ଜି-20 ସମ୍ମିଳନୀ: ଯୋଗ ଦେବାକୁ ଥିବା ସମସ୍ତ ଅତିଥିଙ୍କୁ ପ୍ରଦାନ କରାଯିବ ଏକ ହଜାର ଟଙ୍କା, ଜାଣନ୍ତୁ କାହିଁକି...

G-20 Summit: ଆସନ୍ତାକାଲି ଶନିବାର (9 ସେପ୍ଟେମ୍ବର) ଏବଂ ରବିବାର (10 ସେପ୍ଟେମ୍ବର) ରେ ନୂଆଦିଲ୍ଲୀରେ ଅନୁଷ୍ଠିତ ହେବାକୁ ଯାଉଛି ଜି-20 ଶିଖର ସମ୍ମିଳନୀ । ଆଜି ସନ୍ଧ୍ୟା ସୁଦ୍ଧା ସମସ୍ତ ଅତିଥି ଦିଲ୍ଲୀରେ ପହଞ୍ଚି ସାରିଛନ୍ତି । ସମସଙ୍କୁ ଭାରତ ସରକାରଙ୍କ ତରଫରୁ ଭବ୍ୟ ସ୍ୱାଗତ କରାଯାଉଛି । ତେବେ ସମ୍ମିଳନୀରେ ଯୋଗ ଦେବାକୁ ଥିବା ସମସ୍ତ ଅତିଥିଙ୍କୁ ପ୍ରଦାନ କରାଯିବ ଏକ ହଜାର ଟଙ୍କା ।

ତେବେ ଏହାର କାରଣ ଭାରତର ବିକାଶରେ ଡିଜିଟାଲ ଇଣ୍ଡିଆର ବଡ ଯୋଗଦାନ ମଧ୍ୟ ରହିଛି ବୋଲି ଭାରତ ପ୍ରମାଣ କରିବାକୁ ଚେଷ୍ଟା କରିଛି । ଏହି କ୍ରମରେ ଜି-20କୁ ଆସୁଥିବା ବିଦେଶୀ ଅତିଥିମାନଙ୍କୁ ଡିଜିଟାଲ ଇଣ୍ଡିଆ ବାବଦରେ ପୂର୍ଣ୍ଣ ସୂଚନା ଦେବାକୁ ଭାରତ ତରଫରୁ ଏକ ନିଆରା ପଦକ୍ଷେପ ଗ୍ରହଣ କରାଯାଇଛି ।

ଜି 20 ପ୍ରତିନିଧୀଙ୍କୁ ଭାରତର ଆଧାର, ଡିଜି ଲକର ଏବଂ ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ ବା UPI ପରି ସଫଳତା ବିଷୟରେ ଜଣାଇବାକୁ କେନ୍ଦ୍ର ସରକାର ଯୋଜନା କରିଛନ୍ତି । ଏକ ରିପୋର୍ଟ ଅନୁଯାୟୀ, ସମ୍ମିଳନୀ ସମୟରେ ସମସ୍ତ ପ୍ରତିନିଧୀଙ୍କ ନିକଟକୁ ୟୁପିଇ ମାଧ୍ୟମରେ ଟଙ୍କା ପଠାଇବାକୁ ସରକାର ଯୋଜନା କରିଛନ୍ତି । ସମସ୍ତ ପ୍ରତିନିଧୀଙ୍କୁ ପ୍ରତ୍ୟେକଙ୍କୁ ଏକ ହଜାର ଟଙ୍କା ଦେବାର ଯୋଜନା ରହିଛି ।

ତେବେ ଏହି ଦୁଇ ଦିନିଆ ଜି-20 ଶିଖର ସମ୍ମିଳନୀରେ 1000 ରୁ ଅଧିକ ପ୍ରତିନିଧି ଅଂଶଗ୍ରହଣ କରିବେ । ସମସ୍ତ ସମ୍ଭାବ୍ୟ ପ୍ରତିନିଧୀଙ୍କ ପାଇଁ ସରକାର ୱାଲେଟ୍ ତିଆରି କରୁଛନ୍ତି । ଆଲୋଚନା ସମୟରେ ପ୍ରତ୍ୟେକଙ୍କୁ 1000 ଟଙ୍କା UPI ମାଧ୍ୟମରେ ସମସ୍ତଙ୍କ ୱାଲେଟକୁ ସ୍ଥାନାନ୍ତର କରାଯିବ । ଶିଖର ସମ୍ମିଳନୀରେ ସ୍ଥାପିତ ଷ୍ଟଲରୁ ସାମଗ୍ରୀ କିଣିବା ପାଇଁ ସେମାନେ ଏହି ଟଙ୍କା ବ୍ୟବହାର କରିପାରିବେ । ଏହା ହେଉଛି ସରକାରଙ୍କ ଯୋଜନା ।

ଭାରତର ଡିଜିଟାଲ ପେମେଣ୍ଟ ବର୍ତ୍ତମାନ କେତେ ସହଜ ହୋଇଛି ତାହା ଅନ୍ୟ ଦେଶର ନେତା ତଥା ବରିଷ୍ଠ ଅଧିକାରୀମାନଙ୍କୁ ଜଣାଇବାକୁ ସରକାରଙ୍କ ଉଦ୍ୟମ । ଏହା ସେମାନଙ୍କୁ ଜଣାଇବ ଯେ ଭାରତ ବର୍ତ୍ତମାନ ଡିଜିଟାଲ୍ ପେମେଣ୍ଟ କରୁଛି ଏବଂ ଡିଜିଟାଲ୍ ପେମେଣ୍ଟ ଇଣ୍ଟରଫେସ୍ କିପରି ଲୋକଙ୍କ ଜୀବନରେ ଉନ୍ନତି ଆଣିବାରେ ସହାୟକ ହୋଇଛି ।

English summary

All guests to Attend in G-20 Summit 2023 will be Paid Rs 1,000, Know Why ?