ଆନ୍ଧ୍ରପ୍ରଦେଶରେ କାରକୁ ଧକ୍କା ଦେଲା ଦ୍ରୁତଗାମୀ ଲରି, 8 ତୀର୍ଥଯାତ୍ରୀ ମୃତ
ଆନ୍ଧ୍ରପ୍ରଦେଶରେ କାରକୁ ଧକ୍କା ଦେଲା ଦ୍ରୁତଗାମୀ ଲରି । ଘଟଣାରେ 8 ତୀର୍ଥଯାତ୍ରୀ ପ୍ରାଣ ହରାଇଛନ୍ତି ।
ଅମରାବତୀ: ତେଲେଙ୍ଗାନା ସୀମାରେ ଥିବା ଆନ୍ଧ୍ରପ୍ରଦେଶର ଆଲୁରୀ ସୀତାରାମ ରାଜୁ ଜିଲ୍ଲାରେ ମଙ୍ଗଳବାର ଘଟିଛି ଏକ ଭୟଙ୍କର ସଡ଼କ ଦୁର୍ଘଟଣା। ଦୁର୍ଘଟଣାରେ ପ୍ରାୟ ଆଠ ଜଣ ତୀର୍ଥଯାତ୍ରୀଙ୍କର ମୃତ୍ୟୁ ଘଟିଛି। ମୃତକମାନେ ପଡ଼ୋଶୀ ଛତିଶଗଡ଼ର ଥିଲେ ଏବଂ ତେଲେଙ୍ଗାନାର ଭଦ୍ରାଚାଲମରେ ଭଗବାନ ରାମଙ୍କ ମନ୍ଦିରକୁ ତୀର୍ଥଯାତ୍ରା ପରେ ଫେରୁଥିଲେ ବୋଲି ପୋଲିସ ସୂତ୍ରରୁ କୁହାଯାଇଛି।
ବିପରୀତ ଦିଗରେ ଆସୁଥିବା ଏକ ଦ୍ରୁତ ଗତିରେ ଆସୁଥିବା ଲରି ତୀର୍ଥଯାତ୍ରୀ ଭର୍ତ୍ତି ଏସୟୁଭିକୁ ଧକ୍କା ଦେଇ ଫେରାର ହୋଇଯାଇଥିଲା । ଫଳରେ ଘଟଣାସ୍ଥଳରେ ତୁରନ୍ତ ଛଅ ଜଣଙ୍କର ମୃତ୍ୟୁ ହୋଇଥିଲା। ଅନ୍ୟ ଦୁଇ ଜଣ ଗୁରୁତର ଆହତଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ ।
ବର୍ତ୍ତମାନ ଆଉ ଦୁଇ ଜଣ ଆହତ ଯାତ୍ରୀ ଏପର୍ଯ୍ୟନ୍ତ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। "ଅତ୍ୟଧିକ ଦ୍ରୁତ ଗତି ଏହି ଦୁର୍ଘଟଣାର କାରଣ ପାଲଟିଛି, ଆମେ ଏକ ମାମଲା ରୁଜୁ କରି ତଦନ୍ତ କରିଛୁ ବୋଲି ପୋଲିସ କହିଛି। ମୃତଦେହଗୁଡ଼ିକୁ ଛତିଶଗଡ଼ର ନିଜ ଗାଁକୁ ସ୍ଥାନାନ୍ତର କରିବାର ବ୍ୟବସ୍ଥା କରାଯିବା ସହିତ ଆହତଙ୍କର ଚିକିତ୍ସା କରାଯାଉଛି ।
Click it and Unblock the Notifications
Sign in with Google