Amarnath Yatra 2024: ଜୁନ୍ 29 ରୁ ଆରମ୍ଭ ହେବ ଅମରନାଥ ଯାତ୍ରା, କେମିତି କରିବେ ପଞ୍ଜୀକରଣ... କଣ ରହିଛି ନିୟମ

Published: Saturday, June 22, 2024, 18:58 [IST]

Amarnath Yatra 2024: ଜାମ୍ମୁ କାଶ୍ମୀରରେ ଅମରନାଥ ଯାତ୍ରା ଜୁନ୍ 29 ରୁ ଆରମ୍ଭ ହେବ । ଏହି ଯାତ୍ରା ଅଗଷ୍ଟ 19 ପର୍ଯ୍ୟନ୍ତ ଚାଲିବ । ଅମରନାଥ ଯାତ୍ରା 19 ଜୁନ୍ ରେ ବାବା ଅମରନାଥଙ୍କ 'ପ୍ରଥମ ପୂଜା' ଆରମ୍ଭ ହୋଇଛି ।

ବାବା ବାର୍ଫାନୀଙ୍କୁ ପୂଜା କରିବା ପାଇଁ ହିନ୍ଦୁ ଭକ୍ତମାନଙ୍କ ମଧ୍ୟରେ ଶ୍ରୀ ଅମରନାଥ ଯାତ୍ରାର ମହତ୍ୱ ରହିଛି । ପ୍ରତିବର୍ଷ ଲକ୍ଷ ଲକ୍ଷ ଭକ୍ତ ଭଗବାନ ଶିବଙ୍କୁ ପୂଜା କରିବା ପାଇଁ ଜାମ୍ମୁ କାଶ୍ମୀରର ଅମରନାଥ ଗୁମ୍ଫା ମନ୍ଦିରକୁ ଯାତ୍ରା କରିଥାନ୍ତି ।

ତେବେ ଏହି ଯାତ୍ରା କରିବାକୁ ଚାହୁଁଥିବା ଭକ୍ତଙ୍କୁ ଆଗୁଆ ପଞ୍ଜୀକଣ କରିବାକୁ ହେବ । ଆମେ ଆପଣଙ୍କୁ ଅମରନାଥ ଯାତ୍ରାର ତାରିଖ, ପଞ୍ଜୀକରଣ, ଭକ୍ତଙ୍କ ପାଇଁ ସମସ୍ତ ସୂଚନା ଦେବୁ ।

କେବେ ଆରମ୍ଭ ଅମରନାଥ ଯାତ୍ରା ?

29 ଜୁନ୍ ରୁ ଅମରନାଥ ଯାତ୍ରା 2024 ଆରମ୍ଭ ହେବ ଏବଂ 19 ଅଗଷ୍ଟ 2024 ପର୍ଯ୍ୟନ୍ତ ଚାଲିବ ।

କିପରି କରିବେ ପଞ୍ଜୀକରଣ ?

ଅମରନାଥ ଯାତ୍ରା ପାଇଁ ଅନଲାଇନ୍ ପଞ୍ଜୀକରଣ ପ୍ରକ୍ରିୟା 15 ଅପ୍ରେଲରୁ ଆରମ୍ଭ ହୋଇଛି । ପ୍ରଥମେ ପଞ୍ଜୀକରଣ କଲେ, ପ୍ରଥମେ ଦର୍ଶନ କରିବା ନୀତିରେ ଏହି ପଞ୍ଜୀକରଣ କରାଯାଉଛି । ଅଫିସିଆଲ୍ ୱେବସାଇଟ୍ jksasb.nic.in ରେ ଅନଲାଇନ୍ ପଞ୍ଜୀକରଣ କରାଯାଉଛି ।

କଣ ରହିଛି ପଞ୍ଜୀକରଣ ପ୍ରକ୍ରିୟା ?

