ଶ୍ରୀନଗର ଲାଲଚୌକରେ ଉଡିଲା ତ୍ରିରଙ୍ଗା

ବେଶ ଉତ୍ସହର ସହ ଆଜି ସାରା ଦେଶରେ ପାଳିତ ହୋଇଛି 76ତମ ସ୍ବାଧୀନତା ଦିବସ । ଦେଶର ବିଭିନ୍ନ ସ୍ଥାନରେ ଜାତୀୟ ପତାକା ଉତ୍ତୋଳନ ହୋଇଛି। କାଶ୍ମୀରରେ ମଧ୍ୟ ସ୍ବାଧୀନତା ଦିବସ ଉତ୍ସାହର ସହ ପାଳନ କରାଯାଇଛି ।

ଶ୍ରୀନଗର: ବେଶ ଉତ୍ସହର ସହ ଆଜି ସାରା ଦେଶରେ ପାଳିତ ହୋଇଛି 76ତମ ସ୍ବାଧୀନତା ଦିବସ । ଦେଶର ବିଭିନ୍ନ ସ୍ଥାନରେ ଜାତୀୟ ପତାକା ଉତ୍ତୋଳନ ହୋଇଛି। କାଶ୍ମୀରରେ ମଧ୍ୟ ସ୍ବାଧୀନତା ଦିବସ ଉତ୍ସାହର ସହ ପାଳନ କରାଯାଇଛି । ରାଜଧାନୀ ଶ୍ରୀନଗରର ପ୍ରସିଦ୍ଧ ଲାଲଚୌକରେ ଜାତୀୟ ପତାକା ଉଡାଇବା ସହ ସ୍ବାଧୀନତା ଦିବସ ପାଳନ କରିଛନ୍ତି ସ୍ଥାନୀୟ କାଶ୍ମୀରବାସୀ ।

90 ଦଶକରେ ଘାଟିରେ ଆତଙ୍କବାଦ ଚରମ ସୀମାରେ ପହଞ୍ଚିଥିବା ବେଳେ ଏକାଧିକ ଥର ଲାଲଚୌକରେ ପାକିସ୍ତାନ ପତାକା ମଧ୍ୟ ଉଡିଥିବା ଦେଖିବାକୁ ମିଳିଥିଲା । ଅନେକ ସଂଗଠନ ମଧ୍ୟ କାଶ୍ମୀରକୁ ଭାରତର ଏକ ଅବିଚ୍ଛେଦ ଅଙ୍ଗ ଭାବେ ସାବ୍ୟସ୍ତ କରିବା ପାଇଁ ଲାଲଚୌକରେ ତ୍ରିରଙ୍ଗା ଲହରାଇବା ଏକ ଆହ୍ବାନ ଭାବେ ମଧ୍ୟ ଗ୍ରହଣ କରିଥିଲେ। ଆଜି ସେହି ଲାଲଚୌକରେ ତ୍ରିରଙ୍ଗା ଉଡିଛି । ବିଭିନ୍ନ ଅନୁଷ୍ଠାନ ତଥା ସ୍କୁଲ ଓ କଲେଜର ଛାତ୍ରଛାତ୍ରୀମାନେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।

ଦେଶ ସ୍ୱାଧୀନତାର 'ଆଜାଦି କା ଅମୃତ ମହୋତ୍ସବ' ପାଳନ କରୁଛି। ବ୍ରିଟିଶ ଶାସନରୁ ଦେଶ ସ୍ୱାଧୀନତା ପାଇବାର 75 ବର୍ଷ ବିତିଛି । ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁ 15 ଅଗଷ୍ଟ 1947 ରେ ପ୍ରଥମେ ପତାକା ଉତ୍ତୋଳନ କରିଥିଲେ ।

English summary

The 76th Independence Day was celebrated across the country today. The national flag was hoisted in various parts of the country. In Kashmir too, Independence Day was celebrated with great enthusiasm.