୫ ଶହ ବର୍ଷ ପରେ ଭଗବାନ ଶ୍ରୀ ରାମ ମନ୍ଦିରରେ ପାଳନ କରିବେ ଦୀପାବଳି

PM Narendra Modi on Diwali: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଦିନ ଧନତେରଶର ଶୁଭେଚ୍ଛା ଜଣାଇଛନ୍ତି । ଏହି ଅବସରରେ ମୋଦି କହିଛନ୍ତି, ଚଳିତ ବର୍ଷର ଦୀପାବଳି ଖୁବ୍ ଖାସ କାରଣ 500 ବର୍ଷ ପରେ ପ୍ରଥମ ଥର ପାଇଁ ପ୍ରଭୁ ରାମ ଅଯୋଧ୍ୟା ମନ୍ଦିରରେ ଏହି ମହାନ ପର୍ବ ପାଳନ କରିବେ। ପ୍ରଧାନମନ୍ତ୍ରୀ ମୋଦି ଆହୁରି କହିଛନ୍ତି, "ମୁଁ ସମସ୍ତ ଦେଶବାସୀଙ୍କୁ ଧନତେରଶର ଶୁଭେଚ୍ଛା ଜଣାଉଛି ।

ପ୍ରଧାନମନ୍ତ୍ରୀ ମୋଦି, 500 ବର୍ଷ ପରେ ପ୍ରଭୁ ରାମ ତାଙ୍କ ମହାନ ମନ୍ଦିରରେ ପ୍ରଥମ ଥର ଦୀପାବଳି ପାଳନ କରିବେ । ଆମେ ସମସ୍ତେ ଏହି ଭବ୍ୟ ମୁହୁର୍ତ୍ତର ସାକ୍ଷୀ ହେବା ପାଇଁ ଯାଉଥିବାରୁ ନିଜକୁ ଭାଗ୍ୟଶାଳୀ ମନେ କରିବା ଉଚିତ୍ ।

ସୂଚନାଥାଉ ଯେ, 2019 ରେ ସୁପ୍ରିମକୋର୍ଟ ବିବାଦୀୟ ଜମିରେ ମନ୍ଦିର ନିର୍ମାଣକୁ ଅନୁମତି ଦେଇଥିଲେ ଏବଂ ସେହି ସମୟରେ ମହସଜିଦ ନିର୍ମାଣ ପାଇଁ ଏକ ବଡ ଜମି ବଣ୍ଟନ କରିବାକୁ ସରକାର ନିର୍ଦ୍ଦେଶ ଦେଇଥିଲେ। ଚଳିତ ବର୍ଷ ଜାନୁଆରୀରେ ଅଯୋଧ୍ୟା ରାମ ମନ୍ଦିରର ଉଦଘାଟନ କରାଯାଇଥିଲା।

ଏହି ବିଶେଷ ଅବସରରେ ପ୍ରଧାନମନ୍ତ୍ରୀ ମୋଦୀ ମଧ୍ୟ ନିଯୁକ୍ତି ମେଳାରେ ସରକାରୀ ଚାକିରି ପାଇଁ ନିଯୁକ୍ତି ପତ୍ର ଗ୍ରହଣ କରିଥିବା ଯୁବକମାନଙ୍କୁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି, "ଏହି ଉତ୍ସବର ପରିବେଶରେ ଆଜି ଏହି ଶୁଭ ଦିନରେ 51,000 ଯୁବକଙ୍କୁ ସରକାରୀ ଚାକିରି ପାଇଁ ନିଯୁକ୍ତି ପତ୍ର ଦିଆଯାଉଛି। ଏଥି ସହିତ ପ୍ରଧାନମନ୍ତ୍ରୀ ସମସ୍ତଙ୍କୁ ଅଭିନନ୍ଦନ ମଧ୍ୟ ଜଣାଇଥିଲେ ।