ଆଜି ଦିଲ୍ଲୀ ରାମଲିଲା ମୈଦାନ 'ଆପ'ର ମହାରାଲି, ଏକାଠି ହେବେ ୧ ଲକ୍ଷ ଲୋକ

Updated: Sunday, June 11, 2023, 10:58 [IST]

Aap Rally:ଆଜି ସକାଳ ୧୧ ଟାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ରାମଲିଲା ମୈଦାନରେ ନିଜର ଶକ୍ତି ପ୍ରଦର୍ଶନ କରିବାକୁ ଯାଉଛନ୍ତି। କେନ୍ଦ୍ର ବିରୁଦ୍ଧରେ ସେ ମେଗା ରାଲି ପ୍ରଦର୍ଶନ କରିବା ପାଇଁ ଯାଉଛନ୍ତି । ଏହି ରାଲିର କାରଣ ସ୍ଥାନାନ୍ତର ପୋଷ୍ଟିଂ ଅର୍ଡିନାନ୍ସ ବୋଲି କୁହାଯାଇଛି, କିନ୍ତୁ ଏହି ରାଲି କେଜ୍ରିୱାଲଙ୍କ ମିଶନ 2024ର ଆରମ୍ଭ ବୋଲି କୁହାଯାଉଛି । ପ୍ରାୟ ୧ ଲକ୍ଷ ଲୋକ ଆଜି ଏଠି ଏକାଠି ହେବେ ବୋଲି ସୂଚନା ରହିଛି ।

ଏହି ରାଲିରେ ଦଳର ମୁଖ୍ୟ ଅରବିନ୍ଦ କେଜ୍ରିୱାଲ ନିଜେ ଅଂଶଗ୍ରହଣ କରିବେ । ପଞ୍ଜାବର ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନ, ଦଳର ସାଂସଦ ଏବଂ ବିଧାୟକମାନେ ଏହି ରାଲିରେ ଯୋଗ ଦେବେ । ଏହି ରାଲିରେ ସର୍ବାଧିକ ସଂଖ୍ୟକ ଲୋକଙ୍କୁ ଏକାଠି କରିବା ପାଇଁ ବିଧାୟକ ଏବଂ କର୍ପୋରେଟରମାନଙ୍କୁ ନିର୍ଦ୍ଦେଶ ଦିଆଯାଇଛି।

AAP के राष्ट्रीय संयोजक @ArvindKejriwal जी के निमंत्रण पर सुप्रीम कोर्ट के वरिष्ठ वकील व राज्यसभा सांसद @KapilSibal जी मोदी सरकार के संविधान विरोधी अध्यादेश के ख़िलाफ़ #AAPKiMahaRally में होंगे शामिल।

संविधान बचाने की इस लड़ाई में @KapilSibal जी का हार्दिक स्वागत है।
— AAP (@AamAadmiParty) June 10, 2023

ଏହି ରାଲି ସକାଳ ୧୧ଟାରୁ ଆରମ୍ଭ ହେବ ଏବଂ ଦିନ ୧୨ଟାରେ କେଜ୍ରିୱାଲ୍ ଲୋକଙ୍କୁ ସମ୍ବୋଧିନ କରିବେ । ଶୁକ୍ରବାର ଦିନ ଗୋପାଳ ରାୟ ଦଳର ଅଧିକାରୀଙ୍କ ସହ ରାଲିର ପ୍ରସ୍ତୁତି ବିଷୟରେ ସମୀକ୍ଷା କରିଥିଲେ।

ଗୋପାଳ ରାୟଙ୍କ ସୂଚନା ଅନୁସାରେ, ଦଳ ତୃଣମୂଳ ସ୍ତରରେ ଅନେକ ବୈଠକ କରିଛି । ଏହି ମେଗା ରାଲି ଦ୍ୱାରା ଲୋକମାନେ ସରକାରଙ୍କ ନିୟମ ଓ ଯୋଜନା ବିଷୟରେ ଅଧିକ ସ୍ପଷ୍ଟ ଭାବେ ଜାଣିପାରିବେ । ସେଥିପାଇଁ ବହୁ ସଂଖ୍ୟାରେ ଲୋକଙ୍କୁ ଏହି ରାଲିରେ ଯୋଗ ଦେବା ପାଇଁ ନିବେଦନ କରାଯାଇଛି ।

ସେ ଆହୁରି କହିଛନ୍ତି ଯେ, ଏହି ରାଲି ଦିଲ୍ଲୀର ଲୋକଙ୍କ ପାଇଁ ଏକ ପ୍ଲାଟଫର୍ମ ସୃଷ୍ଟି କରିବ ଯେଉଁଠାରେ ଲୋକମାନେ ନରେନ୍ଦ୍ର ମୋଦି ସରକାରଙ୍କ ବିରୁଧରେ ନିଜର ମତଭେଦ ପ୍ରକାଶ କରିପାରିବେ । ସମ୍ବିଧାନ ପ୍ରତ୍ୟେକ ନାଗରିକଙ୍କୁ ଭୋଟ୍ ଦେବାର ଅଧିକାର ଦେଇଥାଏ, ଏପରି ପରିସ୍ଥିତିରେ ଯଦି କୌଣସି ବ୍ୟକ୍ତି କିମ୍ବା ସଂଗଠନ ଏହି ଅଧିକାର ଛଡ଼ାଇବାକୁ ଚେଷ୍ଟା କରନ୍ତି, ତା'ହେଲେ ଏହା ବିରୁଦ୍ଧରେ ସ୍ୱର ଉତ୍ତୋଳନ କରାଯିବା ଉଚିତ୍।

କେନ୍ଦ୍ର ସରକାରଙ୍କ GNCTD ଅଧିନିୟମ 1991 ରେ ACT ରେ ବିଭିନ୍ନ ପରିବର୍ତ୍ତନ କରାଯାଇଛି, ଟ୍ରାନ୍ସଫର ଏବଂ ପୋଷ୍ଟିଂ ଉପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ । ଏହି କାର୍ଯ୍ୟ ବିରୋଧରେ ବିରୋଧୀଙ୍କ ସମର୍ଥନ ପାଇବା ପାଇଁ କେଜ୍ରିୱାଲ ଅନେକ ଦଳଙ୍କୁ ଭେଟିଥିଲେ।