଘ୍ର ବିବାହ କରିବାକୁ ଯାଉଛନ୍ତି । ଦୀର୍ଘ ଦିନ ଧରି ଉଭୟଙ୍କ ବିବାହକୁ ନେଇ ଚର୍ଚ୍ଚା ଲାଗି ରହିଛି । ନିକଟରେ ଉଭୟଙ୍କ ପ୍ରି-ୱେଡିଙ୍ଗ୍ କାର୍ଯ୍ୟକ୍ରମ ସାରା ବିଶ୍ୱରେ ଚହଳ ସୃଷ୍ଟି କରିଥିଲା । ଏବେ ଉଭୟଙ୍କ ବିବାହ କାର୍ଡ ମଧ୍ୟ ପ୍ରକାଶ ପାଇଛି।

ନ୍ୟୁଜ୍ ଏଜେନ୍ସି ANI ଟୁଇଟ୍ କରି ଏନେଇ ସୂଚନା ଦେଇଛି । ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟ ମୁମ୍ବାଇର BKC ସ୍ଥିତ ଜିଓ ୱାର୍ଲ୍ଡ କନଭେନସନ୍ ସେଣ୍ଟରରେ ବିବାହ କରିବାକୁ ଯାଉଛନ୍ତି। ଅନନ୍ତ ଏବଂ ରାଧିକା 12 ଜୁଲାଇରେ ବିବାହ କରିବାକୁ ଯାଉଛନ୍ତି । ଏହି ବିବାହକୁ ନେଇ ପ୍ରତ୍ୟେକ ଦିନ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଉଭୟଙ୍କର ହିନ୍ଦୁ ରୀତିନୀତି ଅନୁଯାୟୀ ଏହି ବିବାହ କରାଯିବ। ମୁଖ୍ୟ କାର୍ଯ୍ୟକ୍ରମ ଯଥା ଶୁଭ ବିବାହ 12 ଜୁଲାଇ 2024 ଶୁକ୍ରବାର ଦିନ ଆୟୋଜିତ ହେବ। ଏହା ପରେ 13 ଜୁଲାଇରେ ଶୁଭ ଆଶୀର୍ବାଦର ଏକ କାର୍ଯ୍ୟକ୍ରମ ଆୟୋଜିତ ହେବ ।

14 ଜୁଲାଇ 2024 ରେ ବିବାହ ରିସେପ୍ସନ୍ ଆୟୋଜିତ ହେବାକୁ ଯାଉଛି। ଏହି ବିଶାଳ ବିବାହରେ ଦେଶ ତଥା ବିଶ୍ୱର ବହୁ ବଡ଼ ବ୍ୟକ୍ତିତ୍ୱ ଯୋଗ ଦେବେ । ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ଗ୍ରାଣ୍ଡ ବିବାହ ପାଇଁ ନିମନ୍ତ୍ରଣ ଅତିଥିମାନଙ୍କୁ ବଣ୍ଟନ କରାଯାଇଛି। ବ୍ୟବସାୟ, ରାଜନୀତି ଏବଂ ବଲିଉଡର ଅନେକ ସେଲିବ୍ରିଟି ଏଥିରେ ଯୋଗ ଦେବେ ।

ଅନନ୍ତ-ରାଧିକାଙ୍କ ବିବାହ ପୂର୍ବରୁ ଦୁଇଟି ପ୍ରି-ୱେଣ୍ତିଂର ଆୟୋଜନ କରାଯାଇଛି । ଚଳିତ ବର୍ଷ ମାର୍ଚ୍ଚରେ ଗୁଜୁରାଟ ଜାମନଗରରେ ଉଭୟଙ୍କର ପ୍ରଥମ ପ୍ରି-ୱେଣ୍ତିଂ ସେଲିବ୍ରେସନ କରାଯାଇଥିଲା । ଯେଉଁଥିରେ ମେଟା ସିଇଓ ମାର୍କ ଜୁକରବର୍ଗ, ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟ୍ସ ଏବଂ ଡୋନାଲ୍ଡ ଟ୍ରମ୍ପଙ୍କ ଝିଅ ଇଭାଙ୍କା ଟ୍ରମ୍ପ ଆଦି ଯୋଗ ଦେଇଥିଲେ ।

Anant Ambani and Radhika’s Wedding to be held in Mumbai on 12th July at the Jio World Convention Centre in BKC. Wedding to be performed in accordance with the traditional Hindu Vedic way.

The main wedding ceremonies will start on Friday, 12th July with the auspicious Shubh… pic.twitter.com/YKnaAIAs7o

— ANI (@ANI) May 30, 2024

ଏଥିରେ ଗ୍ଲୋବାଲ୍ ପପ୍ ତାରକା ରିହାନା ମଧ୍ୟ ତାଙ୍କର ଚମତ୍କାର ଗୀତରେ ଦର୍ଶକଙ୍କ ମନ ଜିଣିଥିଲେ । ଇଟାଲୀ ଏବଂ ଫ୍ରାନ୍ସ ମଧ୍ୟରେ ଏକ ବିଳାସପୂର୍ଣ୍ଣ କ୍ରୁଜରେ ଅନନ୍ତ ଏବଂ ରାଧିକାଙ୍କ ଦ୍ୱିତୀୟ ପ୍ରି-ୱେଣ୍ତିଂ ସେଲିବ୍ରେଟ୍ କରାଯାଉଛି । ଏହି କାର୍ଯ୍ୟକ୍ରମ ମେ 29 ରୁ ଆରମ୍ଭ ହୋଇଛି ଏବଂ ମୋଟ ଚାରି ଦିନ ଚାଲିବ ।

English summary

Anant Ambani And Radhika Merchant Wedding.