Alamgir Alam Arrested: ଝାଡଖଣ୍ଡ ଗ୍ରାମ୍ୟ ଉନ୍ନୟନ ମନ୍ତ୍ରୀ ଆଲାମଗିରଙ୍କୁ ଝଟକା, ୬ ଦିନ ପାଇଁ ଗଲେ ରିମାଣ୍ତରେ

Updated: Thursday, May 16, 2024, 15:39 [IST]

Alamgir Alam Arrested: ଅର୍ଥ ହେରଫେର ମାମଲାରେ କଂଗ୍ରେସ ନେତା ତଥା ଝାଡଖଣ୍ଡ ଗ୍ରାମ୍ୟ ଉନ୍ନୟନ ମନ୍ତ୍ରୀ ଆଲାମଗିର ଅଲାମଙ୍କୁ ଲାଗିଲା ବଡ଼ ଝଟକା । ଗତକାଲି ତାଙ୍କୁ ଗିରଫ କରାଯାଇଥିଲା ଆଜି କୋର୍ଟ କଂଗ୍ରେସ ନେତାଙ୍କୁ ୬ ଦିନ ପାଇଁ ରିମାଣ୍ତରେ ପଠାଯାଇଛି ।

ତାଙ୍କ ସହାୟକଙ୍କ ଘରୁ ନଗଦ ଟଙ୍କା ଜବତ ହେବା ପରେ ବୁଧବାର ଇଡି ଆଲାମଗିର ଆଲାମଙ୍କୁ ଗିରଫ କରିଥିଲା । କେନ୍ଦ୍ରୀୟ ଅନୁସନ୍ଧାନ ଏଜେନ୍ସି ତାଙ୍କୁ ରିମାଣ୍ଡରେ ନେବା ପରେ ତାଙ୍କୁ ଆଜି କୋର୍ଟରେ ହାଜର କରାଯାଇଥିଲା । ମେ ୬ ତାରିଖରେ ଇଡି ଆଲାମଗିର ଆଲାମଙ୍କ ବ୍ୟକ୍ତିଗତ ସଚିବ ସଞ୍ଜୀବ କୁମାର ଲାଲ ଏବଂ ଘରୋଇ ସହାୟକ ଜାହାଙ୍ଗୀର ଆଲାମ (42) ଙ୍କ ଘରେ ଚଢାଉ କରିଥିଲା ।

ଯେଉଁ ଥିରେ ୩୬ କୋଟିରୁ ଅଧିକ ଟଙ୍କା ଜବତ କରିଥିଲା ଇଡି । ସେହିପରି ଏହି ଘଟଣା ସହ ତାଙ୍କର କୌଣସି ସମ୍ପର୍କ ନାହିଁ ବୋଲି କହିଥିଲେ ଆଲାମଗିର ଆଲାମ । ସଞ୍ଜୀବ କୁମାର ଲାଲଙ୍କ କାର୍ଯ୍ୟକଳାପ ବିଷୟରେ ମୁଁ ଜାଣେ ନାହିଁ ବୋଲି ମଧ୍ୟ ସେ ଦାବି କରିଥିଲେ ।