ସର୍ବପ୍ରଥମେ, ଅମରନାଥ ଯାତ୍ରା ପଞ୍ଜିକରଣ ପାଇଁ ଅଫିସିଆଲ୍ ୱେବସାଇଟ୍ jksasb.nic.in କୁ ଯାଆନ୍ତୁ ।
ହୋମପେଜ୍ ରେ ଦିଆଯାଇଥିବା 'ରେଜିଷ୍ଟର' ଲିଙ୍କରେ କ୍ଲିକ୍ କରନ୍ତୁ ।
ସମସ୍ତ ନିର୍ଦ୍ଦେଶନାମାକୁ ଭଲଭାବେ ପଢନ୍ତୁ ଏବଂ କ୍ଲିକ୍ କରିବା ପରେ ନାମ, ଫୋନ୍ ନମ୍ବର ଏବଂ ଅନ୍ୟାନ୍ୟ ଆବଶ୍ୟକୀୟ ସୂଚନା ପ୍ରବେଶ କରନ୍ତୁ ।
ଏହା ପରେ ନିଜର ବୈଧ ଫଟୋଗ୍ରାଫ୍, ଆଇଡି ପ୍ରୁଫ୍ ଏବଂ ମେଡିକାଲ୍ ସାର୍ଟିଫିକେଟ୍ ଅପଲୋଡ୍ କରିବାକୁ ହେବ ।
ଏହା ପରେ ପଞ୍ଜୀକରଣ ଫର୍ମ ଦାଖଲ କରନ୍ତୁ ।
ଏହା ପରେ Confirmation Page ଡାଉନଲୋଡ୍ କରନ୍ତୁ ଏବଂ ସେଥିରୁ ଏକ ପ୍ରିଣ୍ଟ୍ ବାହାର କରି ରଖନ୍ତୁ ।
ପଞ୍ଜୀକୃତ ମୋବାଇଲ୍ ନମ୍ବରକୁ ଆସିଥଇବା OTP ପ୍ରବେଶ କରନ୍ତୁ ।
ଅନଲାଇନ୍ ରେ ଆବେଦନ ଶୁଳ୍କ ଦେବା ପରେ ଯାତ୍ରା ପାଇଁ ଅନୁମତି ପତ୍ର ଡାଉନଲୋଡ୍ କରନ୍ତୁ ।

କେତେ ଟଙ୍କା ରହିଛି ଆବେଦନ ଶୁଳ୍କ ?

ଅମରନାଥ ଯାତ୍ରା ପଞ୍ଜୀକରଣ ଶୁଳ୍କ ପ୍ରତ୍ୟେକ ବ୍ୟକ୍ତିଙ୍କ ପାଇଁ 150 ରୁ 250 ଟଙ୍କା ରହିଛି । ପଞ୍ଜୀକରଣ ସମୟରେ ବ୍ୟାଙ୍କ ଶାଖା ମାଧ୍ୟମରେ ପଞ୍ଜୀକରଣ ଶୁଳ୍କ ପ୍ରଦାନ କରାଯାଇପାରିବ ।

ଆବଶ୍ୟକ ଏହି କାଗଜପତ୍ର

ଅମରନାଥ ଯାତ୍ରା ପଞ୍ଜିକରଣ ପାଇଁ ଜଣେ ପ୍ରାଧିକୃତ ଡାକ୍ତରଙ୍କ ଦ୍ୱାରା ଜାରି କରାଯାଇଥିବା ବୈଧ ସ୍ୱାସ୍ଥ୍ୟ ପ୍ରମାଣପତ୍ର (CHC) ବାଧ୍ୟତାମୂଳକ । ଏହା ସହ ଆଧାର କାର୍ଡ ଏବଂ ସରକାରଙ୍କ ଦ୍ୱାରା ସ୍ୱୀକୃତିପ୍ରାପ୍ତ ବୈଧ ପରିଚୟ ପତ୍ର ଆବଶ୍ୟକ ହେବ ।

ଏହି ବୟସର ବ୍ୟକ୍ତି କରିପାରିବେ ଯାତ୍ରା

ଅମରନାଥ ଯାତ୍ରା ପଞ୍ଜୀକରଣ ପାଇଁ ବୟସ ସୀମା 13 ରୁ 70 ବର୍ଷ ହେବା ଆବଶ୍ୟକ । ଏଥି ସହିତ, ଛଅ ସପ୍ତାହ କିମ୍ବା ଅଧିକ ଦିନର ଗର୍ଭବତୀ ମହିଳାଙ୍କୁ ଅମରନାଥ ଯାତ୍ରା କରିବାକୁ ଅନୁମତି ଦିଆଯାଇନଥାଏ ।

Published On June 22, 2024