ବେଶ ବଦଳାଇ ବୁଲୁଛି ଅମୃପାଲ ସିଂ, ୫ ଦିନ ହେଲାଣି ମିଳୁନି ପତ୍ତା

୫ ଦିନ ହୋଇଗଲାଣି ହେଲେ ଏ ପର୍ଯ୍ୟନ୍ତ ମିଳି ପାରୁନାହିଁ ଖାଲିସ୍ତାନୀ ନେତା ଅମୃପାଲ ସିଂର ପତ୍ତା । ପଞ୍ଜାବ ହରିଆଣା ଏବଂ ଆଖାପାଖ ସ୍ଥାନରେ ସର୍ଚ୍ଚ ଅପରେସନ ଜାରି ରହିଛି । ବେଶ ବଦଳାଇ ବୁଲୁଛି ଅମୃପାଲ ସିଂ

ପଞ୍ଜାବ:୫ ଦିନ ହୋଇଗଲାଣି ହେଲେ ଏ ପର୍ଯ୍ୟନ୍ତ ମିଳି ପାରୁନାହିଁ ଖାଲିସ୍ତାନୀ ନେତା ଅମୃପାଲ ସିଂର ପତ୍ତା । ପଞ୍ଜାବ ହରିଆଣା ଏବଂ ଆଖାପାଖ ସ୍ଥାନରେ ସର୍ଚ୍ଚ ଅପରେସନ ଜାରି ରହିଛି । ପଞ୍ଜାବର ବିଭିନ୍ନ ଅଞ୍ଚଳରେ ଜାରି ରହିଛି ଫ୍ଲାଗମାର୍ଗ । ଅମୃତପାଲ ସିଂହକୁ ଛାଡି ଦେଲେ ତାର ସହଯୋଗୀଙ୍କୁ ଗୋଟି ଗୋଟି କରି ଗିରଫ କରୁଛି ପୋଲିସ । ନିକଟରେ ଅମୃତପାଲ ସିଂହର ଡ୍ରାଇଭର ହରପ୍ରୀତ ଏବଂ ଦାଦା ହରଜିତ ମେହଟପୁରର ପଞ୍ଜାବ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି ।

ବର୍ତ୍ତମାନ ସୋସିଆଲ ମିଡିଆରେ କିଛି ଫଟୋ ଭାଇରାଲ ହେବାରେ ଲାଗିଛି । ସନ୍ଦେହ କରାଯାଉଛି ଯେ, ଅମୃପାଲ ସିଂ ପୋଲିସ କବଳରୁ ବଞ୍ଚିବା ପାଇଁ ନିଜ ବେଶ ବଦଳାଇ ବୁଲୁଛି । ଯେଉଁଥିପାଇଁ ବର୍ତ୍ତମାନ ଅମୃପାଲ ସିଂର ଭିନ୍ନ ଭିନ୍ନ ଲୁକର ଫଟୋ ସୋସିଆଲ ମିଡିଆରେ ପୋଲିସ ପକ୍ଷରୁ ପୋଷ୍ଟ କରାଯାଇଛି । ଏହି ଫଟୋ ଦେଖାଇ ପୋଲିସ ଅମୃପାଲ ସିଂର ପତ୍ତା ଜାଣିବା ପାଇଁ ଚେଷ୍ଟା କରୁଛି । ପୋଲିସ ୭ଟି ଫଟୋ ଜାରି କରିଛି ।

ସୂଚନାଥାଉ ଯେ, ପଞ୍ଜାବ ପୋଲିସ ଉପରେ ବର୍ଷିଛନ୍ତି ହାଇକୋର୍ଟ । ହରିୟାଣା-ପଞ୍ଜାବ ହାଇକୋର୍ଟ ପୋଲିସକୁ କଡ଼ା ସମାଲୋଚନା କରିଛନ୍ତି । ଅପରେସନ୍ ଅମୃତପାଲର ବିଫଳତାକୁ ନେଇ ଅସନ୍ତୋଷ ବ୍ୟକ୍ତ କରି ହାଇକୋର୍ଟ ପ୍ରଶ୍ନ କରିଛନ୍ତି, ୮୦ ହଜାର ପୋଲିସକର୍ମୀ ଥିବା ସତ୍ତ୍ୱେ ଅମୃତପାଲ କିଭଳି ଏପର୍ଯ୍ୟନ୍ତ ଫେରାର ଅଛି । ଏହା ପୋଲିସର ସବୁଠୁ ବଡ଼ ଗୁଇନ୍ଦା ବିଫଳତାର ପ୍ରମାଣ ବୋଲି କୋର୍ଟ କଡା ଭାଷାରେ କହିଛନ୍ତି ।

English summary

Amritpal singh is absconding in disguise since 5 days.