ରାହୁଲ ଗାନ୍ଧୀଙ୍କ ଗଣତନ୍ତ୍ର ବିଷୟରେ କହିବାର କୌଣସି ଅଧିକାର ନାହିଁ: ଅମିତ ଶାହା
ଯୋଧପୁର: ରାଜସ୍ଥାନର ଯୋଧପୁରରେ ସୋମବାର କେନ୍ଦ୍ର ଗୃହମନ୍ତ୍ରୀ ଅମିତ ଶାହା କଂଗ୍ରେସକୁ କଡ଼ା ଟାର୍ଗେଟ କରିଛନ୍ତି । ସେ କହିଛନ୍ତି ଯେ ଗଣତନ୍ତ୍ର ବିଷୟରେ କହିବାର କଂଗ୍ରେସ ନେତା ରାହୁଲ ଗାନ୍ଧୀଙ୍କ ବର୍ତ୍ତମାନ ଅଧିକାର ନାହିଁ । କାରଣ ତାଙ୍କ ଜେଜେମା ତଥା ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଜରୁରୀକାଳୀନ ପରିସ୍ଥିତି ଲଗାଇଥିଲେ । ସେହି ସମୟ ମଧ୍ୟରେ ଲକ୍ଷ ଲକ୍ଷ ଲୋକଙ୍କୁ ଜେଲରେ ରଖାଯାଇଥିଲା ଏବଂ ରାଜନୈତିକ ଦଳଗୁଡିକ ଉପରେ ପ୍ରତିବନ୍ଧକ ଲଗାଯାଇଥିଲା ।
ରବିବାର ଦିନ ଦିଲ୍ଲୀର ରାମଲିଲା ମଇଦାନରେ 'ସେଭ୍ ଡେମୋକ୍ରାସି' ରାଲିକୁ ନେଇ ବିଜେପି ନେତା ଶାହା ଇଣ୍ଡିଆ ଆଲାଇନ୍ସ ପାର୍ଟିକୁ ମଧ୍ୟ କରିଥିଲେ ଟାର୍ଗେଟ । ସେ କହିଥିଲେ ଯେ ଆପଣ ଯେତେ ଦଳ ଏକାଠି ହୁଅନ୍ତୁ ନା କାହିଁକି ନିର୍ବାଚନ ପରେ କେବଳ ମୋଦୀ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି । ଯୋଧପୁରରେ ଅନୁଷ୍ଠିତ ନିର୍ବାଚନ ରାଲିରେ ଗୃହମନ୍ତ୍ରୀ କହିଛନ୍ତି ଯେ ଯିଏ ଦୁର୍ନୀତିରେ ଲିପ୍ତ ରହିବ ସେ ବାର୍ ପଛରେ ଯିବ । ସେ କହିଛନ୍ତି ଯେ ନରେନ୍ଦ୍ର ମୋଦୀଙ୍କୁ ତୃତୀୟ ଥର ପାଇଁ ପ୍ରଧାନମନ୍ତ୍ରୀ କରିବାକୁ ଦେଶର ଲୋକମାନେ ପ୍ରସ୍ତୁତ ଅଛନ୍ତି । ତାଙ୍କ ପରବର୍ତ୍ତୀ କାର୍ଯ୍ୟକାଳରେ ଭାରତ ତୃତୀୟ ବୃହତ୍ତମ ଅର୍ଥନୀତି ହେବ ।
ଗଣତନ୍ତ୍ର ଏବଂ ସମ୍ବିଧାନକୁ ବଞ୍ଚାଇବାକୁ ଏବଂ ବିଜେପିକୁ ପରାସ୍ତ କରିବାକୁ ଭାରତର ବରିଷ୍ଠ ନେତାମାନେ ଆହ୍ୱାନ କରିବାର ଗୋଟିଏ ଦିନ ପରେ ଅମିତ ଶାହାଙ୍କ ପ୍ରତିକ୍ରିୟା ଆସିଛି । ବିରୋଧୀ ଦଳର ବରିଷ୍ଠ ନେତାମାନେ ଅଭିଯୋଗ କରିଛନ୍ତି ଯେ ସରକାରଙ୍କ 'ଏକଛତ୍ରବାଦୀ ଶାସନ' ଯୋଗୁଁ ଲୋକସଭା ନିର୍ବାଚନରେ ବିରୋଧୀ ଦଳ ସମାନ ଅବସର ପାଇବାରୁ ବଞ୍ଚିତ ହୋଇଛନ୍ତି ।
ସୂଚନାଯୋଗ୍ୟ ଯେ କଂଗ୍ରେସର ବରିଷ୍ଠ ନେତା ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଲୋକସଭା ନିର୍ବାଚନରେ 'ମ୍ୟାଚ୍ ଫିକ୍ସିଂ' କରିବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି । ସେ କହିଛନ୍ତି ଯେ ଯଦି ବିଜେପି ଏହି ପ୍ରୟାସରେ ନିର୍ବାଚନରେ ଜିତେ ଏବଂ ସମ୍ବିଧାନରେ 'ପରିବର୍ତ୍ତନ' କରେ ତେବେ ସମଗ୍ର ଦେଶ ଧ୍ୱଂସ ହୋଇଯିବ ।
ଆଉ ଆମେ ସାଧାରଣ ସଭା କରିବାର ଉଦ୍ଦେଶ୍ୟ ହେଉଛି (ସେଭ୍ ଡେମୋକ୍ରାସି) ଆପ୍ ମୁଖ୍ୟ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏବଂ ଜେଏମଏମ ନେତା ହେମନ୍ତ ସୋରେନଙ୍କୁ ଗିରଫ କରିବା ଏବଂ ଆୟକର ନୋଟିସ ପରେ ସେମାନଙ୍କ ନେତାଙ୍କ ବିରୋଧରେ ଏଜେନ୍ସିର ଅପବ୍ୟବହାର ଅଭିଯୋଗ କରଇଥିଲେ ରାହୁଲ ।
Click it and Unblock the Notifications
Sign in with Google