୯୯.୯୯ ପରସେଣ୍ଟାଇଲ ରଖିଥିଲେ, ଡାକ୍ତର ହେବାକୁ ଇଛା ନ ଥିବାରୁ ଝୁଲିପଡିଲେ

ମହାରାଷ୍ଟ୍ରରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଜଣେ ଛାତ୍ର ଡାକ୍ତର ହେବାକୁ ଇଚ୍ଛା ନଥିବାରୁ ଜୀବନ ହାରିଥିବା ନେଇ ସୂଚନା ମିଳିଛି। ମହାରାଷ୍ଟ୍ରର ଚନ୍ଦ୍ରପୁର ଜିଲ୍ଲାର ଜଣେ ୧୯ ବର୍ଷୀୟ ଛାତ୍ର ମେଡିକାଲ କଲେଜରେ ନାମଲେଖା ପାଇଁ ଯିବା ଦିନ ଆତ୍ମହତ୍ୟା କରିଛନ୍ତି। ଅନୁରାଗ ଅନିଲ ବୋରକର ନିଜ ରୁମରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ଅନୁରାଗ ଏକ ସୁଇସାଇଡ ନୋଟ ଛାଡିଥିବା ଜଣାପଡିଛି ଯେଉଁଥିରେ ସେ ଡାକ୍ତର ହେବାକୁ ଚାହୁଁ ନାହାଁନ୍ତି। ତାଙ୍କ ପରିବାର ତାଙ୍କୁ ଗୋରଖପୁର ପଠାଇବାକୁ ପ୍ରସ୍ତୁତ ହେଉଥିଲେ, ଯେତେବେଳେ ଅନୁରାଗ ମଙ୍ଗଳବାର ସକାଳେ, ପ୍ରବେଶର କିଛି ଘଣ୍ଟା ପୂର୍ବରୁ ଆତ୍ମହତ୍ୟା କରିଥିଲେ।

ସିନ୍ଦେଓ୍ୱାହି ତାଲୁକାର ନାୱାରଗାଁର ଅନୁରାଗ ନୀଟ ୟୁଜି ୨୦୨୫ରେ ୯୯.୯୯ ପର୍ସେଣ୍ଟାଇଲ ସହ ଓବିସି ବର୍ଗରେ ୧୪୭୫ ଅଲ ଇଣ୍ଡିଆ ରାଙ୍କ ହାସଲ କରିଥିଲେ। ସେ ଉତ୍ତରପ୍ରଦେଶର ଗୋରଖପୁରରେ ଏମବିବିଏସ ପାଠ୍ୟକ୍ରମରେ ନାମଲେଖା ପାଇଁ ଯିବାର ପ୍ରସ୍ତୁତି କରୁଥିଲେ। କିନ୍ତୁ, ନାୱାରଗାଁ ପୋଲିସ ଅନୁଯାୟୀ, ସେ ଘରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ଘଟଣାସ୍ଥଳରୁ ଏକ ଆତ୍ମହତ୍ୟା ନୋଟ୍ ମିଳିଛି, ଯେଉଁଥିରେ ସେ ଡାକ୍ତର ହେବାକୁ ଅନିଚ୍ଛୁକ ଥିବା ଉଲ୍ଲେଖ କରିଥିଲେ। ଏହି ଘଟଣାର ତଦନ୍ତ ଚାଲିଛି।

ଆତ୍ମହତ୍ୟା କରିଥିବା ଛାତ୍ର ଜଣଙ୍କ ହେଲେ ଅନୁରାଗ ଅନୀଲ ବୋରକର। ତାଙ୍କ ପାଖରୁ ଗୋଟିଏ ସୁଇସାଇଡ(Suicide) ନୋଟ ଜବତ ହୋଇଛି। ଏଥିରେ ସେ ଡାକ୍ତର ହେବାକୁ ଚାହୁଁ ନଥିବା ଉଲ୍ଲେଖ କରିଛନ୍ତି। ଖାସ ଏହି କାରଣ ପାଇଁ ଜୀବନ ହାରିଥିବା ସେ ସୁଇସାଇଡ ନୋଟରେ କହିଛନ୍ତି।

ସିନ୍ଦେୱାହି ତାଲୁକାର ନବରଗାଓଁରେ ଅନୁରାଗ ତାଙ୍କ ପରିବାର ଲୋକଙ୍କ ସହ ରହୁଥିଲେ। ନିଟ୍ ୟୁଜି ୨୦୨୫(NEET UG 2025) ପରୀକ୍ଷାରେ ସେ ୯୯.୯୯% ମାର୍କ ରଖିଥିଲେ। ସର୍ବଭାରତୀୟ ସ୍ତରରେ ତାଙ୍କ ରାଙ୍କ ଓବିସି ବର୍ଗରେ ୧୪୭୫ ରହିଥିଲା। ଏହି ସଫଳତା ପରେ ପରିବାର ଲୋକ ତାଙ୍କୁ ଉତ୍ତର ପ୍ରଦେଶର ଗୋରଖପୁର ପଠାଇବାକୁ ଯୋଜନା କରିଥିଲେ।

ସେଠାରେ ସେ ଏମବିବିଏସ୍‌ ପାଠ୍ୟକ୍ରମରେ ନାଁ ଲେଖାଇ ଥାଆନ୍ତେ। ଏହାକୁ ନେଇ ବେଶ ଚିନ୍ତାରେ ଥିଲେ ଅନୁରାଗ। କାରଣ ସେ ଡାକ୍ତର ହେବାକୁ ଚାହୁଁ ନଥିଲେ। ତଥାପି ପରିବାର ଲୋକଙ୍କ ସ୍ୱପ୍ନ ଆଗରେ ସେ ମୁହଁ ଖୋଲି ପାରୁ ନଥିଲେ।

କିନ୍ତୁ ପରିବାର ଲୋକ ତାଙ୍କୁ ଗୋରଖପୁର ପଠାଇବା ପୂର୍ବରୁ ଅନୁରାଗ ତାଙ୍କ ଘରେ ହିଁ ଆତ୍ମହତ୍ୟା କରିଛନ୍ତି। ତାଙ୍କ ଝୁଲନ୍ତା ମୃତଦେହ ଘରର ଗୋଟିଏ ରୁମରୁ ଜବତ କରାଯାଇଛି। ପୁଲିସ୍‌ ସୁଇସାଇଡ ନୋଟକୁ ଜବତ କରି ଘଟଣାର ଅଧିକ ତଦନ୍ତ କରୁଛି।