ହେବ ବଡ଼ ଧରଣର ଆକ୍ରମଣ: ଏୟାର ଇଣ୍ତିଆରେ କରନ୍ତୁ ନାହିଁ ଯାତ୍ରା, ଏପରି ଧମକ ଦେଲେ ଖାଲିସ୍ତାନୀ ଆତଙ୍କବାଦୀ

Gurpatwant Singh Pannu: ହେବ ବଡ଼ ଧରଣର ଆକ୍ରମଣ ହେକୁ ଯାଉଛି, ଏୟାର ଇଣ୍ତିଆରେ କରନ୍ତୁ ନାହିଁ ଯାତ୍ରା ପୁଣି ଏପରି ଧମକ ଦେଲେ ଖାଲିସ୍ତାନୀ ଆତଙ୍କବାଦୀ ଗୁରପତୱନ୍ତ ସିଂ ପନ୍ନୁ । ସୋମବାର ଦିନ ନଭେମ୍ବର 1 ରୁ 19 ପର୍ଯ୍ୟନ୍ତ ଏୟାର ଇଣ୍ଡିଆ ବିମାନରେ ଯାତ୍ରା ନକରିବାକୁ ଯାତ୍ରୀମାନଙ୍କୁ ଧମକ ଦେଇଛନ୍ତି। ଶିଖ ହତ୍ୟାକାଣ୍ଡର 40 ତମ ବାର୍ଷିକୀରେ ଏୟାର ଇଣ୍ଡିଆ ବିମାନ ଉପରେ ଆକ୍ରମଣ ହୋଇପାରେ ବୋଲି ସେ ଦାବି କରିଛନ୍ତି।

ଶିଖ୍ ଫର ଜଷ୍ଟିସ୍ (SFJ) ପ୍ରତିଷ୍ଠାତା ଗୁରପତୱନ୍ତ ସିଂ ପନ୍ନୁ ଗତ ବର୍ଷ ମଧ୍ୟ ସମାନ ଧମକ ଦେଇଥିଲେ। ପନ୍ନୁଙ୍କ ଏହି ସର୍ବଶେଷ ବିପଦ ଏପରି ଏକ ସମୟରେ ଆସିଛି ଯେତେବେଳେ ଭାରତୀୟ ବିମାନଗୁଡ଼ିକୁ କ୍ରମାଗତ ଭାବରେ ବୋମାର ଉଡାଇବାର ଧମକ ମିଳୁଛି । ହେଲେ ଏପର୍ଯ୍ୟନ୍ତ ଏହି ଧମକ କେବଳ ଗୁଜବ ବୋଲି ପ୍ରମାଣିତ ହୋଇଛି।

ଜୁଲାଇ 2020 ରୁ ଗୃହ ମନ୍ତ୍ରଣାଳୟ ଦେଶଦ୍ରୋହ ଅଭିଯୋଗରେ ପନ୍ନୁଙ୍କୁ ଆତଙ୍କବାଦୀ ଘୋଷଣା କରିଛି। ସେ ଏକ ପୃଥକ ଶିଖ ରାଜ୍ୟକୁ ସମର୍ଥନ କରୁଥିବା ଗୋଷ୍ଠୀ SFJ ର ନେତୃତ୍ୱ ନେଉଛନ୍ତି । ଏକ ବର୍ଷ ପୂର୍ବରୁ ଭାରତ ଜାତୀୟ ବିରୋଧୀ କାର୍ଯ୍ୟକଳାପରେ ଜଡିତ ଥିବାରୁ SFJ କୁ ଏକ ବେଆଇନ ସଂଗଠନ ଭାବରେ ନିଷିଦ୍ଧ କରିଥିଲା।

ନଭେମ୍ବର 2023 ରେ ପନ୍ନୁ ଏକ ଭିଡିଓରେ ଦାବି କରିଥିଲେ ଯେ ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରର ନାମ ପରିବର୍ତ୍ତନ ହେବ ଏବଂ ନଭେମ୍ବର 19 ରେ ବନ୍ଦ ରହିବ। ଏପରିକି ଭିଡିଓରେ ସେ ଲୋକମାନଙ୍କୁ ଏୟାର ଇଣ୍ଡିଆ ଦ୍ୱାରା ଉଡ଼ାଣ କରିବାକୁ ବାରଣ କରିଥିଲେ। ଜାତୀୟ ଅନୁସନ୍ଧାନ ଏଜେନ୍ସି ତାଙ୍କ ବିରୋଧରେ ଅନେକ ଅପରାଧିକ ମାମଲା ରୁଜୁ କରିଛି।

ଚଳିତ ବର୍ଷ ଗଣତନ୍ତ୍ର ଦିବସରେ ଖାଲିସ୍ତାନୀ ଆତଙ୍କବାଦୀଗୁରପତୱନ୍ତ ସିଂ ପନ୍ନୁ ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମନ ଏବଂ ରାଜ୍ୟ ମହାନିର୍ଦ୍ଦେଶକ ଗୌରବ ଯାଦବଙ୍କୁ ହତ୍ୟା କରିବେ ବୋଲି ଧମକ ଦେଇଥିଲେ ।