J&K Assembly Election 2024:ଦ୍ୱିତୀୟ ପର୍ଯ୍ୟାୟ ଲାଗି ଜୋରଦାର ହେଉଛି ପ୍ରଚାର, ପାକିସ୍ତାନ ଉପରେ ବର୍ଷିଲେ ଶାହା , କହିଲେ ..

Jammu and Kashmir Assembly Election 2024: ଜାମ୍ମୁ କାଶ୍ମୀର ବିଧାନସଭାର ଦ୍ୱିତୀୟ ପର୍ଯ୍ୟାୟ ନିର୍ବାଚନ ଲାଗି ପ୍ରଚାର କାର୍ଯ୍ୟ ଜୋରଦାର ହୋଇଛି । ସବୁ ରାଜନୈତିକ ଦଳ ଗୁଡ଼ିକ ନିଜ ନିଜ ରଣନୀତି ଅପଣାଇ ଜନସାଧାରଣଙ୍କ ନିକଟକୁ ଯାଉଛନ୍ତି । ଦ୍ୱିତୀୟ ପର୍ଯ୍ୟାୟରେ ୬ଟି ଜିଲ୍ଲାର ୨୬ଟି ବିଧାନସଭା ଆସନ ନିମନ୍ତେ ଆସନ୍ତା ୨୫ ତାରିଖରେ ମତଦାନ ହେବ । ବିଜେପିର ବରିଷ୍ଠ ନେତା ତଥା ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହା ନିର୍ବାଚନ ପ୍ରଚାର ନିମନ୍ତେ ଗତକାଲି ଜାମ୍ମୁରେ ପହଞ୍ଚିଥିଲେ । ସେ ଆଜି ପୁଞ୍ଚ୍‌, ରାଜୌରୀ ଏବଂ ଜମ୍ମୁ ଜିଲ୍ଲାଗୁଡ଼ିକରେ ୫ଟି ନିର୍ବାଚନୀ ର‌୍ୟାଲିକୁ ସମ୍ବୋଧନ କରିବେ ।

କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଶନିବାର ମେହେନ୍ଦରରେ ପହଞ୍ଚିଛନ୍ତି। ଏଠାରେ ଏକ ସାଧାରଣ ସଭାକୁ ସମ୍ବୋଧିତ କରି ସେ କହିଛନ୍ତି, ୯୦ ଦଶକରେ ଜମ୍ମୁ କଶ୍ମୀରରେ କେତେ ଗୁଳି ବିନିମୟ ହୋଇଥିଲା ତାହା ତୁମର ମନେ ଅଛି କି? ପୂର୍ବରୁ ଏଠାରେ ଗୁଳି ବିନିମୟ ହେଉଥିଲା କାରଣ ଏଠାରେ ଥିବା ମାଷ୍ଟରମାନେ ପାକିସ୍ତାନକୁ ଭୟ କରୁଥିଲେ, ଏବେ ପାକିସ୍ତାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭୟ କରୁଛନ୍ତି। ସେମାନଙ୍କ ପାଖରେ ଗୁଳିବର୍ଷଣ କରିବାର ସାହସ ନାହିଁ ଏବଂ ଯଦି ସେମାନେ ଏପରି କରନ୍ତି, ତେବେ ସେମାନଙ୍କୁ ଗୁଳିର ଜବାବ ଗୁଳିରେ ଦିଆଯିବ।

ଅମିତ ଶାହା କହିଛନ୍ତି, ୯୦ ଦଶକରୁ ବର୍ତ୍ତମାନ ପର୍ଯ୍ୟନ୍ତ ଅବଦୁଲ୍ଲା, ମୁଫତି ଏବଂ ନେହେରୁ-ଗାନ୍ଧୀ ପରିବାର ଜମ୍ମୁ କଶ୍ମୀରରେ ଆତଙ୍କବାଦ ବିସ୍ତାର କରିଛନ୍ତି। ଆଜି ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ୱରେ ଭାଜପା ସରକାର ଜମ୍ମୁ କଶ୍ମୀରରୁ ଆତଙ୍କବାଦକୁ ଶେଷ କରିଛନ୍ତି। ଏଠାରେ ଥିବା ଯୁବକମାନଙ୍କୁ ପଥର ବଦଳରେ ଲାପଟପ ଦିଆଯାଇଛି।

ଆସନ୍ତାକାଲି ଅମିତ ଶାହା ନୌସେରା ଏବଂ ମାଜଲତାରେ କେତେଗୁଡ଼ିଏ ର‌୍ୟାଲିକୁ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି । ଏହି ପ୍ରଚାର କାର୍ଯ୍ୟରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଦୁଇଟି ଜନସଭାକୁ ଉଦ୍‌ବୋଧନ ଦେବାର କାର୍ଯ୍ୟକ୍ରମ ରହିଥିବା ବେଳେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମଧ୍ୟ ପ୍ରଚାର କାର୍ଯ୍ୟରେ ସାମିଲ ହେବେ ।

ଅନ୍ୟପକ୍ଷରେ କଂଗ୍ରେସ ନେତା ରାହୁଲ ଗାନ୍ଧୀ ଏବଂ ନ୍ୟାଶନାଲ କନ୍‌ଫରେନ୍ସର ଅଧ୍ୟକ୍ଷ ଡକ୍ଟର ଫାରୂକ୍ ଅବଦୁଲ୍ଲା ଜନସଭା ଗୁଡ଼ିକୁ ସମ୍ବୋଧନ କରିବାର କାର୍ଯ୍ୟକ୍ରମ ମଧ୍ୟ ରହିଛି ।