ଚିନ୍ତାରେ ଦିଲ୍ଲୀବାସୀ:ବିପଦ ସଙ୍କେତ ଅତିକ୍ରମ କଲା ଯମୁନା ଜଳସ୍ତର
ନୂଆଦିଲ୍ଲୀ:ବଢିଲା ଦିଲ୍ଲୀବାସୀଙ୍କ ଚିନ୍ତା । ପୁଣି ବିପଦ ସଙ୍କେତ ଅତିକ୍ରମ କଲା ଯମୁନା ଜଳସ୍ତର । ହରିୟାଣା ହାତନିଖୁଣ୍ତ ବ୍ୟାରେଜରୁ ବନ୍ୟା ଜଳ ଛଡା ଯିବା ପରେ ଯମୁନା ଫୁଲିବା ଆରମ୍ଭ ହୋଇଛି । ଆଜି ସକାଳ ୭ଟା ସୁଦ୍ଧା ଯମୁନା ନଦୀର ଜଳସ୍ତର ୨୦୬.୨୬ ମିଟର ରେକର୍ଡ କରାଯାଇଛି । ଏହା ବିପଦ ସଙ୍କେତଠାରୁ ଅଧିକରେ ପ୍ରବାହିତ ହେଉଛି ।
ସୂଚନା ଅନୁସାରେ, ହରିୟାଣା ବ୍ୟାରେଜରୁ ୨ ଲକ୍ଷ କ୍ୟୁସେକ ଜଳ ଛଡ଼ା ଯିବାରୁ ଦିଲ୍ଲୀ ପ୍ରତି ବନ୍ୟା ବିପଦ ବଢିଯାଇଛି । ସେପଟେ ବନ୍ୟା ସ୍ଥିତିକୁ ଦୃଷ୍ଟିରେ ରଖି ତଳିଆ ଅଞ୍ଚଳର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି ।
ଅନ୍ୟପଟେ ପୁଣି ଦିଲ୍ଲୀରେ ଲଗାଣ ବର୍ଷା ଆରମ୍ଭ ହୋଇଯାଇଛି । ସେହିପରି ଲଗାଣ ବର୍ଷା ପାଇଁ ଉତ୍ତର ପ୍ରଦେଶର ୧୫ଟି ଜିଲ୍ଲାରେ ସତର୍କ ସୂଚନା ଜାରି କରାଯାଇଛି । ହିମାଚଳରେ ପ୍ରବଳ ବର୍ଷା ଯୋଗୁଁ ହରିୟାଣା ବ୍ୟାରେଜରେ ଜଳ ପ୍ରବେଶ କରିବା ହେତୁ ଦିଲ୍ଲୀରେ ବନ୍ୟା ଆଶଙ୍କା ବୃଦ୍ଧି ପାଉଛି ।
Click it and Unblock the Notifications
Sign in with Google