ଭୟଙ୍କର ସଡ଼କ ଦୁର୍ଘଟଣାରେ ୮ ଜଣଙ୍କ ମୃତ୍ୟୁ, ୧୯ ଆହତ

Accident News: ଶୁକ୍ରବାର ଅପରାହ୍ନରେ ଉତ୍ତରପ୍ରଦେଶର କନ୍ନୌଜ ଜିଲ୍ଲାର ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେରେ ଭୟଙ୍କର ସଡ଼କ ଦୁର୍ଘଟଣା ଘଟିଛି । ଦ୍ରୁତ ଗତିରେ ଆସୁଥିବା ଡବଲ-ଡେକର ବସ୍ ଏକ୍ସପ୍ରେସ୍ ସାଇଡ ଗଛରେ ପାଣି ଦେଉଥିବା ଏକ ଟ୍ୟାଙ୍କରକୁ ମୁହାଁମୁହିଁ ଧକ୍କା ଦେଇଥିଲା ଫଳରେ ୮ ଜଣଙ୍କ ମୃତ୍ୟୁ ହୋଇଥିଲା ସେହିପରି ଏହି ଦୁର୍ଘଟଣାରେ ୧୯ ଜଣ ଗୁରୁତର ଆହତ ହୋଇଛନ୍ତି।

ସୂଚନା ଅନୁସାରେ ଦୁଇ ଗାଡ଼ି ମୁହାଁମୁହିଁ ଧକା ହେବା ଫଳରେ ଦୁର୍ଘଟଣା ସ୍ଥଳରେ ୬ ଜଣଙ୍କମୃତ୍ୟୁ ଘଟିଥିବା ବେଳେ ଡାକ୍ତରଖାନାରେ ପହଞ୍ଚିବା ପରେ ଅନ୍ୟ ଦୁଇ ଜଣଙ୍କର ମଧ୍ୟ ମୃତ୍ୟୁ ଘଟିଛି। ଏହା ବ୍ୟତୀତ ଅନେକ ଯାତ୍ରୀ ବସ୍‌ରେ ଫସି ରହିଥିବା ନେଇ ସୂଚା ରହିଥିଲା । ଘଟଣା ସମ୍ପର୍କରେ ସୂଚନା ଦେଇ ଏସପି ଅମିତ କୁମାର କହିଛନ୍ତି ଯେ ୮ ଜଣ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ୧୯ ଜଣ ଆହତ ହୋଇଛନ୍ତି।

ସେ କହିଛନ୍ତି, ଏକ୍ସପ୍ରେସୱେରେ ଥିବା ଏକ ଟ୍ୟାଙ୍କରଟି ଗଛରେ ପାଣି ଦେବା ସମୟରେ ଦୁର୍ଘଟଣା ଘଟିଛି । ମୁହାଁମୁହିଁ ଧକ୍କା ହେବା ପରେ ଉଭୟ ବସ୍ ଏବଂ ଟ୍ୟାଙ୍କର୍ ଗାଡି ଓଲଟି ପଡିଥିଲା। ଯେଉଁଥିପାଇଁ ବସ୍‌ରେ ଯାତ୍ରା କରୁଥିବା ଯାତ୍ରୀଙ୍କର ମୃତ୍ୟୁ ହୋଇଥିଲା । ଦୁର୍ଘଟଣା ପରେ ବସ୍‌ରେ ଫସି ରହିଥିବା ଯାତ୍ରୀଙ୍କୁ ସ୍ଥାନୀୟ ଲୋକଙ୍କ ସାହାଯ୍ୟରେ ଉଦ୍ଧାର କରାଯାଇଥିଲା । ଘଟଣା ସମ୍ପର୍କରେ ପୋଲିସକୁ ସୂଚନା ଦିଆଯିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିବା ସହ ମୃତ୍ୟୁ ଦେହ ଜବତ କରିଥିଲା ।

ଦୁର୍ଘଟଣା ପରେ ଘଟଣାସ୍ଥଳର ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେଉଛି । ବସଟି ଓଲଟି ପଡିବା ସହ ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କ ମୃତଦେହ ବସ୍ ନିକଟରେ ପଡ଼ିଛି। ସ୍ଥାନୀୟ ଲୋକଙ୍କ କହିବା ଅନୁସାରେ ମୃତ୍ୟୁ ସଂଖ୍ୟା ଆହୁରି ବୃଦ୍ଧି ପାଇପାରେ । ବର୍ତ୍ତମାନ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।

English summary

8 killed, 19 injured in horrific road accident.