୧୧ ବର୍ଷ ପରେ ନରେନ୍ଦ୍ର ଡୋଭାଲକରଙ୍କ ହତ୍ୟା ମାମଲାର ଆସିଲା ରାୟ, ୨ ଦୋଷୀଙ୍କୁ ଆଜୀବନ କାରାଦଣ୍ଡ
ପୁଣେ: ଅନ୍ଧବିଶ୍ୱାସ ବିରୋଧରେ ଆନ୍ଦେଳନ କରୁଥିବା ସମାଜସେବୀ ନରେନ୍ଦ୍ର ଡାବୋଲକରଙ୍କ ହତ୍ୟା ମାମଲାରେ ପୁଣେର ଏକ ସ୍ୱତନ୍ତ୍ର ଅଦାଲତ ଶୁକ୍ରବାର ଦିନ ଦୁଇ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ଅଭିଯୁକ୍ତ ସଚିନ ଆଣ୍ଡୁର ଏବଂ ସରାଦ କାଲାସ୍କରଙ୍କୁ ଦୋଷୀ ସାବ୍ୟସ୍ତ କରିଛନ୍ତି ଅଦାଲତ । ଡାବୋଲକରଙ୍କ ହତ୍ୟା ମାମଲାରେ ସେମାନଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ।
ଏମାନଙ୍କ ସହ ୩ ଅଭିଯୁକ୍ତ ସଞ୍ଜୀବ, ବିକ୍ରମ ଓ ବୀରେନ୍ଦ୍ର ସିଂ ତାୱଡଙ୍କୁ ଦୋଷମୁକ୍ତ କରିଛନ୍ତି । ୨୦୧୩ ମସିହା ଅଗଷ୍ଟ ୨୦ ତାରିଖରେ ପୁଣେର ଓମକାରେଶ୍ୱର ବ୍ରିଜରେ ସକାଳୁ ବୁଲିବାକୁ ଯାଇଥିବା ବେଳେ ଦାଭୋଲକରଙ୍କୁ ଗୁଳି କରି ହତ୍ୟା କରାଯାଇଥିଲା । ଏହି ମାମଲାରେ ୫ ଜଣଙ୍କୁ ଅଭିଯୁକ୍ତ କରାଯାଇଥିଲା । ଏହି ରାୟ ୧୧ ବର୍ଷ ପରେ ଏହି ହତ୍ୟା ମାମଲାରେ କୋର୍ଟ ରାୟ ଶୁଣାଇଛନ୍ତି ।
ସୂଚନାଯୋଗ୍ୟ ଯେ, ପୁଣେର ଓମକାରେଶ୍ୱର ବ୍ରିଜ ଉପରେ ମର୍ଣ୍ଣିଂୱାକରେ ବାହାରକୁ ଯାଉଥିବା ଡୋଭାଲକରଙ୍କୁ ଅଗଷ୍ଟ ୨୦, ୨୦୧୩ରେ ଗୁଳି କରି ହତ୍ୟା କରାଯାଇଥିଲା । ଡୋଭାଲକର ଅନେକ ବର୍ଷ ଧରି ସମିତି ଚଳାଉଥିଲେ। ସେ ବିଭିନ୍ନ ପୁସ୍ତକ ପ୍ରକାଶ କରିଥିଲେ ଏବଂ ଅନ୍ଧବିଶ୍ୱାସର ବିଲୋପ ପାଇଁ କର୍ମଶାଳା ମଧ୍ୟ କରିଥିଲେ। ୨୦୧୩ ମସିହା ହତ୍ୟା ପରେ ବହୁ ଜନ ଅସନ୍ତୋଷ ମଧ୍ୟରେ ଡାବୋଲକରଙ୍କ ଝିଅ ଏବଂ ପୁଅ ଦାଖଲ କରିଥିବା ଆବେଦନ ଉପରେ ବମ୍ବେ ହାଇକୋର୍ଟ ସିବିଆଇକୁ ହସ୍ତାନ୍ତର କରିଥିଲେ।
ଏହି ମାମଲାରେ ୫ଜଣଙ୍କୁ ଅଭିଯୁକ୍ତ କରାଯାଇଛି । ପ୍ରବର୍ତ୍ତନ ନିର୍ଦ୍ଦେଶାଳୟ ଏହାର ଶେଷ ଯୁକ୍ତିରେ କହିଛି ଯେ ଅନ୍ଧବିଶ୍ୱାସ ବିରୋଧରେ ଡୋଭାଲକରଙ୍କ ଅଭିଯାନକୁ ଅଭିଯୁକ୍ତମାନେ ବିରୋଧ କରୁଛନ୍ତି ।
ପ୍ରାରମ୍ଭରେ ପୁଣେ ପୋଲିସ ଦ୍ୱାରା ଏହି ମାମଲାର ଯାଞ୍ଚ କରାଯାଉଥିଲା, କିନ୍ତୁ ବମ୍ବେ ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ, କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ୨୦୧୪ରେ ଏହି ମାମଲାକୁ ନିଜ ହାତକୁ ନେଇ ଯାଇଥିଲେ ଏବଂ ଜୁନ ୨୦୧୬ରେ ହିନ୍ଦୁ ଦକ୍ଷିଣପନ୍ଥୀ ସଂଗଠନ ସନାତନ ସନ୍ଥା ସହିତ ଜଡ଼ିତ ଡା. ବିରେନ୍ଦ୍ର ସିଂ ତାବଡେଙ୍କୁ ଗିରଫ କରାଯାଇଥିଲା
Click it and Unblock the Notifications
Sign in with Google