'ଆଧାର ପରିଚୟପତ୍ର, କିନ୍ତୁ ନାଗରିକତା ପ୍ରମାଣପତ୍ର ନୁହେଁ'

ସୁପ୍ରିମକୋର୍ଟ ସୋମବାର ନିର୍ଦ୍ଦେଶ ଦେଇଛନ୍ତି ଯେ ବିହାର ବିଧାନସଭା ନିର୍ବାଚନ ପୂର୍ବରୁ ଭୋଟର ତାଲିକାର ସ୍ୱତନ୍ତ୍ର ସଂଶୋଧନ ପାଇଁ ନିର୍ବାଚନ କମିଶନକୁ ଆଧାର କାର୍ଡକୁ ପରିଚୟ ପ୍ରମାଣ ଭାବେ ଗ୍ରହଣ କରିବାକୁ ହେବ। ଜଷ୍ଟିସ ସୂର୍ଯ୍ୟ କାନ୍ତ ଓ ଜଷ୍ଟିସ ଜୋୟମାଲ୍ୟ ବାଗଚୀଙ୍କ ବେଞ୍ଚ ଆଧାରକୁ ୧୧ଟି ଅନ୍ୟ ବୈଧ ଡକ୍ୟୁମେଣ୍ଟ ସହିତ ୧୨ତମ ପ୍ରମାଣପତ୍ର ଭାବେ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି।

ନିର୍ବାଚନ କମିଶନଙ୍କ ପକ୍ଷରୁ ବରିଷ୍ଠ ଆଇନଜୀବୀ ରାକେଶ ଦ୍ୱିବେଦୀ ଯୁକ୍ତି ଦେଇଥିଲେ ଯେ ଖସଡ଼ା ଭୋଟର ତାଲିକାରେ ଥିବା ୭.୨୪ କୋଟି ଭୋଟରଙ୍କ ମଧ୍ୟରୁ ୯୯.୬ ପ୍ରତିଶତ ପୂର୍ବରୁ ଡକ୍ୟୁମେଣ୍ଟ ଜମା କରିଛନ୍ତି, ତେଣୁ ଆଧାରକୁ ଅନ୍ତର୍ଭୁକ୍ତ କରିବାର ଆବଶ୍ୟକତା ନାହିଁ। କିନ୍ତୁ କୋର୍ଟ ଏହାକୁ ଖାରଜ କରି କହିଛନ୍ତି ଯେ ଆଧାରର ସତ୍ୟତା ଯାଞ୍ଚ କରାଯାଇପାରିବ, ତେବେ ଏହା ନାଗରିକତା ପ୍ରମାଣ ପାଇଁ ବ୍ୟବହାର ହୋଇପାରିବ ନାହିଁ।

ନିର୍ବାଚନ କମିସନଙ୍କ ଓକିଲ ରାକେଶ ଦ୍ୱିବେଦୀ କହିଛନ୍ତି ଯେ ଆଧାର ନାଗରିକତା ନୁହେଁ, ପରିଚୟର ପ୍ରମାଣ ହୋଇପାରେ। ସେହି ସମୟରେ, ବରିଷ୍ଠ ଓକିଲ କପିଲ ସିବଲ ଜୋର ଦେଇ କହିଥିଲେ ଯେ ଏହା ଦ୍ୱାଦଶ ଡକ୍ୟୁମେଣ୍ଟ ହେବ, ଯାହାକୁ ସେମାନଙ୍କୁ ଗ୍ରହଣ କରିବାକୁ ପଡିବ। ଗୋପାଳ ଶଙ୍କରନାରାୟଣ କହିଛନ୍ତି ଯେ ସେମାନେ ଏହାକୁ କାହିଁକି ବିରୋଧ କରୁଛନ୍ତି? ଜଷ୍ଟିସ୍ କାନ୍ତ କହିଛନ୍ତି ଯେ ଯଦି ଏହାକୁ ଦ୍ୱାଦଶ ଡକ୍ୟୁମେଣ୍ଟ ଭାବରେ ବିବେଚନା କରାଯାଏ, ତେବେ ଏଥିରେ ଅସୁବିଧା କ'ଣ?

ଦ୍ୱିବେଦୀ କହିଥିଲେ ଯେ ଏହାକୁ ପାସପୋର୍ଟ ପରି ବ୍ୟବହାର କରାଯାଇପାରିବ ନାହିଁ। ଏ ନେଇ ସୁପ୍ରିମକୋର୍ଟ କହିଥିଲେ ଯେ ଯଦି କେହି ଆଧାର ବ୍ୟବହାର କରି ଆବେଦନ କରନ୍ତି ଏବଂ ଆପଣଙ୍କର ( ନିର୍ବାଚନ କମିସନ) କୌଣସି ସନ୍ଦେହ ହୁଏ, ତେବେ ଏହାର ତଦନ୍ତ କରିପାରିବେ ।