ମରିସସ ଓ ଶ୍ରୀଲଙ୍କା ପରେ ଏହି ଦେଶରେ ମିଳିବ UPI ସେବା
ଭାରତୀୟ ପେମେଣ୍ଟ ସିଷ୍ଟମ UPI ଘରୋଇ ତଥା ସର୍ବଭାରତୀୟ ସ୍ତରରେ ବଡ ସଫଳତା ହାସଲ କରୁଛି । ନିକଟରେ ମରିସସ୍ ଏବଂ ଶ୍ରୀଲଙ୍କାରେ UPI ଲଞ୍ଚ କରାଯାଇଛି। ଏହି ପରି ଦେଶ ସଂଖ୍ୟା ବର୍ତ୍ତମାନ 10 ଅତିକ୍ରମ କରିଛି । ଯେଉଁଠାରେ UPI ବ୍ୟବହାର କରାଯାଇପାରିବ । ଏହାପୂର୍ବରୁ ଜାନୁଆରୀରେ ଫ୍ରାନ୍ସରେ UPO ଆରମ୍ଭ ହୋଇଥିଲା । ଏହା ପରେ ଆପଣ ସହଜରେ ପ୍ୟାରିସର ଆଇଫେଲ୍ ଟାୱାର ପାଇଁ ଟିକେଟ କିଣି ପାରିବେ ।
ଶ୍ରୀଲଙ୍କା ଏବଂ ମରିସସରେ ୟୁପିଆଇ ସେବା ଆରମ୍ଭ ହେବା ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଆଜି ଭାରତର ତିନିଟି ବନ୍ଧୁ ଦେଶ ପାଇଁ ଏକ ବିଶେଷ ଦିନ। ମୋର ବିଶ୍ୱାସ ଯେ ୟୁପିଆଇ ସିଷ୍ଟମରୁ ଶ୍ରୀଲଙ୍କା ଏବଂ ମରିସସ୍ ଉପକୃତ ହେବେ। ସେ କହିଛନ୍ତି ଯେ ଡିଜିଟାଲ ଜନସାଧାରଣ ଭିତ୍ତିଭୂମି ଭାରତରେ ବୈପ୍ଳବିକ ପରିବର୍ତ୍ତନ ଆଣିଛି। ୟୁପିଆଇ ଭାରତ ସହ ଅଂଶୀଦାରମାନଙ୍କୁ ଏକଜୁଟ କରିବାର ନୂତନ ଦାୟିତ୍ଵ ଗ୍ରହଣ କରୁଛି।
ବିଦେଶରେ UPI କାରବାରରୁ ଭାରତୀୟ ଲୋକମାନେ ସିଧାସଳଖ ଉପକୃତ ହେବେ । କୌଣସି ଅସୁବିଧା ବିନା ସହଜରେ ବିଦେଶରେ କାରବାର କରିପାରିବେ | ଏହା ମଧ୍ୟ ଫରେକ୍ସ ଚାର୍ଜ ହ୍ରାସ କରିବ, ଫଳସ୍ୱରୂପ ଆପଣଙ୍କ ପାଇଁ ବିଦେଶରେ ଶସ୍ତା କାରବାର ହେବ ।
UPI କ'ଣ?
UPI ହେଉଛି ଏକ ଭାରତୀୟ ଦେୟ ବ୍ୟବସ୍ଥା | ଏହାକୁ ସରକାରୀ କମ୍ପାନୀ ନ୍ୟାସନାଲ ପେମେଣ୍ଟ କର୍ପୋରେସନ ଦ୍ୱାରା ବିକଶିତ କରାଯାଇଛି । ଏହାର ବିଶେଷ କଥା ହେଉଛି ଦେୟ ଦେବା ପାଇଁ OTP ଆବଶ୍ୟକ ନୁହେଁ | ଆପଣ କେବଳ ଏକ PIN ପ୍ରବେଶ କରି ସହଜରେ ଦେୟ କରିପାରିବେ |
କେଉଁ ଦେଶରେ UPI କାମ କରେ?
ଭୁଟାନ୍ ,ମାଲେସିଆ , ୟୁଇଏ ,ସିଙ୍ଗାପୁର ,ଓମାନ , କତାର, ଋଷ , ଫ୍ରାନ୍ସ ,ଶ୍ରୀ ଲଙ୍କା ଓ ,ମରିସସ୍ ।
ଅନ୍ୟ କେଉଁ ଦେଶରେ UPI ଉପଲବ୍ଧ ହେବ ?
ଏକ ରିପୋର୍ଟ ଅନୁଯାୟୀ, ଭାରତ ସରକାର ଅନ୍ୟ ଦେଶରେ ମଧ୍ୟ ୟୁପିଆଇ ଆରମ୍ଭ କରିବାକୁ ଆଲୋଚନା କରୁଛନ୍ତି। ଏଥିରେ ବ୍ରିଟେନ, ନେପାଳ, ଥାଇଲ୍ୟାଣ୍ଡ, ସାଉଦି ଆରବ, ଅଷ୍ଟ୍ରେଲିଆ, ଆମେରିକା, ବହାରେନ, ଜାପାନ ଏବଂ ଫିଲିପାଇନ୍ସ ଭଳି ଦେଶର ନାମ ଅନ୍ତର୍ଭୁକ୍ତ।
Click it and Unblock the Notifications
Sign in with Google