ଆକାସା ବିମାନରେ ଗୃହପାଳିତ ପଶୁଙ୍କୁ ମିଳିଲା ଅନୁମତି

ଏୟାର ଇଣ୍ଡିଆ ପରେ ସ୍ୱର୍ଗତ ରାକେଶ ଝୁନଝୁନୱାଲା ସମର୍ଥିତ ଆକାସା ଏୟାର ଗୁରୁବାର ଘୋଷଣା କରିଛି ଯେ ଏହା ନଭେମ୍ବର 1 ରୁ ଗୃହପାଳିତ ପଶୁମାନଙ୍କୁ ବିମାନରେ ଅନୁମତି ଦେବ।

Published: Thursday, October 6, 2022, 15:53 [IST]

ନୂଆଦିଲ୍ଲୀ: ଏୟାର ଇଣ୍ଡିଆ ପରେ ସ୍ୱର୍ଗତ ରାକେଶ ଝୁନଝୁନୱାଲା ସମର୍ଥିତ ଆକାସା ଏୟାର ଗୁରୁବାର ଘୋଷଣା କରିଛି ଯେ ଏହା ନଭେମ୍ବର 1 ରୁ ଗୃହପାଳିତ ପଶୁମାନଙ୍କୁ ବିମାନରେ ଅନୁମତି ଦେବ। ଏହା ସହିତ, ଏହି ବିମାନ ସେବା ଦ୍ୱିତୀୟ ବାଣିଜ୍ୟିକ ଭାରତୀୟ ବାହକ ଯାହା ଗୃହପାଳିତ ପଶୁମାନଙ୍କୁ ବିମାନରେ ଅନୁମତି ପ୍ରଦାନ କରିଛି ।

ନଭେମ୍ବର 1 ରୁ ଏହି ନୂତନ ସେବା ଆରମ୍ଭ ହେବ, ଯେଉଁଥିରେ ଆକାସା ଏୟାରରେ ଉଡୁଥିବା ଯାତ୍ରୀମାନେ କ୍ୟାବିନରେ ସେମାନଙ୍କ ଗୃହପାଳିତ ପଶୁମାନଙ୍କ ସହିତ ଯାତ୍ରା କରିବାକୁ ସକ୍ଷମ ହେବେ। ଏନେଇ ଏକ ପ୍ରେସ ବିଜ୍ଞପ୍ତିରେ ପ୍ରକାଶ ପାଇଛି । କ୍ୟାବିନରେ କେବଳ 7 କିଲୋଗ୍ରାମ ଓଜନର ଗୃହପାଳିତ ପଶୁଙ୍କୁ ଅନୁମତି ମିଳିବ, ଅଧିକ ଓଜନର ପଶୁଙ୍କୁ କାର୍ଗୋରେ ଯାତ୍ରା କରିବାକୁ ହେବ । ପୂର୍ବରୁ ଏୟାର ଇଣ୍ଡିଆରେ ଏଭଳି ସୁବିଧା ରହିଥିଲା ।

ଆସନ୍ତା ବର୍ଷ ମାର୍ଚ୍ଚ ସୁଦ୍ଧା ପ୍ରାୟ 18ଟି ବୋଇଙ୍ଗ 737- ମ୍ୟାକ୍ସ ଏୟାର କ୍ରାଫ୍ଟ ଆସିବା ପାଇଁ ଆମେ ଆଶା କରୁ, ବୋଲି କହିଛନ୍ତି ସିଇଓ ବିନୟ ଦୁବେ। ସେ କହିଛନ୍ତି, ରାକେଶ ଝୁନଝୁନୱାଲାଙ୍କ ମୃତ୍ୟୁ ପରେ ଆକାଶା ବିମାନ ପଲିସିରେ କୌଣସି ପରିବର୍ତ୍ତନ କରାଯିବ ନାହିଁ ।

Published On October 6, 2022