ପୋଷା କୁକୁର ନେଲା ମାଲିକାଣୀ ଜୀବନ
ପୋଷା କୁକୁର ହିଁ ତାଙ୍କୁ ଅନାଥ କରିଦେବ ସେ କଥା ସେ କେବେ ଭାବି ମଧ୍ୟ ନଥିଲେ । ଅମିତ ଘରେ ନଥିବା ବେଳେ ସୁଶୀଳା ତ୍ରୀପାଠୀ ପିଟବୁଲ ଟିକୁ ନିଜ ଟେରାସରେ ବୁଲାଉଥିବା ବେଳେ ହଠାତ ହିଂସ୍ର ହୋଇ ଯାଇ ସୁଶୀଳାଙ୍କୁ ଆକ୍ରମଣ କରିଥିଲା ।
ଲକ୍ଷ୍ନୌ: ଆଜି କାଲି କୁକୁର ପାଳିବା ପ୍ରାୟ ଲୋକଙ୍କର ସଉକ । ସେହିଭଳି ଉତ୍ତରପ୍ରଦେଶ କୈଶରବାଗର ଅମିତ ତ୍ରୀପାଠି ନାମକ ଜଣେ ଯୁବକ ଏକ ବିଟ ବୁଲ ପ୍ରଜାତିର କୁକୁର ପାଳିଥିଲେ । ଅମିତ ନିଜ 82 ବର୍ଷୀୟା ମାଆ ସୁଶୀଳା ତ୍ରୀପାଠିଙ୍କ ସହ ରୁହନ୍ତି । ସେ ପଶୁ ପ୍ରିୟ ହୋଇଥିବାରୁ ଘରେ ଲାବ୍ରାଡୋର ଏବଂ ପିଟବୁଲ ପ୍ରଜାତିର କୁକୁର ପୋଷା ରଖିଥିଲେ। ହେଲେ ସେହି ପୋଷା କୁକୁର ହିଁ ତାଙ୍କୁ ଅନାଥ କରିଦେବ ସେ କଥା ସେ କେବେ ଭାବି ମଧ୍ୟ ନଥିଲେ ।
ଅମିତ ଘରେ ନଥିବା ବେଳେ ସୁଶୀଳା ତ୍ରୀପାଠୀ ପିଟବୁଲ ଟିକୁ ନିଜ ଟେରାସରେ ବୁଲାଉଥିବା ବେଳେ ହଠାତ ହିଂସ୍ର ହୋଇ ଯାଇ ସୁଶୀଳାଙ୍କୁ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ପାଟି କରି ବଞ୍ଚେଇବା ପାଇଁ ସୁଶୀଳା ସାହାଯ୍ୟ ମଧ୍ୟ ମାଗିଥିଲେ । ପାଟି ଶୁଣି ସାହି ପଡିଶା ଆସିବା ବେଳକୁ ଘରର କବାଟ ଭିତର ପଟୁ ବନ୍ଦ ଥିଲା । କବାଟ ଭାଙ୍ଗି ଆସିବା ବେଳକୁ କୁକୁରଟି ସୁଶୀଳାଙ୍କୁ ରକ୍ତାକ୍ତ କରିଦେଇଥିଲା ।
ଏପଟେ ଖବର ପାଇ ଅମିତ ସଙ୍ଗେ ସଙ୍ଗେ ଘରେ ପହଞ୍ଚି ମାଆଙ୍କୁ ହସ୍ପିଟାଲରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସୁଶୀଳାଙ୍କ ଶରୀରରେ 12ଟି କ୍ଷତ ରହିଛି। ଅତ୍ୟଧିକ ରକ୍ତସ୍ରାବ ଯୋଗୁଁ ମୃତ୍ୟୁ ହୋଇଥିବା ସୂଚନା ଦେଇଥିଲେ ଡାକ୍ତର ।
Click it and Unblock the Notifications
Sign in with Google