ଦିଲ୍ଲୀ ବିମାନବନ୍ଦରରେ ଏୟାର ଇଣ୍ଡିଆର ଏମରଜେନ୍ସି ଲ୍ୟାଣ୍ଡିଂ

ଦିଲ୍ଲୀରୁ ଅହମ୍ମଦାବାଦ ଯାଉଥିବା ଏୟାର ଇଣ୍ଡିଆର ବିମାନ AI 2939 ରାତି ୧୦ଟା ୨୦ ମିନିଟରେ ଦିଲ୍ଲୀ ବିମାନବନ୍ଦରରେ ଏମରଜେନ୍ସି ଲ୍ୟାଣ୍ଡିଂ କରିଥିଲା । ବିମାନର କାର୍ଗୋ ହୋଲ୍ଡରେ ଧୂଆଁ ଦେଖିବା ପରେ ଅହମ୍ମଦାବାଦ ଯାଉଥିବା ଏୟାର ଇଣ୍ଡିଆର ଏକ ବିମାନକୁ ଦିଲ୍ଲୀ ଫେରିବାକୁ ପଡିଲା ବୋଲି ସୂଚନା ମିଳିଛି ।

ସୂଚନାନୁଯାୟୀ, ବିମାନଟି ଦିଲ୍ଲୀରୁ ଉଡ଼ାଣ ଆରମ୍ଭ କରିଥିଲା । କ୍ରୁ ସଦସ୍ୟମାନେ ସେନ୍ସରଗୁଡିକ କାର୍ଗୋ କମ୍ପାର୍ଟମେଣ୍ଟରେ ଧୂଆଁ ଉଠିବାର ସତର୍କ କରିଥିଲେ ।

ତେଣୁ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ଟ୍ରାଫିକ୍ ନିୟନ୍ତ୍ରଣକୁ ସୂଚନା ଦେଇଥିଲେ । ଯାହା ଫଳରେ ଏୟାର ଇଣ୍ଡିଆର ଏହି AI 2939 ବିମାନଟି ଗତକାଲି ରାତିରେ ଇନ୍ଦିରା ଗାନ୍ଧୀ ଇଣ୍ଟରନ୍ୟାସନାଲ ବିମାନବନ୍ଦରରେ ସୁରକ୍ଷିତ ଭାବେ ଏମରଜେନ୍ସି ଲ୍ୟାଣ୍ଡିଂ କରିଥିଲା । ସମସ୍ତ ଯାତ୍ରୀ ଏବଂ କ୍ରୁର ସଦସ୍ୟମାନେ ସୁରକ୍ଷିତ ରହିଥିବା ସୂଚନା ମିଳିଛି । ଧୂଆଁ ସତର୍କତାର କାରଣ ତଦନ୍ତାଧୀନ ରହିଛି ।