ଅମରନାଥ ଯାତ୍ରା : ଜମ୍ମୁ କ୍ୟାମ୍ପରୁ ଯାତ୍ରା ଆରମ୍ଭ କଲେ ଶ୍ରଦ୍ଧାଳୁ
ସ୍ବାଭାବିକ ହେଉଛି ପ୍ରସିଦ୍ଧ ଅମରନାଥ ଯାତ୍ରା। ଫ୍ଲାସ ଫ୍ଲଡ ଯୋଗୁଁ 3 ଦିନ ବନ୍ଦ ରହିଥିଲା ଦର୍ଶନ। ଆଜି 7 ହଜାର ଶ୍ରଦ୍ଧାଳୁ ବାବାଙ୍କ ପବିତ୍ର ଗୁମ୍ଫା ଅଭିମୁଖେ ଯାତ୍ରା କରିଛନ୍ତି । ଶ୍ରଦ୍ଧାଳୁମାନେ ଜମ୍ମୁ ଉପକଣ୍ଠ ଭଗବତୀ ନଗର ବେସ କ୍ୟାମ୍ପରୁ ଯାତ୍ରା ଆରମ୍ଭ କରିଛ
ଶ୍ରୀନଗର: ସ୍ବାଭାବିକ ହେଉଛି ପ୍ରସିଦ୍ଧ ଅମରନାଥ ଯାତ୍ରା। ଫ୍ଲାସ ଫ୍ଲଡ ଯୋଗୁଁ 3 ଦିନ ବନ୍ଦ ରହିଥିଲା ଦର୍ଶନ। ଆଜି 7 ହଜାର ଶ୍ରଦ୍ଧାଳୁ ବାବାଙ୍କ ପବିତ୍ର ଗୁମ୍ଫା ଅଭିମୁଖେ ଯାତ୍ରା କରିଛନ୍ତି । ଶ୍ରଦ୍ଧାଳୁମାନେ ଜମ୍ମୁ ଉପକଣ୍ଠ ଭଗବତୀ ନଗର ବେସ କ୍ୟାମ୍ପରୁ ଯାତ୍ରା ଆରମ୍ଭ କରିଛନ୍ତି ।
ଏହି ତୀର୍ଥଯାତ୍ରୀଙ୍କ ବ୍ୟାଚଟି ଚଳିତ ବର୍ଷ ଯାତ୍ରାର 13ତମ ବ୍ୟାଚ । ଏଠାରେ ହୋଇଥିବା ଜଳ ପ୍ରଳୟ ଶ୍ରଦ୍ଧାଳୁଙ୍କ ପାଇଁ ଅନେକ ବାଧା ସୃଷ୍ଟି କରିଥିଲା। ସ୍ଥିତିରେ ସୁଧାର ଆସିବା ପରେ ଯାତ୍ରୀମାନଙ୍କୁ 265 ଗାଡିରେ ଦୁଇଟି ଭିନ୍ନଭିନ୍ନ ନିର୍ଦ୍ଧାରିତ ମାର୍ଗ ଦେଇ ଯାତ୍ରା ପାଇଁ ଅନୁମତି ମିଳିଛି। ପହଲଗାମ ଓ ବାଲତଲ ଦେଇ ଶ୍ରଦ୍ଧାଳୁମାନେ ଯାତ୍ରା କରୁଥିବା ଜମ୍ମୁ କାଶ୍ମୀର ପ୍ରଶାସନ ପକ୍ଷରୁ ସୂଚନା ମିଳିଛି ।
ସୂଚନା ଅନୁସାରେ, ବାଲତାଲ ମାର୍ଗ ଦେଇ 1,949 ଜଣ ପଞ୍ଜୀକୃତ ଶ୍ରଦ୍ଧାଳୁ 98 ଗାଡି ମାଧ୍ୟମରେ ଯାତ୍ରା କରିଥିବା ବେଳେ, ପେହଲଗାମ ମାର୍ଗ ଦେଇ 5,158 ଯାତ୍ରୀ ଯାତ୍ରାରେ ଅଂଶଗ୍ରହଣ କରିଛନ୍ତି । ଆଜିର ସଂଖ୍ୟାକୁ ମିଶାଇ ଯାତ୍ରା ଆରମ୍ଭରୁ ଏବେ ସୁଦ୍ଧା ମୋଟ 76,662 ତୀର୍ଥଯାତ୍ରୀ ବାବା ଅମରନାଥଙ୍କ ଦର୍ଶନ କରିସାରିଛନ୍ତି । ଭିଡ ହ୍ରାସ, ଟ୍ରାଫିକ ଓ ଦର୍ଶନ ବ୍ୟବସ୍ଥିତ ଭାବେ ସାରିବା ପାଇଁ ଗୋଟିଏ ଦିନରେ ଦର୍ଶନ ସାରି ଶ୍ରଦ୍ଧାଳୁ ଫେରିବା ପାଇଁ ମଧ୍ୟ ପ୍ରଶାସନ ନିର୍ଦ୍ଦେଶ ଜାରି କରିଛି ।
Click it and Unblock the Notifications
Sign in with Google