CBSEର ବଡ଼ ପଦକ୍ଷେପ,ଏଣିକି ସବୁ ସ୍କୁଲରେ ଲଗାଯିବ ‘ଅଏଲ୍ ବୋର୍ଡ

CBSEର ବଡ଼ ପଦକ୍ଷେପ। ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟଗତ ସମସ୍ୟାକୁ ନେଇ ଏକ ବଡ଼ ପଦକ୍ଷେପ ଗ୍ରହଣ କରିଛି କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ। ଛାତ୍ରଛାତ୍ରୀମାନଙ୍କ ମଧ୍ୟରେ ବଢୁଥିବା ମୋଟାପଣ ସମସ୍ୟାକୁ ଗମ୍ଭୀରତାର ସହ ନେଇ ସମସ୍ତ ସହବନ୍ଧିତ ବିଦ୍ୟାଳୟଗୁଡ଼ିକୁ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଜାରି କରିଛି। ଏହି ପଦକ୍ଷେପର ଲକ୍ଷ୍ୟ ହେଉଛି ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟକୁ ଶିକ୍ଷା ପରି ପ୍ରାଥମିକତା ଦେବା, ଯାହା ଦ୍ଵାରା ଏକ ସୁସ୍ଥ ଏବଂ ସକ୍ରିୟ ଜୀବନଶୈଳୀକୁ ପ୍ରୋତ୍ସାହିତ କରାଯାଇପାରିବ।

CBSEର ବଡ଼ ପଦକ୍ଷେପ: CBSEର ନୂଆ ନିର୍ଦ୍ଦେଶାବଳୀ ଅନୁଯାୟୀ, ଏବେ ସମସ୍ତ ସ୍କୁଲରେ 'ତେଲ ବୋର୍ଡ' ଲଗାଯିବ। ଏହି ବୋର୍ଡ ଗୁଡ଼ିକର ମୁଖ୍ୟ ଉଦ୍ଦେଶ୍ୟ ହେଉଛି ଖାଦ୍ୟରେ ତେଲର ପରିମାଣ ବିଷୟରେ ଛାତ୍ରଛାତ୍ରୀମାନଙ୍କ ମଧ୍ୟରେ ସଚେତନତା ବୃଦ୍ଧି କରିବା।ସ୍କୁଲଗୁଡ଼ିକ ସେମାନଙ୍କର ସୁବିଧା ଏବଂ ସୃଜନଶୀଳତା ଅନୁସାରେ ଏହି ବୋର୍ଡଗୁଡିକୁ ଡିଜାଇନ୍ କରିପାରିବେ। ଯାହାଦ୍ୱାରା ପିଲାମାନେ ସହଜରେ ବୁଝିପାରିବେ ଯେ ସୁସ୍ଥ ଖାଦ୍ୟ କାହିଁକି ସ୍ୱାସ୍ଥ୍ୟ ପ୍ରତି ଗୁରୁତ୍ୱପୂର୍ଣ୍ଣ।

ସମସ୍ତ ସରକାରୀ ଡକ୍ୟୁମେଣ୍ଟ, ନୋଟପ୍ୟାଡ୍, ଲେଟରହେଡ୍ ଏବଂ ଅନ୍ୟାନ୍ୟ ଡକ୍ୟୁମେଣ୍ଟରେ ସୁସ୍ଥ ଜୀବନଶୈଳୀ ସହିତ ଜଡ଼ିତ ବାର୍ତ୍ତା ଛାପିବାକୁ CBSE ଅନୁବନ୍ଧିତ ସ୍କୁଲଗୁଡ଼ିକର ପ୍ରଧାନଶିକ୍ଷକମାନଙ୍କୁ ନିର୍ଦ୍ଦେଶ ଦେଇଛି । ଏହା ମୋଟାପଣ ବିରୁଦ୍ଧରେ ଲଢ଼ିବାରେ ସାହାଯ୍ୟ କରିବ ।

CBSE ତା'ର ନିର୍ଦ୍ଦେଶାବଳୀରେ କହିଛି ଯେ, ସ୍କୁଲମାନଙ୍କ ପିଲାଙ୍କୁ ସିଡ଼ି ଚଢ଼ିବାକୁ ଏବଂ ଚାଲିବାକୁ ଉତ୍ସାହିତ କରିବା ଉଚିତ୍ । ସ୍କୁଲ ପିଲାମାନଙ୍କ ମଧ୍ୟରେ ସୁସ୍ଥ ଖାଦ୍ୟ ଏବଂ ବ୍ୟାୟାମକୁ ପ୍ରୋତ୍ସାହିତ କରିବା, ଜଙ୍କଫୁଡ୍ ହ୍ରାସ କରିବା ଏବଂ ପୁଷ୍ଟିକର ଖାଦ୍ୟ ସାମଗ୍ରୀକୁ ପ୍ରୋତ୍ସାହିତ କରିବା ପାଇଁ ମଧ୍ୟ CBSE ନିର୍ଦ୍ଦେଶ ଦେଇଛି । ଏଥିସହ CBSE ସ୍କୁଲଗୁଡ଼ିକରେ ସୁଗାର ବୋର୍ଡ ଲଗାଯାଉଛି, ଯେଉଁଥିରେ ଚିନିର ବ୍ୟବହାର ବିଷୟରେ ସୂଚନା ଦିଆଯାଉଛି ।